NOS SELEKSHON NASHONAL LO ENFRENTÁ HONDURAS AWE 3 DI YÜNI 2022 DEN STADION ERGILIO HATO PA 8’OR DI ANOCHI!
WILLEMSTAD - Tur kos ta kla pa nos selekshon nashonal enfrentá Honduras awe anochi 8’or den Stadion Ergilio Hato durante nos promé partido di CONCACAF Nations League pa e aña aki.
Nos selekshon ta tin su último seshon di training ayera ‘nochi i tur nos hungadónan ta físikamente i mentalmente bon prepará pa saka nos kara aki ratu.
Karchinan pa nos partido di awe ta optenibel na e siguiente puntonan di benta;
- Ofisina di FFK
- Mensing's Caminada
- Changes Saliña
- 4th of July snèk
- Pòmp di gasolin Sta Maria
- Van den Tweel Supermarket Zeelandia
- Botika Mampuritu
- Sentronan di pago Tu y Yo
- Online via Caribbeanticketshop.com
No lo bai tin karchi na porta pues sòru pa bo tin bo karchi trempan pa bo no keda afó.
Portanan ta habri for di 6’or di atardi, kòrda yega trempan pa evitá e tráfiko.
Preis general ta fl. 25 pa tur hende pa sekshonnan (A, B, C, D, E, F) miéntras VIP ta kosta
fl. 200,- ku konsumo inkluí.
E shirtnan di nos selekshon nashonal kolo blanku i blou tambe tei i ta na benta pa e siguiente preisnan;
Shirt di hende grandi ta kosta fl.150,- (s-xl)
Shirt di mucha ta kosta fl. 75,- (xs-xl)
Set pa mucha (shirt, shòrt i mea) ta kosta fl.125,- (xs-xl)
Kumpra bo shirt trempan pa bo bin apoyá nos selekshon awe 'nochi den stadion. Nos hungadónan ta kla, ta abo so falta pa bin apoyá i sostené nos selekshon ku lo enfrentá Honduras awe durante nos promé partido di CONCACAF Nations League pa e aña aki!
