Den Diamond Stars League
Nos Goso ta gana 2 wega den wikènt
WILLEMSTAD- Durante wikènt di 11 pa 13 di Mart Diamond Stars League a kontinuá su kampionato ku algun wega ku a tuma lugá na Sam Bunting Ballpark. Nos Goso a gana 2 wega i ta lider invikto den e liga menshoná. Nos Goso a gana Rising Trotters ku skor di 3 – 0 djabièrnè 11 di Mart i djasabra 12 di Mart Nos Goso ta derotá Lady G ku skor di 12 pa 8. Ku e derota Rising Trotters a keda na di 2 lugá di e liga. Awe nos tin resultado di algun wega.
RESULTADONAN
Djabièrnè 11 di Mart
Nos Goso 3, Rising Trotters 0
Nos Goso tabatin 7 hit ku 1 eror. Emily Jonis a gana. Natasha Marselia a bai di 2-2. Melissa Rosalina i Leonise Avastia, ámbos a bai di 2-1. Natalie Lourens, Asila Finies ku Emily Jonis, tur 3 a bai di 3-1. Pa Rising Trotters 4 hit ku 1 eror. Janella Comenencia. Arlene Felipa-Mercelina a bai di 2-2. Curilma Carolina di 1-1 i Marilyn Windster a bai di 2-1.
Djasabra 12 di Mart
Nos Goso 12, Lady G 8
Nos Goso a dal 13 hit i nan a kometé 5 eror. Carlientje Cleopa tabata picher ganadó. Natasha Marselia a bai di 3-3. Melissa Rosalina, Sonna Valies, Girela Isabella i Gwendolyn Juliana, tur a bai di 3-2. Leonise Avastia di 1-1 i Asila Finies di 3-1. Lady G tabatin 8 hit ku 7 eror. Geraldine Isabella a resultá pèrdèdó. Nuria Garrido a bai di 3-2 i Monica Noor di 2-1. Sulaika Isabella, Lidouska Melfor, Mirurgia Bernadina, Mairita Reigina ku Josseline Giterson-Cloteda, tur a bai di 3-1.
Mas Goso 10, Warriors 2
Mas Goso tabatin 12 hit ku 2 eror. Milusca Leito a bai ku e viktoria. Sovienne Kleinmoedig, Dayenne Delando ku Esterline Lindeborg, tur 3 a bati di 3-2. Marie Bentura ku Henmarigila Bernardus, ámbos a bai di 1-1. Shalimayla Martis ku Loeshemains Kook, ámbos di 2-1. Arnalda Margarita di 3-1 i Shunesca Martina tambe di 3-1. Pa Warriors 4 hit ku 9 eror. Mairis Obispo a karga ku e derota i e mes a bai di 1-1. Churmalyn Eduarda, Ingrid Rondei i Candida Wawoe-Gregorius, tur a bai di 2-1.
INFORMASHON DI SÒFTBÒL I BEISBÒL
Fanátikonan di Deporte Korsou, bon dia i felis siman. Torneo Amstel Bright a sigi kayente wikènt pasá (12 i 13 di mart) na Van Engelen Ballpark. Djabièrnè 11 di mart no tabatin wega debí na un palu di awa ku a kai alrededor di Van Engelen Ballpark i rònt Kòrsou. Riba vèlt B dos wega a keda kanselá. E weganan aki lo tuma lugá den e siman aki den oranan di anochi riba vèlt A. Ta wega di Douane vs Banco di Caribe i Quick 60 vs Bomboshi a keda kanselá. Djabièrnè tabata weganan SBAB vs Belastingdienst, SOAB vs ORC i Choonchies vs Happy Brothers. Tabata spera masha hopi hende mes djabièrnè anochi pa e wega SBAB vs Belastingdienst, pero tereno tabata den mal estado. Ayera 18 di mart tabatin e wega menshoná i nos ta pendiente di resultadonan.
