Nos Selekshon Nashonal Femenino ta kla pa nos prome wega, e dia a yega
WILLEMSTAD - Manera nos a anunsiá nos selekshon nashonal femenino kategoria senior lo tin 2 kompromiso durante e 2022 CONCACAF Women’s Qualifiers.
E promé lo ta mañan djasabra, 19 di febrüari 2022 kaminda nos selekshon lo topa Guatemala aki na Kòrsou den Stadion Rignaal ‘Jean’ Francisca pa 6’or di atardi.
Djadumingu nos selekshon lo biaha pa Repúblika Dominikana pa nos segundo enkuentro ku lo ta 22 di febrüari kontra St. Kitts & Nevis.
Despues ku Gobièrnu di Kòrsou a suavisá e medidanan, públiko ta mas ku bon biní na e partido entre nos selekshon nashonal femenino senior i Guatemala.
Karchinan ta optenibel na lokèt di FFK mañan, djasabra kumisando for di 4:30 PM.
E preis pa adulto ta fl.10,- miéntras mucha di 6 te ku 12 aña i 60+ ta paga solamente fl.5,-. Si bo ta un dama áktivo den Kampionato Femenino di FFK, presentá ku bo karnèt di FFK i un ID bálido i bo ta paga Fl.5,-.
Promé ku nos selekshon a drenta hotel ayera, nan a reuní na FFK pa ‘lunch’ huntu i bishita nos spònser prinsipal ku ta Betonindustrie Brievengat.
Awe nos selekshon ta tin su último training i ta mentalmente i físikamente bon prepará pa saka nos kara mañan.
Nos selekshon ta konsistí di e siguiente hungadónan;
1. Taïsha Hansen (Vesta)
2. Jully Lake (Vesta)
3. Fresheny Michiel (Vesta)
4. Riesmarly Tokaay (Hubentut Fortuna)
5. Sephanyah Pedro (Vesta)
6. Anaïse Piar (Vesta)
7. Kaaisha Constansia (Excellence School)
8. Marelly Balentina (Regent University Royals, Merka)
9. Sterre Noordhoek (Inter Willemstad)
10. Nuhely Emerenciana (Vesta)
11. Ashanty Alexandre (Vesta)
12. Ignarda Pieternella (Hubentut Fortuna)
13. Sadéyah Rosa (Sparta, Hulanda)
14. Thiheyna Susana (Undeba)
15. Charnainelys Andrea (Vesta)
16. Jeleaugh Rosa (Sparta, Hulanda)
17. Kadisha Martina (Brewton-Parker College, Merka)
18. Fellicity Verhagen (Feyenoord, Hulanda)
19. Rushaviana Petronilia (Jong Holland)
20. Queen-Jelly Alexandre (Vesta)
FFK ta gradisí nos pònsernan; Betonindustrie Brievengat, Mangusa Supermarket, Volkswagen, Vidanova Bank i EWT pa a kere den nos selekshon nashonal femenino senior i kontribuí ku e desaroyo di nos damanan.
Nos selekshon nashonal femenino ta warda pueblo di Kòrsou kompletu pa bin apoyá i sostené nan, mañan djasabra 19 di febrüari pa 6’or di atardi den Stadion Rignaal ‘Jean’ Francisca…yega trempan pasó e karchinan ta limitá!
FFK ta deseá nos selekshon nashonal femenino senior tur klase di éksito durante nan partisipashon na e 2022 CONCACAF Women’s Qualifiers.
