Seri entre Sin Stress i Un Kara ta empatá
WILLEMSTAD- Sin Stress i Un Kara a gana un wega di play-off di Liga di Nos Tur wikènt pasá den Frank Curiel Ballpark. Den e otro seri page system ekipo Chilling a dal Shining Stars dos biaha. Un Kara a gana djabièrnè ku skor di 7-6 i Sin Stress a gana djasabra 5-4. Chilling a gana djabièrne 7 pa 3 i djasabra 14 pa 8. Chilling ta pendiente e ganadó di e wega number 3 di e seri entre Sin Stress i Un Kara. E wega menshoná lo tuma lugá djabièrnè awor na Frank Curiel Ballpark. Ganadó di e wega aki lo pasa direktamente pa final.
RESULTADONAN
Djabièrnè 7 di òktober
Un Kara 7, Sin Stress 6
Un Kara a bati 12 hit i kometé 2 eror. Carlientje Cleopa a gana i Lisette Hooi a bai di 1-1. Carlientje Cleopa di 2-1, Nathaly Lourens di 2-2 i Jeamine Pieternella a bai di 3-2. Nathaly Lourens a konektá 1 homerun. Sin Stress tabatin 15 hit ku 1 eror. Marie Windster a pèrdè. Susmaline Rifaela, Chaunice Maduro, Emmely Jonis i Joyceline Arnhem, tur a bai di 3-2. Marie Windster a bai di 2-2. Jacqueline Sophia ku Solange Soliana, ámbos a bai di 4-2.
Chilling 7, Shining Stars 3
Chilling tabatin 11 hit ku 5 eror. Dulce Petronilia tabata ganadٕó. Loeshemains Kook ku Dulce Petronilia, ámbos di 2-1. Myriela Carlo, Shurella Merkies, Lisa Beaumont ku Mellisa Rosalina, tur a bai di 3-2. Myriela Carlo a konektá 1 homerun. Shining Stars a dal 2 hit i hasi 3 eror. Jermyda Lake a resultá pèrdèdó. Ismairy Ignacio ku Suvienca Calmera, ámbos a bai di 3-1.
Djasabra 8 di òktober
Chilling 14, Shining Stars 8
Chilling a dal 19 hit i kometé 3 eror. Dulce Petronilia a gana. Richenella Jamanika a bai di 2-2, Leonise Avastia di 3-2 i Shurella Merkies a bai di 4-2. Myriela Carlo ku Mellisa Rosalina, ámbos di 4-3 i Jamira Osepa di 4-4. Shining Stars tabatin 12 hit ku 5 eror. Suyenne Otto-Apostel a pèrdè i e mes a bai di 1-1. Sovienca Calmera a bai di 2-1, Nathalie Elisabeth di 2-2 i Marjanella Jozef di 3-2.
Sin Stress 5, Un Kara 4
Sin Stress tabatin 9 hit ku 3 eror. Anuska Delando tabata ganadó. Susmaline Rifaela a bai di 1-1 i Sonna Valies di 2-1. Chaunice Maduro, Emmely Jonis i Anuska Delando, tur a bai di 3-2. Un Kara a dal 9 hit i hasi 3 eror. Carlientje Cleopa a resultá pèrdèdó. Nathaly Lourens di 2-1, Jeamine Pieternella di 3-2 i Brunaila Felipie a bai di 4-3.
Clase Aparte ta dal Navegantes den Liga van Engelen
WILLEMSTAD- Clase Aparte a dfal Navegantes duru i tin chèns pa klasifká den e 4 nan di Liga van Engelen. Clase Aparte a nòkout Navegantes 12 pa 2. Den otro wega Bucaneros a gana Renegados 24-9, Quisqueya a dal The Kings 16 pa 8. Den e último wega di djadumingu Jaws a dal Big Leaguer 6 pa 3.