* * * * *
Liga 50 a sigi kayente djasabra den Torneo Amstel Bright. Ta solamente ekipo Sluggers a keda kòrtiku despues ku nan a pèrdè kontra Marlins 8 pa 3. Weganan di djasabra tabata Pitufos vs Ban Serio, Artemisia vs Jaws, Marlins vs Baranka sigí pa Jandoret Raiders kontra Lions. Na final di e kolumna nos tin resultado di e weganan aki. Moveshonnan a sigi pa Torneo Hope i e siman aki inskripshon ta sera. Ta pendiente pa mas inskripshon di e parti di 40+ ku ta algu nobo den Torneo Hope.
* * * * *
Torneo The Brothers di Beisbòl Veterano ta start e wikènt aki na Tata Beaumont Ballpark na Bonnam. 10 ekipo di Beisbòl Veterano ta partisipá den e torneo. Ekiponan The Brothers, Jandoret, Vosama, Marlins i Santa Rosa den Pul A. Quality Stars, Isla Crackers, Santa Maria, Azucar i Marchena den Pul B. Ekiponan Otrabanda i Yesterday no ta partisipá na e torneo warm-up aki. E promé wega di e torneo ta entre Jandoret Raiders i The Brothers. Jandoret Raiders ta den Torneo Amstel Bright i tabata pendiente pa wak si por start den e torneo e siman sigiente. Nan a kanselá durante siman. E torneo ta terminá 10 di aprel i kampionato di Beisbòl Veterano ta start 17 di aprel.
* * * * *
En konekshon ku e Torneo Warm-up organisá pa The Brothers ku ta programá pa finalisá dia 10 di Aprel, Beveko lo kambia e fecha tentativo di 2 di Aprel, menshoná den reunión, pa 16 Aprel.
E echo ku e ekipo di Bulldogs a retirá ta duna Beveko èkstra tempu pa kuminsá e kampeonato un poko mas lat, pero tòg kumpli ku e deseo di mayoría ekipo pa kaba e temporadanan den luna di òktober i/òf kuminsamentu di novèmber. (si e temporada kana sin tin interupshon). Beveko lo ratifiká e fecha ariba menshoná serka e ekiponan den reunión general ku ta programá pa djárason awor 16 di mart. Lista di ekiponan mester ta den dia 16 di mart 2022.
* * * * *
Diamond Stars League a sigi ku varios wega den wikènt na Sam Bunting Ballpark. Djabièrnè anochi Nos Goso a blankiá ekipo Rising Trotters ku tremendo picheo atrobe di Emily Jonis. Nos Goso a keda úniko ekipo invikto despues ku nan a kibra invikto di Rising Trotters. Promé ku weganan di djadumingu e standing tabata lo sigiente: Nos Goso 6-0, Rising Trotters 5-1, Treasure New Era 3-2, The Fighters 2-1, Eureka 1-3, Mas Goso 1-2, Lady G 0-4, The New Warriors 0-5. Celeste Francisca di The Fighters ta lider den bateo ku average .714. Tanusi Delando di ekipo Treasure ta number 2 ku .643. Sovienca Calmera (Rising Trotters) ta number 1 den RBI ku 9 kareda empuhá. Emily Jonis di Nos Goso lider den picheo ku un ERA di 0.00 den 11 inning pichá.
* * * * *
Otro resultadonan di wikènt den The Diamond Stars League ta Mas Goso 10, The New Warriors 2. Nos Goso a gana djasabra tambe di Lady G ku skor di 12 pa 8. Liga di Nos Tur ta pendiente pa start despues ku The Diamond All Stars League terminá. Varios torneo na kaminda, entre otro Torneo Hope, ABC 50+ na Kòrsou ku ta organisá pa Marlins. Torneo Wim Felicia dianan 1, 2 i 3 di yüli na Frank Curiel Ballpark. Nos ta keda te aki pa awe.
