Selekshon Little ta gana Australia na Williamsport i djabièrnè 11’or Junior na Taylor

Selekshon Little ta gana Australia na Williamsport i djabièrnè 11’or Junior na Taylor

WILLIAMSPORT – Selekshon di Little League di Kòrsou a gana di Australia ku skor di 2-1 djaweps mèrdia aya na Williamport den e kampionato Mundial di Little League. Tabata e promé wega di selekshon di Korsou kaminda tres picher di Kòrsou a kombiná pa e viktoria.  Helmin Helmijr a habri a sigi Acosta i despues pa Jaydlyn Wiel.E wega a terminá ku skor di 2-1 ku tremendo relevo di Jay-Dlyn Wiel ku a tira dos inning kompletu i poncha 6 batiadó i duna solamente un hit. Un wega realmente kayente kaminda Kòrsou no a logra anotá  kareda ku koredónan den posishon di nota den e promé inning. Den di dos inning a nota un kareda riba Wild Pitch i e otro kareda a nota riba un infield hit ku e segunda base di Australia a pèrdé den solo.

‍
Australia a bende nan kuero karu i tin un tremendo ekipo ku ta dal e bala bon, filea bon i tin tremendo picheo tantu di nan habridó komo di e relevista ku a tira bon. Kòrsou a dal 5 hit i hasi 1 eror. Picher ganadó tabata Jay-Dlyn Wiel i e mes a bati di 2-1. Javery Felicia a bati di 2-2. Australia a bati 4 hit i hasi 1 eror. Tur dos ekipo a haña 12 ponche den e wega menshoná. E siguiente wega diKòrsou lo ta djaluna 21 di ougùstùs kontra e ganadó di Panama i Latino America. Ganadó di e wega ei ta semi-final internashonal

JUNIOR
Wega di Junior a keda suspendé pa motibu di awaseru i lo sigi djabièrnè mainta 11’or kontra di Canada. Ganando e wega aki Kòrsou lo pasa pa final internashonal den Junior.

‍

‍