Selekshon Senior League kampion di Mundu 18 aña pasá

Selekshon Senior League kampion di Mundu 18 aña pasá

Selekshon Senior 2002 a sali kampion na Bangor Maine riba un djasabra 17 di ougùstùs 2002. Ayera, 17 ougùstùs 2020 ta nèt 18 aña pasa ku e selekshon dirigí pa Norval ‘Payo’ Faneyte a bira kampion di Mundu den Senior League.
E selekshon aki a hasi Kòrsou un tiki mas konosí Mundialmente pa loke ta trata beisbòl. Despues selekshon Little League Pabou a bira kampion di Mundu 2004, Junior Pabou kampion na 2008, i  Pariba Senior kampion na 2018.  For di e tempu ei nos amigunan di RBTT awor RBC Royal Bank ta spònser di Curacao Little League.

SENIOR LEAGUE
Selekshon Senior bou di direkshon di Norval ‘Payo’Faneyte asisiti pa Percey Lebacks (QEPD) i Norwin ‘Sor’ Moesquit a bira kampion na Sint Maarten ganando di Panama den final ku skor di 9-6 djadumingu dia 14 di yuli 2002.
E fecha ku nos a bira Kampion di  Mundial den Senior ta 17 di ougùstùs 2002 ganando ku skor di 8-4 di US South.  Nos tin e numeritonan tambe di file. Kòrsou (Latin America) tabatin 8 kareda, 6 hit i 1 eror. Flanneray ‘Gachito’ Cosster a gana i Ludwin Obispo a bai di 1-1 komo emergente.
USA South a skor na 4 okashon bati 9 hit i hasi 6 eror. Luis Maldonado a pèrdè i Daniel Souza a bai di 3-2.

‍

Nòmbernan di selekshon Senior di Little League ku a bira kampion na yüli 2002

Norvel ‘Payo’ Faneyte (manager)
Sor Moesquit (coach)
Percey Lebacs (coach) (QEPD)

Eugene ‘Gino’ Offerman
Sevard Seferina
Kurt Smith
Sharlon ‘Wecho’ Schoop
Flanneray Cosster
Shuremy Fornerino
Arshwin Asjes
Jair Jurjjens
Shairon Martis
Hainley Statia
Rubinet Koko
Ludwin Obispo
Sedwin Walle
Eldrion Regina

‍