RESULTADONAN
Djadumingu 9 di òktober
Clase Aparte 12, Navegantes 2
Clase Aparte tabatin 12 hit i nan a hunga sin eror. Richene Martina a gana i Stanley Girigorie a bai di 1-1, Rogbert Ramazan di 2-1. Gavanee Virginie a bai di 2-2 i Regino Winklaar di 3-2. Ramiro Balentina di 4-4. Gavanee Virginie a konektá 2 homerun i Ramiro Balentina 1. Pa Navegantes 4 hit ku 2 eror. Ryan van Heydoorn a bai di 1-1. Adoni Jose Suarez Ospina, Ryson Polonius i Shuremy Fornerina, tur a bai di 2-1. Adoni Jose Suarez Ospina a konektá 1 homerun.
Bucaneros 24, Renegados 9
Bucaneros a bati 20 hit i hunga sin eror. Erick Lopez tabata picher ganadó. Rafael Leal ku Rixon Peña, ámbos di 2-1. Segundo Contin a bai di 4-2. Robert Casares, Denys Puerta ku Alberto Lovera, tur a bai di 4-3. Erick Lopez a bai di 5-3 i Luis Offredy di 5-4. Robert Casares ku Luis Offredy, ámbos a konektá 1 homerun. Renegados tabatin 9 hit ku 3 eror. Mervin Martinez a resultá pèrdèdó i Jose Chang a bai di 2-1. Sergio Lodriguez a bai di 2-3 i Jhoan Rodriguez a bai di 4-3.
Quisqueya 16, The Kings 8
Quisqueya a konektá 16 hit i nan a kometé 3 eror. Fernando Rosario Moreno a bai ku e viktoria. Wilkin Lockhart ku Carlos Madera Pimentel, ámbos di 1-1. Marc Martina di 2-1. Rigoberto Ramos Rodriguez ku Roberto Castro, ámbos di 2-2. Rylan Reina ku Socrates Demorizi Padilla, ámbos di 3-2 i Luis Velos Peña a bai di 3-3. Fernando Rosario Moreno, Jonjendri Rifaela ku Socrates Demorizi Padilla, tur a konektá 1 homerun. Luis Velos Peña ku Robert Castro, tur 2 a konektá 2 homerun. The Kings a dal 9 hit i hunga sin eror. Shanon Kleinmoedig a karga ku e derota. Reamy Kleinmoedig ku Humphrey Antonia, ámbos di 1-1. Temesh Lourens di 2-2 i Jason Kleinmoedig di 5-3. Reamy Kleinmoedig ku Temesh Lourens, ámbos a konektá 1 homerun.
Jaws 6, Big Leaguer 3
Jaws tabatin 10 hit i nan a hunga sin eror. Jermaine Esprit a gana i Adrian Aitatus a bai di 2-1. Raysheron Michel di 2-2, Ruthviensley Windster di 3-2 i Jair Josefa a bai di 4-2. Shurandy Lourens a konektá 1 homerun. Big Leaguer a dal 3 hit i hasi 2 eror. Jesus Borges a pèrdè i Osman Carrasquel a bai di 1-1.
INFORMASHONNAN DI BEISBÒL I SÒFTBÒL
Fanátikonan di Deppore Kòrsou felis anochi. Nos tei ku hopi informashon di deportenan Sòftbòl i Beisbòl. Den Beisbòl Dòbel A weganan di djasabra i djaduming a keda suspendé pa mal estado di tereno. Beisbòl ta den fase final di buelta regular i na e momentunan aki ku weganan di deskite. Santa Maria a gana Santa Rosa ku skor di 4 pa 1 den nan promé wega. E picher Rubiano Johnakiel Acosta tabata tremendo. Un bon picher derecho ku a hunga vários aña den College na USA i na 2022 a move den Beisbòl di Hulanda i hunga den Quick Amersfoort. Acosta si lo keda ku Santa Maria pa play-off, miéntras e dos picheran Hulandes, Koen Postelmans i Scott Prins a move bèk pa Hulanda pa bai hunga ku selekshon. Prins a tira tremendo, miéntras Postelmans si tabatin un ERA di 8.30. Prins su ERA ta 2.20.
