WILLEMSTAD Den reunion ku a tuma lugá djaweps anochi, a wòrdi disidí ku e dos fechanan ku weganan a wòrdu pará pa motibu awaseru lo no tuma lugá mas. Esaki komo ku ya no por bini kambio mas den e standing pa loke ta e timnan ku a klasifiká. Pa e motibu ei , djadumingu play-off lo kuminsá ku 2 wega.
Djadumingu 17 di òktober pa 1’or Los Amigos komo bishitante lo enfrentá Lions komo ekipo di kas; Pa 3’or Nos Tambe Por, bishitante, lo enfrentá Jaws komo ekipo di kas. Barwacht lo ta den man di Curacao Super Stars.
Standing final di Liga 60. Jaws ta na promé lugá ku 9 ganá i 1 pèrdí; (2). Nos Tambe Por 8 – 2; (3). Lions 7 – 4; (4). Los Amigos 5 - 5; (5). Mon Repos Sluggers 3 – 7; (6). Nos Power 2 – 8; (7). Curacao Super Stars 1 – 8.
