Sòftbòl i Beisbòl - Nos Tambe Por ta dal Los Amigos 9 pa 1 i Marlins a laga Pitufos den tereno

Nos Tambe Por ta dal Los Amigos 9 pa 1 i Marlins a laga Pitufos den tereno

WILLEMSTAD- Nos Tambe Por a dal Los Amigos ku skor di 9 pa 1 den kontinuashon di Liga 60 djadumingu último na Frank Curiel Ballpark. Den otro wega ekipo Lions a gana Sluggers 7 pa 6 i Nos Power a blankiá Curacao Super Stars 10 – 0. Standing ta Jaws 4-1, Nos Tambe Por 3-1, Pitufos 3-1, Nos Power 2-1, Los Amigos 2-3, Nos Power 2-1, Lions 1-3, Sluggers 1-4 i Curacao Super Stars 0-4.

Nos Tambe Por ku viktoria grandi 9 pa 1 riba Los Amigos.

Lions 7, Sluggers 6
Lions a dal 11 hit i kometé 5 eror. Elvis Jacobus tabata e picher ganadó i e mes a bati di 3-2. Heinrich Wever di 2-2, Gensley Balborda i Hayworth Felipa di 3-3. Sluggers a dal 7 hit i hasi 1 eror. Frank ‘Sweet Music’ Rafael tabata e picher pèrdèdó. Junny Marselia i Abelino Julia a bati di 3-2. Junny Marselia a konektá un homerun.

Nos Tambe Por pendiente pa Jaws pa di dos buelta.

Nos Power 10, Curacao Super Stars 0
Nos Power a bati 8 hit i hasi 1 eror. Earl Virginia a bati di 2-2. Tito Rosalia di 3-2. Richard Albertsz tabata e picher ganadó. Curacao Super Stars a dal 3 hit i kometé 4 eror. Encho Brandao tabata e picher pèrdèdó. Arsenio Servanie, Ellis Brunken i Nelson Marks, tur a bati di 2-2.

Nos Tambe Por 9, Los Amigos 1
Nos Tambe Por a bati 14 hit i hunga sin kometé eror. Siegfried Lopez tabata e picher ganadó. Edmond ‘Wochi’ Balentina i Emile Haswell a bati di 2-2. Renato Anasagasti, Wim Felicia i Percy Schoop, tur a bati di 3-2. Percy Schoop a dal un homerun. Los Amigos a bati 7 hit i hasi 3 eror. Norman Provence tabata e picher pèrdèdó. Ingemar Jonis, Elvis Thielman i Arturo Franka a bati di 1-1.

Los Amigos a kai vensi kontra di Nos Tambe Por ku skor habri.

Marlins ta laga Pitufos den tereno ku skor di 20-16

WILLEMSTAD- Eugene ‘Papo’ Antonia a dal un homerun ku base yen pa Marlins laga ekipo Pitufos den tereno djasabra 29 di yüli den Stadion Post 6. Tabata un wega bon bringa ku Pitufos tabata ariba mayoria parti di e wega. Den otro wega Flamboyan a dal Lions 12 pa 4, Jaws a gana Catpower 15-11 i Baranka a gana Artemisia 19-3. Djasabra awor e weganan lo ta bèk na Van Engelen Ballpark. Marlins lo topa ku Ban Serio den un wega kandela pa 2’or pm, sigi pa Jaws vs Pitufos 4’or pm.

Marlins ku homerun di Papo Antonia a laga Pitufos den tereno.

‍

Marlins 20, Pitufos 16
Marlins a dal 19 hit i nan a kometé 3 eror. Lionel Li a gana i Amarildo Coffie a bai di 2-2. Jurgen Susanna, Eddy Obispo ku Shernol Martina, tur a bai di 3-2. Eugene Antonio a bai di 4-2. Gregory Zimmerman a bati di 3-3 i Bryan Esclodina a bai di 4-3. Eugene Antonio a konektá 1 homerun ku tabata 1 Grand slam. Ian Leito, Irving Sambo ku Gregory Zimmerman, tur a konektá 1 homerun. Pa Pitufos 14 hit ku 5 eror. Sharlon Hanst a pèrdè i Luis Coffie a bai di 1-1. Sharlon Louisa, Johan Cicilia ku Elston Constancia, tur a bai di 2-1 i Robertson Josepha a bai di 2-2. Sidney de Windt ku Juburnie Davelaar, ámbos di 3-2 i Jurwin Duggan di 3-3.