* * * * *
Deporte Kòrsou ta manda palabranan di profundo kondolensia pa kasá, yunan i demas famia di Rafael Fernando Jozefa, alias Raffy Jozefa. Sin duda den e tòp 3-nan den tur tempu ku a hunga Beisbòl na Kòrsou i èks Antia. Un Rubiano ku a bini Kòrsou na edat hóben i keda biba aki. Raffy Jozefa a fayesé djasabra 8 di òktober. Gran personahe i pelotero. Nos lo bini ku un entrevista ekstenso ku Raffy mes a sinta ku santu pasenshi konta na plaka chiki for di komienso di su karera. Keda pendiente pa e entrevista aki den e dianan benidero. Raffy Josefa a drenta Salon di Fama di ISF, awor FDOK na aña 1994 ku 44 aña.
* * * * *
Liga 50 a sigi djasabra na Van Engelen Ballpark. Ekipo Marlins a pèrdè kontra Jaws 10 pa 3 i despues Flamboyan a gana di Artemisia fásil 12 pa 2. Flamboyan a terminá buelta regular ku rekòrt di 7 ganá i 6 pèrdí miéntras Marlins tin 6-6 i falta un wega mas pa terminá kampionato regular. Marlins lo topa ku Artemisia djasabra awor. Pa loke ta trata e seri entre Flamboyan/Tigers i Marlins, Flamboyan a gana den promé buelta ku skor di 11 pa 9. Den buelta number 2 ekipo Marlins a gana Flamboyan 13-11. Nos a bai chèk kiko ta pará den regla. Parse ku lòt lo bai disidí ken ta klasifiká, debí ku e dos ekiponan menshoná a keda empatá den tur kos. Ekiponan Baranka 10-2, Jaws 10-2 i Ban Serio 10-3 ya a klasifiká. Catpower tin 5-7 i no tin chèns mas pa klasifiká. Marlins mester gana di Artemisia pa forsa un empate ku ekipo Tigers.
* * * * *
Nos a risibí e notisia ku un gran kècher di tur tempu na Aruba, Cecil Haynes a fayesé. Den aña 70 ela destaká komo kècher den Santa Rosa Indians na Kòrsou un ratu i ekipo Heineken di Aruba. Ela aktua komo umpire pa hopi aña tambe. Ela fayesé mesun dia ku Raffy Jozefa, esta djasabra 8 di òktober. Kedando na Aruba Jamdrick Cornelia di Wild Cats Hubenil i Sint Michiel a sigi tira tremendo. Na Aruba den e kompetensia di siman pasá ela tira bon. Promé wega ku su tim Sint Michiel a gana ku skor di 3 pa 1 e tabatin no hit no run te den di 4 inning i finalmente Sint Michiel a gana ku skor di 3-1. Den di dos wega ela tira bon atrobe i Sint Michiel a gana 4-2. Den final Sint Michiel a pèrdè, ya sierto picher no tabatin mag di tira riba instrukshon di skout.
* * * * *
Den Liga di Nos Tur, ekipo Sin Stress a zona un kampanaso ganando un wega kontra di Un Kara ku skor di 5 pa 4. Sin Stress a laga Un Kara den tereno den e wega di djasabra ei. Djabièrnè ekipo Un Kara a gana Sin Stress ku skor di 7 pa 6, dos wega pèrtá pèrtá i djabièrnè awor e ganadó di e seri ei lo pasa direktamente pa final. Chilling a eliminá Shining Stars den dos wega ganando 7 pa 3 djabièrnè i 14 pa 8 djasabra. Den Beisbòl Veterano ekipo Santa Rosa Memories a blackout The Brothers 15-0. Santa Maria a gana Jandoret 1-0 den un duelo di picheo entre Johnny Balentina i Raylan ‘Tutu’ Capella. Wega entre Azucar i Yesterday a keda empatá. Nos ta keda te aki pa awe.
