****** BON PASKU ******
Resumen 2023 Torneo Amstel Bright Amstel Bright Premier Cup a terminá ku 6 kampion den luna di mart 2023
WILLEMSTAD- E popular i eksitoso Amstel Bright Premier Cup 2023, e di 9 edishon di e torneo organisá pa Cicoza, a terminá djadumingu 19 di mart na Van Engelen Ballpark. Un públiko grandi a disfrutá di e weganan henter wikènt pa bai kulminá djadumingu 19 di mart ku animashon di Gio. Kampionnan tabata Ban Serio, Swift, The New Radiator, SBAB (1), SBAB (2) i Chonchis.
WEGANAN FINALBan Serio 7, Marlins 3 (50+)Nonnie de Roon a tira wega kompletu pa bira e picher ganadó. Albert Pieternella a dal un homerun i empuhá 3 kareda.
Swift 9, Dream Team 5 (Modified)Emilio Velarde tabata e picher ganadó i Jegvenny Henrik a dal grandslam.
The New Radiator 10, UoC 2Rhenderson Thomasa a gana i Jeandely Ricardo a bati di 3-2.
SBAB 7, EWT 0 (Soshal Corporate)Jeremy ‘Loko’Lucas tabata e picher ganadó i Jedion Cras a dal 3 homerun.
Chonchis 19,, Quick (60) 9 (Soshal Open) Jeremiah Wansing a gana i Swindley Lint a bati 4-4.
Liga 50Kampion: Ban Serio;Supkampion: Marlins;Mihó picher: Eithel Brunken;Mihó batiadó: Rigobert Cijntje;MVP: Norman de Roon.
ModifiedKampion: Swift;Supkampion: Dream Team;Mihó pitcher: Richene Martina;Mihó batiadó: Aldair Daal;MVP: Andjony Medina.
Soshal Corporate Kampion: SBAB 2; Supkampion: Key fin;Mihó batiadó: Jurgen Statie;MVP: Swindley Lint.
Soshal OpenKampion: Chonchis;Supkampion: Quick 60;Mihó picher: Quincey Martha;Mihó bateadó: Edyson Sloop;MVP: Swindley Lint.
COED CorporateKampion: SBAB 1;Supkampion: Corendon/Karakter;MVP: Jedion Cras;
COED OpenKampion: The New Radiator;Supkampion: UoC;MVP: Jandely Ricardo.
Teksto pa Pòtrèt:Ban Serio, kampion Liga 50. Marlins, supkampion Liga 50. Swift kampion, Modified.The New Radiator, kampion COED Open.UoC, supkampion COED Open.
SBAB, kampion COED.Chonchis, kampion Sohal Open.SBAB, kampion Soshal Corporate.Rigobert Cijntje, kampion bate 50+.Jandely Ricardo, MVP COED Open.