Flamboyan 12, Lions 4
Flamboyan tabatin 15 hit ku 4 eror. Eithel Brunken tabata ganadó. David Rodriguez i Gregory Renis, ámbos di 1-1. Stanley Palm, Gilbert Juliet, Alberto Rafael i Luis Alcantara, tur a bai di 2-1. Gerthon Matrona, Richinel Candelaria ku Vernon De Lanooi, tur di 3-2 i Lyndon Lourensz di 3-3. Gilbert Juliet a konektá 1 homerun. Pa Lions 3 hit sin eror. Edward Janga a resultá pèrdèdó. Fabiani Arcadio a bai di 1-1, Edward Janga di 2-1 i Nelson Jacoba di 3-1.

‍

Jaws 15, Catpower 11
Jaws a dal 13 hit i nan a kometé 4 eror. Fernando Rosario a bai ku e viktoria. Manuel Rekondie ku Cedrix Valies, ámbos a bai di 1-1. Marvin Wijman a bai di 2-1. Deron Clara ku Shamir Evers, ámbos di 2-2. Fernando Rosario a bai di 3-2. 4 hungadó a bai di 3-1. Tyron de Palm ku Cedrix Valies a konektá 1 homerun. Catpower tabatin 9 hit ku 2 eror. Michiel De Roon a karga ku e derota. Hendrik Gabriel, Frensel Esclodina ku Hercules Adonis Janga, tur a bai di 2-1. Persy Gosepa di 2-2.

Baranka 19, Artemisia 3
Baranka a dal 18 hit i kometé 1 eror. Rudney Garmers a gana i Abelino Julia a bai di 1-1. Myron Wijman, Edmar Cornelia, Robertico Ramazan i Rignald Jonis, tur a bai di 2-1. Dennis D’Arnault a bai di 2-2, Emmeric Agatha, Joseph Everon ku Sharlon Chirino, tur a bai di 3-2. Sedeney Lourens a bai di 3-3. Artemisia tabatin 6 hit ku 3 eror. Claifson Domacasse a pèrdè. Giovanni Maduro ku Frensel Martina, ámbos a bai di 2-1. Cedric Antonia i Fardy Lard, ámbos di 2-2. Frensel Martina a konektá 1 homerun.

Frank Pampuna fanátiko number 1 di Baranka.

‍

MAS INFORMASHON DI SÒFTBÒL I BEISBÒL

‍
Fanátikonan di Deporte Kòrsou, bon dia i bon siman. Nos tabatin un fin di siman kargá ku weganan di Sòftbòl i Beisbòl, entre otro Torneo SKAK ku a tuma lugá dilanti bon públiko tur dia na Van Engelen Ballpark. Den kurso di siman nos tin resultadonan kompletu i pòtrèt. Ekiponan Corendon, Quick 60, Balashi, Selikor, EWT i WEB a klasifiká pa e buelta di 8. Ekiponan SDKK, CRU i Flow/Selikor tabata kompetí formal den 40+. Balashi a bira kampion den Soshal i SDKK den 40+ i . Pa loke ta trata Liga 50, ekipo Marlins a laga Pitufos den tereno den un wega bon bringá. E wega a terminá ku skor di 20 pa 16. Ke mèn, maraton di kareda aya den Stadion Post 6. E wikènt aki weganan di Liga 50 lo bai Van Engelen Ballpark bèk.

E siman aki nos ta bèk na Van Engelen Ballpark.

* * * * *

Miéntras tantu Liga van Engelen lo start djadumingu awor na Van Engelen Ballpark. 8 ekipo lo kompetí pa e premio máksimo. Temporada pasá Swift a bira kampion invikto i segun nos ta promé biaha den historia di Liga van Engelen ku un ekipo ta bira kampion invikto. For di despues ku ekiponan Baranka, Dalpega i Buena Vista Power a move for di Liga van Engelen, ta Swift so a keda bira kampion. Ekiponan ku ta partisipá den Liga van Engelen ta Swift, The Kings, Renegados, Navegantes, Jaws, Clase Aparte, Quisqueya i Bucaneros. Liga van Engelen a start lat, debí ku e kampionato di 2022 a sigi ku play-off i terminá den 2023.

LIga van Engelen ta start djadumingu 6 di ougùstùs.

