PREPARASHONNAN TA KONTINUÁ PA NOS SELEKSHON NASHONAL ENFRENTÁ PANAMA, DJASABRA 12 DI YÜNI NA PANAMA I DJAMARS 15 DI YÜNI AKI NA KÒRSOU!
PANAMA CITY - Preparashonnan ta kontinuá pa nos próksimo partidonan durante kualifikashon pa Mundial di FIFA. Ámbos partido lo tuma lugá kontra Panama. E promé partido lo ta djasabra 12 di yüni na Panama den Stadion Nacional Rod Carew, 7:05 di anochi pa despues nos bolbe enfrentá Panama aki na Kòrsou dia 15 di yüni próksimo den Stadion Ergilio Hato pa 7’or di anochi.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/60c4e31384e3393db3d532a1_image00010.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
Awe tambe nos selekshon nashonal a sigui ku e preparashonnan aya na Panama kaminda nos selekshon a entrená den e stadion kaminda nan lo hunga mañan. Durante dia ta tin diferente reunion ku e ofisialnan di FIFA pa tur kos kana bon durante wega. Darryl Lachman a yega awe den oranan di atardi i a djòin nos selekshon pa kontinuá ku sobra entrenamentunan pa e weganan di mañan ku djamars.
![](https://uploads-ssl.webflow.com/5d34a02fd1cb7f04ec361a56/5f2039ce113db554e5c07af4_montana%20auto%20parts%20web%20pa%20aviso.jpg)
![](https://uploads-ssl.webflow.com/5d34a02fd1cb7f04ec361a56/60c4e3443c40c467bb4c1046_image00004.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
Karchinan ta optenibel riba djasabra 12 di yüni, djadumingu 13 di yüni i djaluna 14 di yüni na e siguiente puntonan di benta;
• FFK di 12’or di mèrdia pa 7’or di anochi
• Food court di Sambil di 12’or di mèrdia pa 7’or di anochi
• Pòmp di gasolin Santa Maria
• 4th of July snèk na Barber
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/60c4e35610556d6c37df96c7_image00005.jpg)
![](https://uploads-ssl.webflow.com/5d34a02fd1cb7f04ec361a56/6091b1a95603a475ed47d1a4_libra%20auto%20parts%20logo%20karchi.jpg)
Sekshon VIP ta kosta fl.175,- (optenibel na FFK i Sambil) miéntras e sekshon general ta kosta fl.40,-. Hasi lihé buska di bo pasó riba djamars dia di wega karchinan ta optenibel solamente na FFK te 2’or di atardi i lo no bende karchi na porta!
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/60c4e3869af86246f2ed207d_IMG_6806.jpg)
![](https://uploads-ssl.webflow.com/5d34a02fd1cb7f04ec361a56/5f340ebc10e0c3c5f573f467_jerry%20booi%20aviso%20real%20real.jpg)
Pa asistí na wega e bishitante mester ta kompletamente bakuná (2 bes) i e di 2 bakuna mester ta hasí promé ku promé di yüni 2021. Pa e bishitante ku no ta bakuná, ta pidi pa trese resultado di e tèst di antigen no mas bieu ku 24 ora promé ku e wega. E bishitante mester presentá na wega ku su sédula i su karchi di bakunashon òf resultado di e tèst di antigen.
No lubidá di yena e parti di karchi pa registrashon i tapaboka ta obligatorio!
![](https://uploads-ssl.webflow.com/5d34a02fd1cb7f04ec361a56/60905a7c879c8a76748f39c3_IMG-20210502-WA0010.jpg)
![](https://uploads-ssl.webflow.com/5d34a02fd1cb7f04ec361a56/60c2207aefd2bdc891777ce4_IMG_6917.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
E dos partidonan aki ta importante pa nos sigui den kontienda pa e partidonan di kualifikashon pa Mundial di FIFA. Nos selekshon nashonal ta keda konta ku pueblo di Kòrsou komo e di 12 hungadó pa apoyá nos selekshon.
Buska bo karchi trempan, pa bo no keda afó!
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/60c4e4052d9aafdd16efb03e_IMG_6734.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
![](https://uploads-ssl.webflow.com/5d34a02fd1cb7f04ec361a56/60c4e7aa71559ed1697cb0c8_IMG_6839.jpg)