Sòftbòl Team GGD lo kumpli 40 aña día 17 di òktober
WILEMSTAD - Sòftbòl Club GGD a wòrdu formá 17 òktòber 1981 di e siguiente manera.Sidney ‘Pipi’ Pieter a manda algún detalle di historia di GGD. Durante aña 1974 bin ariba, Gobièrnu di Eilandgebied Curacao a kuminsá buska algún hoben pa Hygienische Dienst, GGD. Gobiernu a kuminsá manda na 1976 algun di hobennan pa Kingston, Jamaica, pa 1 aña pa un estudio di PHI, Public Health Inspector. Chebu Kirindongo a bai na 1976. E estudio tabata dura yanüari pa desèmber. I asina tur aña na januari, GGD tabata manda 8 hóben Jamaica. Y después, na luna di mei 1978, Gobièrnu a kuminsa manda, algún ku a bai Jamaica, pa Merka pa 2 aña. Esakinan a bai termina nan Bachelor Degree. Choncho Mari a regresa na mei 1980, Melvin Cijntje i Pipi Pieter na mei 1981. Gerald Davelaar i Matty Oelhers na mei 1982. Nan 2 no tabata na inisio di GGD na 1981. Asina GGD a bin hanja basta pelotero. Sixto Laker, Ossie Dalnoot, Norwin de Windt, Ronny Rosa y Baartje Koots tambe tabata na GGD. Tabatin algún hungadó di Afdeling Onderhoud, Joe Peters q.e.p.d., rumannan Papa i Edsel Eisden ku asina nos a lanta S.B.C. GGD, dia, 17 òktober 1981. '
Prisca Sambo, mas trahado di GGD, a realisa algún viahe ku GGD kaminda Prisca a yega di picha Fast Pitch pa GGD na Sto Domingo kontra klubnan maskulino. Beer Adelina, otro trahado di GGD ku tabata manager di e klup pa varios aña. Beer por bisa, ku e último klup ku a sali kampion di Liga Amistad ta GGD, ku Beer na kabes komo manager.
Lucho Zschusschen, QPED tabata traha na Afd. PZ GGD tambe a forma parti nos klup i Lucho tabata e persona ku a kumpra un sèt di undershirt blanku, ku manga hil. Tur hungadó mester a bin ku un ‘jeans’ pa karson, ku nos a usa komo unifòrm. Chebu Kirindongo a aserká Famia Geller después, ku asina nos a risibi nos promé uniform ofisial serka Baskin & Robbin 31 Ice Cream.
Viajenan ku SBC GGD a realisa den tempunan bon: Costa Rica 3 biaha. Panamá 3 biaha. Akinan nos a bai Grupo Niche pa 25 doler entrada. Colombia, Sto Domingo , mi no por konta riba mi dede kuantu biaha. Venezuela, Caracas, Merida, Punto Fijo. Prome kaminda ku nos a bai tabata Aruba den òktober 1981. Douane di Aruba a risibi nos. Nos a hunga Softbol, Domino y futbol. Den sòftbòl Victor Albus a dal Chebu Kirindongo un linea na tercera base, ku Chebu a para, Danki Dios, net na su pecho.
Archie Williams tambe a hunga. Den futbòl kontra un equipo di Dakota ku Bon-Bon Richardson. Ed Eleonora, Marcel Felipie y Jose “Trans” Matthew, qepd, tambe a hasi e viahe pa Aruba. Na Merida nos a hunga Softbol, Domino y Bolas Criollas. Y akinan Melvin Cijntje a “Steal the Show”.
Un fanatiko di Merida a lanta grita den tribuna ora Mel tabata kore base durante wega: Ese hombre no corre, ese hombre vuela entre las bases!!
