Semi final i final Torneo Kopa ABC 50+ na Van Engelen Ballpark
WILLEMSTAD- Awe, djaluna 2 di mei ta fecha pa e gran final di Kopa ABC 50+ na Van Engelen Ballpark. E torneo ta organisá pa Marlins 50+ 12 ekipo a partisipá na e torneo i 4 ekipo a klasifiká pa semi-final. Ekiponan ku a klasifiká pa Semi-final ta Baranka, Jaws, Marlins i Ban serio.
Pa 10’or lo hunga Baranka kontra Jaws i despues pa 11.30 ta Marlins vs Ban Serio. Pa 1’or tin wega amistoso entre Jaws i Nos Tambe Por den Liga 60. E gran final ta 2.30 pm entre e ganadónan di mainta. Standing despues di e buelta regular tabata Pul A Baranka 3-0, Jaws 2-1, Pitufos 1-2, Stingers 0-3. Pul B Ban Serio 3-0, Astros 2-1, Lions 1-2, Artemisa 0-3. Pul C, Marlins 3-0, Flamboyan 2-1, Sluggers 1-2, Dragons 0-3. Djasabra tabatin apertura ofishal kaminda e duna tributo na Johnny Martina, eks hungadó i tesorero di Marlins. Kasa di Johnny Martina a tira promé bala pa duna inisio ofishal di e torneo i a risibí un plakat komo muestra di apresio pa loke Johnny Martina a nifiká pa Marlins. Parlamentario Dave Seferina ku tabata presente tambe a tira prome bala. Parlementario Mike de Meza a kecha pa promé bala
