Resultadonan di Liga 60 Liga di Nos Tur i mas informashon di Sòftbòl i Beisbòl
Jaws ta laga Pitufos den tereno den Liga 60
WILLEMSTAD- Jaws riba homerun di Fransje Lambertina ku dos out den último inning ta laga ekipo Pitufos den tereno. Pitufos tabata falta un out pa gana e wega ku skor di 3-2, pero riba konteo di 3-2 Fransje Lambertina ta konektá e homerun ku dos koredó na base. Anthony Pieter tabata e picher ganadó i Johan Cicilia a picher pèrdèdó. Den e otro weganan Los Amigos a gana Sluggers 4 pa 3 i Nos Power a dal Lions 5 pa 1.
RESULTADONAN
Djadumingu 23 di yüli
Nos Power 5, Lions 1
Nos Power tabatin 10 hit i nan a kometé 1 eror. Nelson Candelaria a gana. Raymond Mari i Miguel Walle, ámbos a bai di 1-1. Wendell v/h Kruys, Richard Campagnard i Pedro Austriano, tur 3 a bai di 2-1. Earl Virginia i Oswald Dalnoot, ámbos a bai di 3-2. Lions a dal 5 hit i nan a hasi 1 eror. Elvis Jacobus a pèrdè. Ulvic Kirindongo a bai di 1-1. Manuel Valdez i Robert Isaac, ámbos a bai di 2-1.
Jaws 5, Pitufos 3
Jaws a dal 5 hit i nan a kometé 1 eror. Anthony Pieter tabata ganadó. Andrewi Does a bai di 1-1. Fitszgerald Pieter i Giovanny Toppenberg, ámbos a bai di 2-1. Fransje Lambertina a bai di 3-2 inkluyendo 1 homerun. Pitufos tabatin 7 hit ku 1 eror. Juan Cicilia a resultá pèrdèdó. Rignald Hooi i Mairon Clara, ámbos a bai di 1-1. Frances Petronielia, Cedric Curiel i Randell Constancia tur 3 a bai di 2-1.
Los Amigos 4, Sluggers 3
Los Amigos tabatin 10 hit ku 2 eror. Raymond Zieck a bai ku e viktoria. Sendly Reina, Gilbert Yziek i Arturo Franka, tur a bai di 1-1. Candido Adamus, Luthson Bito i Donald Balentina, tur a bai di 2-1. Marlon Winklaar a bai di 3-3. Sluggers a dal 4 hit i nan a hasi 1 eror. Eldred Bakker a karga ku e derota. Edward Cathalina a bai di 1-1. Hilbert Cicilia, Richinel Boeldak i Wendel Isidora.
Un Kara ta kibra invikto di Sin Stress den Liga Di Nos Tur
WILLEMSTAD- Un Kara a gana di Sin Stress ku skor di 12 pa 8 i kibra invikto di Sin Stress ku tabatin 6 wega ganá sigí. Den otro wega ekipo Sin Stress a nòkout Shining Stars 16 pa 1, Chilling a gana Join Me 22 pa 7. Shining Stars a gana Join Me 12 pa 2. Liga di Nos Tur ta sigi wikènt awor ku weganan riba djabièrnè i djasabra.
%20copy.jpg)
Un Kara 12, Sin Stress 8
Un Kara a bati 13 hit i hunga sin eror. Mairis Obispo tabata e picher ganadó. Fayna de Mey a bati di 3-3 i Isonette Polonius di 2-2. Sin Stress a dal 12 hit i hunga sin eror. Marie Windster tabata e picher pèrdèdó i Tanusi Delando a bati di 3-3. Solange Soliana tambe a bati di 3-3.
Shining Stars 12, Join Me 2
Shining Stars a dal 13 hit i hasi 3 eror. Minerva Maduro tabata e picher ganadó i Ashantely Giterson a bati di 2-2. Join Me a konektá 7 hit i kometé 6 eror. Louise Ortega tabata e picher pèrdèdó i Mirula Basilia a bati di 2-2.
Chilling 22, Join Me 7
Chilling a dal 17 hit i kometé 2 eror. Dulce Petronilia tabata e picher ganadó. Jamir Osepa a bati di 3-3. Sovienny Kleinmoedig i Miriela Carlo a bai di 2-2. Join me a bati 8 hit i hasi 8 eror. Louise Ortega tabata e picher pèrdèdó. Louise Ortega mes a bati di 2-2.
Sin Stress 16, Shining Stars 1
Sin Stress a dal 16 hit i hunga sin eror. Picher ganadó tabata Monica Noor. Chaunice Maduro, Tanusi Delando, Emily Jonis, Dayenne Delando i Asila Finies a bati di 3-3. Aduke Torres i Monica Noor di 1-1.
