Raysheandall Michel a firma ku Wild Cats i mas informashon di Beisbòl i Sòftbòl
WILLEMSTAD- E gran outfielder ku a hunga profeshonal pa hopi aña den organisashon di Atlanta Braves, Raysheandall Michel, a firma ku Wild Cats. Raysheandall lo djòin su ruman Raysheron Michel den Wild Cats. Raysheandal a firma profeshonal ku Atlanta Braves i a kuminsá su karera profeshonal for di 2015. Na 2017 ela bati pa .312 i e tabata konsiderá gran prospekto pa yega leu. Raysheandall Michel ta yu di Viveca Hughes, skorer i hopi envolví den Beisbòl for di Little League te ku Dòbel A. Raysheandall a bira agente liber 27 di novèmber 2021.
JOSEPHINA
Wild Cats ta serka di yega na un akuerdo ku Terrence Josephina. No ta sigur ku Wild Cats lo sigi tras di Yurendell de Caster.
* * * * *
Lesadonan di Deporte Korsou bon dia. Nos tin informashonnan di Slowpitch I Beisbòl. Nos a mira Gerald Mathilda den seno di Jaws den Liga 50. Gerald Mathilda a konfirmá pa nos ku ela bai Jaws bèk despues ku na aña 2021 e tabata den Catpower. Jaws lo ta fuerte bèk ku Gerald Mathilda komo pinch hitter i komo dirigente. Catpower a haña algún hungadó nobo pa 2022, entre otro Denley Marten, Normal ‘Slobbo’ Sloop, Wendell van het Kruys, ets. Parse ku Wendell van het Kruys a bai Ban Serio bèk. Pitufos tabata duru tras di Wendell, pero ela bisa Ban Serio ku e lo keda den 2022.
* * * * *
Jaws ta pendiente pa organisá un torneo 60+ dediká na Ivan ‘Kid Boca Chica’ Schoobaar. Nos ta pendiente pa mas informashon di Wimbert Hato ku ta lider den Jaws den 60+. Miéntras tantu ekipo Nos Power ta hañando varios hungadó di kaliber pa kampionato 2022. Den 2023 nan lo tin hungadónan manera Winston Kirindongo, Earl Virginia i otronan. Ultimo añanan Liga 60+ a krese formal i ta hopi hungadó di Dòbel A di komienso di 2022 ta rumbo pa 60+. Nos Tambe Por tin 3 aña sigí kampion i ta pendiente di hopi hungadó di kaliber. Wim Felicia ya a anunsiá ku ta su último aña ku Nos Tambe Por i den 2023 Wim Felicia lo ta huntu ku su ruman den ekipo Lions.
* * * * *
Djarason 9 di mart tabata deadline pa traspasonan den Beisbòl Veterano. Lista di hungadó mester t’adén 16 di mart ku ta nèt un siman despues. Riba e fecha 16 di mart mester tin e di dos reunión general. Ekiponan di Beisbòl Veterano ta loko tras di hungadónan di Bulldogs ku ta liber liber. Esnan mas buska ta e picher Lester Victoria i Sor Moesquit. Bulldogs tabatin un bon temporada 2021 kaminda nan a terminá number 4 i sorprendentemente Denley Marten a anunsiá ku e ekipo lo no sigi den Beisbòl Veterano. Torneo organisá pa ekipo The Brothers ta start 19 di mart. Invitashonnan a sali pa ekiponan di Beisbòl Veterano. Pa mas informashon por tuma kontakto ku Signald ‘Siki’ Burnet na number di telefòn 518-5431. E torneo lo tuma lugá riba tereno di Bonnam. Torneo Internashonal Wim Felicia ta tuma lugá di 1 pa 3 di yüli na Frank Curiel Ballpark.
