Veteranos Otrabanda ta derotá The Brothers 5 pa 1 den Beisbòl Veterano
WILLEMSTAD- Durante wikènt di 11 ku 12 di sèptèmber Beisbòl Veterano a kontinuá ku nan kampionato na Vi Jansen Ballpark. Den e promé wega djasabra Veteranos Otrabanda ta sorprendé The Brothers i ta gana ku skor di 5 pa 1. Den e otro weganan di wikènt Marchena Stars ta gana Azucar 5 – 0, Isla Ctackers ta gana Bulldogs 5 pa 2, Vosama ta derotá Marlins ku skor di 15 pa 4 Quality Stars ta gana Sta Rosa Memories 9 pa 5 i Sta Maria Pirates ta gana Jandoret Raiders 2 pa 1. Nos no a risibí e numeritonan di e wega aki.
RESULTADONAN.
Veteranos Otrabanda 5, The Brothers 1
Veteranos a dal 7 hit i nan a hunga sin eror. Edison Clemencia a gana. Philogene Strick a bai di 3-1. Raymond Margaritha, Giovanni Maduro, Lindsie Maccow, Jeanderico Casseres ku Juan Manuel Trinidad, tur a bai di 3-1. Pa The Brothers 4 hjit ku 4 eror. Wendell v/h Kruys a pèrdè. Richel Angela, Wendell v/h Kruys, Rignaldo Goterson ku Rocakniek Martina, tur a bai di 2-1.
Marchena Stars 5, Azucar 0
Marchena Stars tabatin 9 hit ku 2 eror. Wendell Elizabeth tabata ganadó. Jurvien Marlin a bai di 2-2. Gregory Bito, Ruthgard Lunkers, Miro Daal, Chendel Leito ku Jeffrey Thompson, tur bai di 2-1. Ramsly Koeyers ku Cherwin Maduro, ámbos a bai di 1-1. Azucar a dal 2 hit i nan a hasi 2 eror. Nelson Reinita a resultá pèrdèdó. Thurney Cafsia a bai di 2-1 i Thurgion Booy di 3-1.
Isla Crackers 5, Bulldogs 2
Isla Crackers tabatin 7 hit ku 1 eror. Roderick Eutatius a bai ku e viktoria. Dave Janga ku Rlin Eustatius a bai di 2-1. Joel Angelista di 1-1. Julius Veeris, Dennis D’Arnault, Roderick Eustatius ku Kevin Boekhoudt, tur a bai di 3-1. Pa Bulldogs 5 hit ku 1 eror. Lester Victoria a karga ku e derota. Dwight Alexander a bai di 2-1. Signald Paz ku Damery Meyer di 1-1. Reugene Marlin ku Djuric Pietersz, ámbos a bati di 3-1.
Vosama 15, Marlins 4
Vosama tabatin 15 hit ku 6 eror. Xaviero Avastia a gana. Xaviero Avastia ku Sigbert Juliana, ámbos bai di 4-3, Luis Offredy di 4-2. Tyron de Palm, Ryan Imperator, Nimrod Thielman i Cedric Valies tur a bati di 2-1. Humphrey Noor ku Remick Bernadina, tur 2 di 1-1. Stanley Palm di 3-1. Pa Marlins 4 hit ku 5 eror. Shanon Kleinmoedig a pèrdè. Wilkin Lockhart Martinez, Shanon Kleinmoedig ku Aldrin Visser, tur a bai di 2-1. Fardy Lard di 3-1.
Quality Stars 9, Sta Rosa Memories 5
Quality Stars tabatin 12 hit sin eror. Rydell Isabella tabata ganadó. Hensley Josephina a bai di 3-3, Rydell Isabella di 3-2. Merieldo Trinidad di 2-2. Raymond Leonora, Senny Petronella, Emile Haswell Jr ku Jair Quant, tur a bai di 2-1. Sta Rosa Memories a dal 6 hit I nan a hasi 3 eror. Adelberth Martha a resultá pèrdèdó. Egbert Polonius a bai di 3-2. Shendy Cras ku Randy Lo-A-Tjong, ámbos a bai di 2-1. Raimy Cicilia di 1-1 ku Farley Girigory di 3-1.
Santa Maria 2, Jandoret 1
Santa Maria a laga Jandoret den tereno ganando ku skor di 2-1.
Santa Maria a dal 5 hit i hasi 3 eror. Dave Kirindongo a gana. Raylan Francisca, David Kirindongo i Eldred Estanista a bati di 2-1.
Jandoret a konektá 3 hit i a hasi 2 eror. Deron Clara tabata e picher pèrdèdo. Myron Wijman i Sherdon Rombley i Mayron Martinus a bati di 2-1.
