Scherpenheuvel pa Flow Caribbean Club Championship
WILLEMSTAD -Ekipo kampion di Kòrsou, Scherpenheuvel a sali djabèrnè 14 di mei pa Republica Dominicana pa hunga e Flow Caribbean Club Championship.
15 ekipo di Karibe lo ta den e torneo ku ta hunga di 15 pa 25 di mei na Santo Domiongo.
E ekiponan ta partí den kuater grupo, ku Scherpenheuvel den Grupo D huntu ku Cavaly AS (Haiti) i Olympique de Cayene (Guyana Franses)
Scherpenheuvel lo hunga su promé wega riba djadumingu 16 di mei kontra di Cavaly, pa despues sigui djamars 18 vs Olympique de Cayene (Guyana Franses).
Riba djadumingu 23 di mei lo hunga e dos semi finalnan entre e 4 respektivo ganadónan di grupo. Dos dia despues, djamars 25, lo tin e gran final entre e dos ganadónan di semi final.