Shining Stars a bati 3 hit i kometé 4 eror.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia. Nos ta yegando fin di yüli bayendo komienso di ougùstùs
kaminda delegashonnan di Beisbòl Little League lo move pa USA pa partisipá na kampionatonan Mundial. E aña aki 3 delegashon lo tei atrobe na USA manera tabata e kaso den 2022. Na 2022
tabata selekshonnan Little, Intermediate i Junior. E aña aki ta Little, Junior i Senior. Pa loke ta trata
Little League lo tin transmishon bibu via Radio Hoyer i reportahenan via Deporte Aktivo.
ESPN tambe lo transmití tur wega di Kòrsou (Caribbean). E otro weganan (otro divishonnan) tambe lo keda transmisti pero ya.. esnan ku tin e bòksnan ‘android’ ku tur e ESPN-nan Merikano lo por mira e weganan.
* * * * *
Resientemente nos tabatin fechanan ku e selekshonnan lo ta na USA. Selekshon Junior lo representá Latino Americano di 13 pa 20 di ougùstùs na Taylor, Michigan. Selekshon Senior lo ta di 29 di yüli pa 5 di ougùstùs na Easley, Michigan. Selekshon di Kòrsou Little lo ta di 16 pa 27 di ougùstùs na Williamsport. Tur 3 selekshon ta di Liga Pabou. Naturalmente aya ta di Kòrsou nos ta papia. By the way, ta pendiente pa organisá Little League na Kòrsou na 2024. Tin indikashon ku Cuba i Puerto Rico lo bai Williamsport dirèkt na 2024. Ke mèn nos lo tin dos trabuko ménos den e kompetensia di 2024. Keda pendiente pa mas informashon den siman i lunanan benidero.
* * * * *
Ban pa Slowpitch un ratu. Nos a risibí sifranan di Liga 50 Sòftbòl up to date serka Beer Adelina ku ta direktor di kampionato di Liga 50. Standing ta lo sigiente. Baranka 10-1, Ban Serio 10-1, Marlins 8-2, Jaws 7-4, Pitufos 5-5, Lions 5-6, Sluggers 4-6, Flamboyan 3-7, Catpower 1-10 i Artemisia 0-11. Myron Wijman (Baranka) ta lider den bateo ku un average di .762 sigí pa Kelvin Winklaar (Ban Serio ) ku tin .731. Sherdon Rombley (Ban Serio) ta lider di homerun ku 8 sigí pa Geronimo Daflaar (Ban Serio) i Sedeney Lourens di Baranka ku tin 6 homerun. Norman Nonnie de Roon ta lider den wega ganá ku 8-0 sigi pa Kenny Hellement (Baranka) ku tin 6-0.
* * * * *
Den Liga di Nos Tur ekipo Un Kara a gana Sin Stress ku skor di 12 pa 8 djasabra 22 di yuli den Frank Cuirel Ballpark. Sin Stress tabata invikto promé ku e wega di djasabra último. Mairis Obispo (Un Kara) tabata e picher ganadó i Marie Windster a pèrdè pa Sin Stress. Pepi Martis dirigente di ekipo Un Kara a bisa ku nan a gana ku nan tim normal kontra di e Dream Team di Sin Stress. Nos a mira nòmber di entre otro Isonette Polonius ku ta bèk komo hungadó di Sòftbòl Femenino Veterano. Isonette mesora a laga fanátikonan sa ku e tei i a bati komo terser bate, bai di 2-2 ku 3 kareda empuhá. Un Kara su hungadónan ta mas veterano, mas edat ku esnan di Sin Stress. Standing despues ku mayoria ekipo a hunga 7 wega ta Sin Stress 6-1, Shining Stars 5-2, Chilling 3-4, Un Kara 3-3, Join Me 0-7.
* * * * *
Beisbòl Veterano a sigi wikènt pasá ku 6 wega na Vi Jansen Ballpark. Nos tin e resultadonan, Marlins a sorprendé Vosama 9-3, Quality Stars a gana Azucar 5-4, Santa Maria a dal Jandoret duru 16-1. Santa Rosa Memories a derotá Yesterday 8-1, Isla Cracker a superá The Brothers 5-2 i Veterano Otrabanda a dal Marchena 16-4. Nos ta pendiente pa e numeritonan i despues ku tur tim a hunga 8 wega e standing ta lo sigiente. Quality Stars 8-0, Isla Crackers 7-1, Santa Maria Pirates 7-1, Jandoret Raiders 6-2, Santa Rosa Memories 6-2, The Brothers 3-5, Vosama 3-5, Yesterday 3-5, Azucar 2-6, Marlins 2-6, Otrabanda 1-7 i Marchena Stars 0-8.
* * * * *
Selekshon Minor na Puerto Rico a gana 1 i pèrdè 2. Nos a pèrdè ku skor di 3 pa 0 i a keda eliminá. Kòrsou tin 3 titulo riba nviel regional pa loke ta trata Little League i tabata pendiente pa gana 4 título manera tabata e kaso na 2022, pero ya Minor no a klasifiká pa play-off. Divishon Minor no ta bai Mundial manera ta e kaso ku e otro divishonnan. Nos ta keda te aki pa awe.
