SBAB ta gana SOAB 17 pa 7 den Torneo Hope
WILLEMSTAD- Torneo Hope a sigi ku kasi 30 wega den fin di siman na Van Engelen Ballpark. Djabièrnè ekipo SBAB a dal SOAB ku skor di 17 pa 7 den e kategoría COED (Mucha hòmber i mucha muhé huntu den tim). Den e kategorؙía 40+ Flow a gana Polis 13 pa 8. Den otro weganan Santa Barbara Plantation 13 a gana SBAB 12 den Soshal Maskulino; Brandweer 12 a zona Onderwijs 0 den COED, CPA/Fraal a blackout Selikor 19 pa 2, EWT Mac Donald/Amigoe a nòkout Renaissance 15-0.
Torneo Hope ta sigi ku weganan djaweps i den wikènt na Van Engelene Ballpark
Torneo Hope 2022 ta sigi pa su di tres wikènt na van Engelen Ballpark. Tin 3 wega djaweps anochi sigí pa weganan riba djasabra, djadumingu i djaluna na Van Engelen Ballpark.
MAS RESULTADO
Djasabra 9 di aprel :
Den Soshal Maskulino: BRND 12, ONDR 0; SNTB 13, SBBM 12; CPFR 19, SLKR 2; KPCS 10, ADCM 9;
RNSC 10, BLDN 6. Den Soshal +: CDS 9, CRLS 7. Den Femenino: SBFM 13, ONDR 3.
Djadumingu 10 di Aprel
Den Soshal Maskulino: MVRS 11, GRDN 1; AQLC 10, CPFR 9; MCBL 15, ORCB 4; BNCD 15, SVB 7; DNCP 6, ACHS 4. Den Soshal +: OMNT 15, DMN 5. Den Femenino: MCBF 4, SVBG 3. Den COED: SBCD 10, SMBL 5; CRND 10, BLDN 9; ONDR 11, SBCD 6.
Polisnan despues di wega djasabra na Van Engelen Ballpark .
Ekipo Flow Challenger. Nan a kai vensi kontra di FDDK.
Hungadó i fanátikonan di SVB despues di wega.
509 D-Edge djasabra anochi durante Torneo Hope.
Fanátikonan di bon dia. Nos tei atrobe habriendo un siman kargá ku informashon di Beisbòl i Sòftbòl Slowpitch. Torneo hope a sigi den gran forma mes djasabra i djadumingu siman pasá kargá ku fanátiko na Van Engelen Ballpark. Djasabra agrupashon musikal 509 D-Edge a pone kátedra di músika dilanti un bon públiko na Van Engelen Ballpark. Varios wega a terminá den último inning, entre otro Polis a laga ekipo ADC den tereno. ADC a bini fuerte bèk den e parti final di e wega.
* * * * *
Pa loke ta trata Beisbòl Veterano, Torneo The Brothers. Santa maria a bira kampion ganando di Isla Crackers den final. Isla Crackers a gana Quality Stars den semi-final. Santa Maria a gana Azucar pa yega final. Kampionato di Beisbòl Veterano ta start djasabra 23 di aprel. E siman di 27 di aprel pa 2 di mei lo ta realmente kayente. 1 di mei ta kai riba djadumingu i dia 2 di mei lo ta liber outomátikamente. Tin Kopa ABC 50+ organisá pa Marlins na Kòrsou i na mes momentunan tin play-off di Little League. Hopi fanátiko i hungadó di Little League kontentu debí ku desishon a kai ku Kòrsou tin mag di bai ku 2 selekshon pa Punta Cana, kaminda lo tin kampionato di Karibe di Little League. Ke mèn, mas chèns pa yega kampionato Mundial na Williamsport.
* * * * *
Nos tin algun resultado di Torneo Hope. Santa Barbara Plantation 13 - SBAB 12; Brandweer 12 - Onderwijs 0; CPA Fraal 19, Selikor 2; EWT Mac Donald/Amigoe 15, Renaissance 0; Polis 40+ a pèrdè kontra di Flow ku skor di 13 pa 8. Tabatin algun wega kandela den Challenger kaminda ekipo FDDK a dal Flow duru. Varios hungadó di Beisbòl Dòbel A den e dos ekiponan aki. Den e weganan di Challenger homerunnan ta kai basta feros. SBAB a gana Selikor den Challenger tras di lansamentunan di Ryan Isebia. Awe nos tin skedjel kompletu di e wikènt aki.
* * * * *
FEBEKO a anunsiá ofishalmente ki dia kampionato di e respektivo liganan ta start. Hubenil ta start dia 7 di mei, Klase A 4 di yüni i Dòbel A 3 di yüni. Hubenil i Klase A ta hunga 3 buelta. Dòbel A ta hunga 4 buelta i e promé wega lo ta entre Wild Cats i Royal Scorpions. Hungadónan profeshonal ku pasport Hulandes por hunga den e kampionato i no mester kumpli ku e kantidat di apariashon na plato òf inning picha pa wega. Esnan ku ta hunga na República Dominicana tambe por bin hunga, esei naturalmente ora nan kaba ku nan liga. Ke mèn varios kambio atraktivo den nos Beisbòl.
* * * * *
Na Boneiru, un komishon enkabesá pa Michelin Heyliger i su yu Yurendell de Caster, lo organisá un kampionato basta ekstenso di Slowiptch ku lo tin kategoría 40, 50, timnan di Slowpitch di hóbennan i timnan di fama. E torneo lo start den luna di yüni. Keda pendiente pa mas detaye den e torneo aki. Nos a tende ku Royal Scorpions a aserká Michelin pa yuda den direktiva. Yurendell de Caster yu di Michelin ta pendiente pa firma ku Santa Maria. No ta sigur ku Kevin Moesquit lo bai Santa Maria i Scorpions ta pendiente pa pone un oferta riba mesa. E traspaso di Ruderly Manuel di Royal Scorpions pa Wild Cats ta hopi pegá.
* * * * *
Den Diamond Stars League, ekipo Rising Trotters a kibra invikto di Nos Goso ganando ku skor di 6 pa 5. Ku e wega empatá na 5 den bòm di e di 6 inning, Joyce van het Kruys a dal doblete pa center pa Sophia skor kareda di gana. Promé ku e wega Nos Goso tabatin rekòrt di 8 ganá i 0 pèrdí i awor e rekòrt a bira 8-1. Rising Trotters tin 9 ganá i 2 pèrdí. Nos Goso ta keda den kabes pa promedio ku .888, miéntras Rising Trotters tin .818. Si ta wak wega ganá, ekipo Trotters ta den kabes ku 9 wega ganá. By the way, Sherton Saturnino a bandoná Nos Goso i probablemnte lo bai Treasure, eterno rival di Nos Goso. Nos a traha e kolumna aki promé ku resultadonan di djadumingu den Diamond Stars League. Nos ta pendiente tambe di e resultado final di 60+ Torneo Kid Boca Chica organisá pa Jaws. Pitufos a zona un kampanaso djasabra ganando ekipo Los Amigos 6-0 djasabra. Nos ta ked ate aki pa awe.