MAS INFORMASHON DI SÒFTB0 I BEISBÒL
Fanátikonan di Deporte Kòrsou, bon dia. Nos tei atrobe ku hopi informashon di Sòftbòl Slowpitch i Beisbòl. Awe ta un dia mas ku nos ta sigi ku resumen di loke a pasa den 2023, tantu resumen di ekiponan ku a bira kampion di Torneonan i di Liga. Tambe kiko tabatin ku a hala atenshon durante henter e kampionato. Nos a risibí informashon i remarke di algun miembro di ekipo Curacao Super Stars, ku nan no sa ainda di e ‘joint venture’ entre Baranka i Curacao Super Stars. Nos a risibí e informashon basta verídiko i no di kaya, pero di hungadó i dirigentenan ku a duna nos a informashon.•
* * * * * *
Na komienso di aña nos tabatin informashon ku e hungadó Luigi Alvarez lo tabata na kaminda pa Quality Stars i Santa Maria, pero esei no a resultá. Entre otro Luigi Alvarez, ku ta gran batiadó i fileadó kua yega di bira kampion bate den Beisbòl Dòbel A. Luigi Alvarez ta outfielder i na 2022 e tabatamanager di Wild Cats Hubenil. Luigi Alvarez a wak algun wega di Beisbòl Veterano 2023, perono a afiliá na ningun ekipo. Ekipo Vosama lo mester a presentá ku un dream team den 2023 kuvários hungadó ku tabata den selekshon Senior League di 1999. Entre otro Riëncy Imperator iotronan. Varios di e hungadónan aki a resultá den Yesterday, entre otro Andley Simmons, RiëncyImperator, Gedion Sambo, ets. Nan a bai tremendo den 2023 i e ekipo a zona un kampanaso iklasifiká den e promé 6-nan. Tabata despues di 17 aña ku ekipo Yesterday a logra klasifiká.•
* * * * *
Ekiponan grandi di Beisbòl Veterano manera ekipo Quality Stars i Santa Maria Pirates a move sin fin na komienso di aña 2023. Quality Stars a haña hungadónan manera Leroy Antonia, Ramiro Balentina, Felix Edword i Farley Kip-Ignacio ku a resultá klave pa nan rumbo pa bira kampion invikto. Ramiro Balentina ku no a start kampionato a djòin e ekipo den promé buelta i práktikamente tabata e hungadó mas klave di e ekipo mirando su trabou tras di plato den tur wega di play-off. Santa Maria a haña Bertrand Peters ku a pone pelíkula den kampionato ku su bate, pero su ekipo a kai chiki kontra di Jandoret Raiders den e wega di 4 kontra 5 rumbo pa semi-final. Santa Maria a risibí Anjohnny Medina ku a hunga 4 wega den gran forma i despues move pa eksterior segun informashon ku nos tin. •
%20copy.jpg)
* * * * *
Verney Jansen tabatin intenshon di lanta un tim den Beisbòl Veterano huntu su ruman Archie Jansen. Verney a djòin e tim Santa Rosa Memories. Ekipo Santa Rosa Memories a yega final despues ku nan tabata den final for di 2010. E ekipo a haña dos trabuko den nan line up ku ta e super picher, Ramses Jamanika i e kècher Djonny Joubert. Lástimamente nèt den final Joubert mester a bai fakansi den eksterior i no por a yuda su ekipo. Santa Rosa lo keda fèrfelu den próksimo añanan, pero mester buska mas hóben den alineashon. Santa Rosa tabatin 5 hungadó òf mas di 50+ den e weganan di play-off final. E super star di Beisbòl Dòbel A 44+ Yurendell de Caster ta pendiente pa djòin Beisbòl Veterano un ora pa otro, pero nada ainda. Parse ku Verney Jansen lo keda den Santa Rosa Memories i hasi e tim un ekipo mònster ku vários hungadó di nèt 40 aña.•
* * * * *
Awe nos tin e kampionnan di Amstel Bright Premier Cup 2023 den resumen. Kòrda ku 2024 e torneo lo start for di yanüari en bes di mart. Ekiponan ya a kuminsá reakshoná i inskribí pa hunga den e presitigo torneo ku ta kargá ku premionan lukrativo. Ta pendiente pa ekiponan 60+ ku aña pasá a hunga den Torneo Survivors tambe partisipá. Djaluna nos a skibi basta di kambionan ku tin den 60+ ku a pone ekiponan move sin fin pa wak kiko ta pasando. Ekipo Los Amigos ta a la karga i lo tin un dream team pa 2024. •
* * * * * * Saludo pa Gai Lihe ku a kumpli 36 aña dunando servisio na pelotero i dirigentenan. Gai Lihe Tire Service & Muffler Service ta spònser varios ekipo di Sòftbòl i Beisbòl Veterano. Gai Lihe a selebrá den gran forma ku ekipo Nos Goso, Tur Goso i Mas Goso i hopi fanátiko di Sòftbòl Femenino Veterano djasabra último. Un selebrashon tur afó i remarkabel ta ku ta tur aña Gai Lihe ta organisá algu pa su hungadónan i nan famia gosa. Te mayan ku poder di Dios.