* * * * *

Pa loke ta Liga Amstel nada ainda. A bin protesta ets, presidente di e liga a baha bai i te ainda ekiponan ta deliberando kiko lo bai pasa ku kampionato di Liga Amstel 2022. Liga 50 lo bai bèk Van Engelen Ballpark manera nos a bisa i tin ora ta parse manera ta dos liga ta hungando pareu, debí ku ta masha hopi fanátiko ta bai mira Liga 50. Djasabra awor ta kandela tin na momentu ku Ban Serio topa ku Marlins na Van Engelen Ballpark pa 2’or pm, despues lo sigi Jaws kontra Pitufos. No a bini masha kambio pa loke ta trata e standing siman pasá. Ekiponan faborito a sigi gana.

* * * * *

Den Beisbòl Dòbel A, Marchena Braves a gana di Groot Kwartier Stars 11-10 i pasa pa okupá puesto number 5. Marchena a gana dos wega sigí. Nan a gana Santa Maria wikènt pasá i nan a gana di Groot Kwartier djasabra pasá. Remarkabel ta ku Marchena Braves ku nan forsa ta den Hubenil ta hunga masha hopi wega den wikènt kaminda e Hubenilnan no tin mag di hunga dos wega riba mesun dia. Un bon fuente ligá ku Marchena a bisa nos esei. En todo kaso Marchena tin chèns di klasifiká number 5 i lo bai topa e ekipo number 4 den un wega krusial, wega di Wild Card. Weganan ku a sigi despues di Groot Kwartier vs Marchena tabata dia 30 di yuli, Santa Rosa 21, Groot Kwartier 0; Wild Cats 13- Royal Scorpions 3. Djaluna 31 di yüli Santa maria Pirates 11, Santa Rosa 0. Jhan Rifalea a bini bèk for di Hulanda i pone pelikula pa Santa Maria riba montikulo. Djamars 1 di ougùstùs Wild Cats 13, Santa maria 11. Djarason 2 di ougùstùs Royal Scorpions 11, Marchena Braves 1. Djaweps 3 di ougùstùs, Santa Maria Pirates 11, Groot Kwartiers Stars 4. Standing up to date ta: Santa Rosa 11-4, Wild Cats 10-5, Royal Scorpions 9-6 , Santa Maria 8-8, Marchena 4-10 i Groot Kwartier 3-12.

Marchena a zona un kampanaso riba Santa Maria i ta na di 5 lugá stabil pa hunga wild card.

* * * * *

Selekshon Senior League di Liga Pabou a start ku weganan di e kompetensia Mundial aya na Easley, Michingan. Djadumingu 9’or di mainta kontra e representashon di Europa/Afrika. Nos a gana ku skor di 16-13. Djamars nos a gana Australia 10-0 i pasa pa final internashonal. E wega lo tuma lugá djabièrnè 4 di ougùstùs pa 4’or pm. Dianan 10 i 11 di ougùstùs selekshonnan Little i Junior lo sali pa USA. Miéntras tantu Torneo Didi Deeds Summer Tournament ku weganan na Frank Curiel Ballpark i Domi Ballpark. Ta pendiente pa apertura di e tremendo parke aya na Terra Corra. E parke ta kla kla pa loke ta trata e tereno di hunga bala. Falta algun kos chiki mas alrededor di e parke.

Portrèt di Kòrsou vs Hulanda, momentu historiko djadumingu 30 di ougùstùs

* * * * *

Major League Baseball ta sigi interesante aya na USA. Pichernan ta tira 100 mia manera nada no a pasa. Djasabra nos tabata mira e picher Camilo Doval di Giants nasé na República Dominicana tabata tira 100 pa 102 mia riba un fásil. Tòg e no por a salba e wega i a tuma 2 kareda. Tabata e wega entre San Francisco Giants i ekipo Boston Red Sox di Kenley Jansen. Kenley Jansen a drenta wega den di 9 ku e wega empatá i a tuma un homerun di e batiadó J.D. Davis. Riba e promé lansamentu di Kenley Jansen, Davis a swing i e bala a dal den foul pole den left pa homerun. Un lansamentu so i game over. Ya.. dimes e picher ta buska manera di kue un straik i asina ta Beisbòl. Despues Kenley a bini bèk fuerte e siman aki i salba un wega djamars. Ultimo 7 weganan ku Kenley a picha e tin un ERA di 1.93 i 5 wega salba. Kenley tin total 24 wega salba den 27 oportunidat ku un ERA di 3.06. Nos ta keda te aki pa awe.