Royal Scorpions ta dal Wild Cats 10-0 i sweep seri
WILLEMSTAD- Royal Scorpions ku tremendo picheo di Shurandy Valeriano i Cerilio Soleana a dal Wild Cats duru ku skor di 10-0 djadumingu anochi den Stadion Johnny Vrutaal. Sheryvien Newton i Raywendley van Gurp a dal homerun pa Royal Scorpions. Den e promé wega Royal Scorpions a gana Wild Cats 8-3, ke men Royal Scorpions a sweep e seri kontra di Wild Cats. Den e otro seri Santa Maria a pasa fásil riba Marchena ganando 10-6 i 18 pa 2. Beisbòl falta dos seri pa terminá e buelta regular. Djaluna i djamars ta Firebirds vs Santa Rosa i despues djarason i djaweps ta Marchena Braves vs Groot Kwartier. Pa djamars 15 di sèptèmber lo tin e promé wega di Wild Card.
Royal Scorpion 10, Wild Cats 0
Royal Scorpions a dal 12 hit i hasi 2 eror. Shurandy Valeriano a tira 5 inning i bira e picher ganadó. Cerilio Soleana a tira 3 inning di relevo. Terrence Goeloe a bati di 4-3. Raywendley van Gurp di 5-2. Sheryvien Newton i Raywendley van Gurp a dal un homerun.
Wild Cats a dal 4 hit i kometé 1 eror. Jair Jurrjens tabata e picher pèrdèdó. Jeadiah Kwidama a picha 1.2 inning i Bryan Biegel 0.2 inning. Hendrik Clementina a bati di 3-2 i Randolph Kirindongo a bati di 4-2.
Santa Maria 18, Marchena Braves 2
Santa Maria Pirates a dal 12 hit i kometé 3 eror. Maverich Lourens tabata e picher ganadó. Juremy Profar a bati di 2-2, Sherman Lacrus i Sander Boeldak di 3-2. Sherman Lacrus, Tilsamiy Melfor i Urlich Snijders a dal un homerun.
Marchena Braves a konektá 6 hit i hasi 4 eror. Shurendy Mariano tabata e picher pèrdèdó. Jonathan Willems i Jahzeel Groetelaars a bati di 2-1.
