WILLEMSTAD- Torneo DIANA DAAL ta kontinua djabièrnè, djasabra i djadumingu awor ku vários wega na MONTAB Ballpark. Djadumingu lo tin animashon di GRIK for di 5or i riba e gran dia di e finalnan aki lo tin tambe un wega ku lo bai entre coachnan di Liga Pariba vs coachnan di Liga Pabou. Minister Cey van Heydoorn lo reforsa Liga Pariba i Minister Cijntje lo reforsa Liga Pabou.
Djabièrnè
Velt grandi : weganan Mayor/Coach COED Softball
19.00 Montanya Ariba vs Van Engelen 1
20.30 Montecarmelo vs Sta Rosa
22.00 Marchena vs St. Jacobs
Djasabra weganan semifinal T-ball, Pre-minor I COED softball:
Velt grandi :
10.00 – 11.00 Sta. Rosa vs Marchena (T-ball)
11.15 – 12.15 Montab vs Montecarmelo (T-Ball)
12.30 – 13.30 Montecarmelo vs Montanya Ariba (T-ball)
13.45 – 14.45 Trai Seru vs Sta. Maria (T-ball)
15.00 – 16.15 Sta Maria vs St. Jacobs (Pre-minor)
16.30 – 17.45 Sta Rosa vs Trai Seru (Pre-minor)
18.00 – 19.15 Mayor/coach (COED softball)
19.30 – 20.45 Mayor/coach (COED softball)
Velt chiki :
11.00 – 12.15 Brievengat vs Marchena (Pre-minor)
12.30 – 13.45 Montab vs Montecarmelo (Pre-minor)
Djadumingu weganan FINAL T-ball, Pre-minor I COED softball:
Velt grandi :
10.00 – 11.00 Final 2ND CHANCE T-ball
11.15 – 12.30 Final 2nd CHANCE Pre-minor
12.45 – 13.45 Final T-ball
14.00 – 15.15 Final Pre-minor
15.30 – 17.00 Final COED Softball mayor/coach
16.30 – 17.45 Coach Liga Pariba vs coach Liga Pabou
18.00 – 19.15 Mayor/coach (COED softball)
19.30 ENTREGA DI PREMIO
TORNEO “DIANA DAAL” ORGANISA PA MONTAB I VAN ENGELEN KU APERTURA OFISIAL
WILLEMSTAD- Organisashonnan di Little League Montaña Abou i Van Engelen a djoin forsa pa organisa e di dos edishon di “Mix & Match Tournament”. Anya pasa a organisa e turneo aki pa prome biaha i a dedika esaki na sra. Diana Daal. E aña aki a disidi pa kambia e nomber di “Mix & Match Tournament” i hasi’e “Turneo Diana Daal” pa asina duna rekonosementu na sra. Diana Daal pa tur loke e la logra pa Kòrsou komo deportista I tambe e trabou duru ku e la traha pa nos muchanan di Little League pa 25 aña i ainda ta move komo boluntario I yuda nos muchanan di Montaña Abou tur siman riba velt.
Den presensia di Minister di Deporte, Siensia, Kultura I Ensenansa, sr. Ceu van Heydoorn, a hasi entrega di un buket di flor na sra. Diana Daal I tambe a hasi sake di e prome lansamentunan dor di Minister Cey van Heydoorn i sra. Diana Daal.
Organisashon di MONTAB alabes a gradisi Minister Cey van Heydoorn ku a kumpli ku su promesa pa instala lusnan led I tambe sponsor un generator nobo na e parke di MONTAB.
Turneo Diana Daal ta un turneo ku ta konsisti di 3 diferente divishon :
A. T-Ball ku partisipashon di 8 ekipo : Trai Seru, Sta Maria, Montab, Marchena, Montaña Ariba, Sta Rosa, Monte Carmelo I Van Engelen
B. Pre-minor ku partisipashon di 8 ekipo : Trai Seru, Sta Maria, Brievengat, Montab, Sint Jacob, Marchena, Sta Rosa I Monte Carmelo.
C. Softball COED (tim forma pa mayornan i teknikonan di kada organisashon) ku partisipashon di 10 ekipo : Sta Maria, Montab, Marchena, Sint Jacob, Brievengat, Montaña Ariba, Sta Rosa, Monte Carmelo I Van Engelen 1 I Van Engelen 2
Weganan pa klasifikashon di COED ta kontinua djabierne 29 di September di 7.00 pm te ku 11.30 pm. Djasabra 30 di September I djadumingu 1 di oktober for di 10or di mainta tin weganan di semifinal I final den tur kategoria na Parke di MONTAB na Montaña abou.
Ultimo dos weganan di temporada regular den Liga 50
WILLEMSTAD- Marlins ku ya a klasifiká pa play-off mester a lucha duru pa gana di Lions den Liga 50 na Van Engelen Ballpark djasabra último . Mairon Martinus ku a kaba di subi den Liga 50 a dal dos homerun den e viktoria pa Marlins. Den otro wega Pitufos a dal Flamboyan 12 pa 3 i Artemisia a sorprendé Sluggers ganando 11 pa 3. Tabata e promé viktoria pa Artemisia den 2023. Nan a terminá ku rèkòrt di 1-17 ku un vikoria den nan último wega di temporada. E weganan menshoná ta di dia 23 di sèptèmber. Djasabra 30 di sèptèmber Sluggers a gana Pitufos 16-11. Baranka a gana Flamboyan 16-11. Myron Wijman di Baranka a bati di 2-2 i bria kampion bate di Liga 50 ku un averahe di .750 produkto di 27 hit den 36 turno. Na di dos lugá a keda Jair Josepha ku .734.
RESULTADONAN
Djasabra 23 di sèptèmber
Pitufos 12, Flamboyan 3
Pitufos tabatin 17 hit sin eror. Sidney Lourens a gana. Raymon Constancia a bai di 1-1 i Sharlon Louisa di 2-2. Omar Valies ku Juburnie Davelaar, ámbos di 3-2. Sidney Lourens ku Elston Constancia a bai di 3-3. Juburnie Davelaar a konektá 1 homerun. Flamboyan a dal 5 hit i nan a hasi 2 eror. Eithel Brunken a pèrdè. Robertico Castillo ku Lyndon Lourensz a bai di 1-1. Gerthon Matrona, Richinel Candelaria ku Nelson Marks, tur a bai di 2-1. Richinel Candelaria a konektá 1 homerun.
%20copy.jpg)
Artemisia 11, Sluggers 3
Artemisia a dal 12 hit i kometé 1 eror. Giovanni Maduro tabata picher ganadó. Clint Maynard, Roderick Martina i Rudney Martina, tur a bai di 1-1. Charles Daal, Denley Marten ku Charles van Thijs, tur a bai di 2-1. Richel Baromeo a bai di 2-2 i Giovanni Maduro di 3-3. Pa Sluggers 6 hit ku 1 eror. Eldred Bakker a resultá pèrdèdó. Aegidio Juliana, Gerald Zimmerman, Albertico Leito i Hilbert Cicilia, tur a bai di 2-1 i Humphrey Antonia di 2-2.
Marlins 13, Lions 12
Marlins tabatin 14 hit ku 1 eror. Gilbert Henrietta a gana. Gregory Zimmerman i Aldrin Visser a bai di 1-1. Ian Leito di 2-1. Mairon Martinus ku Irving Sambo a bai di 3-2, Jurgen Susanna ku Bryan Esclodina a bai di 3-3. Gregory Zimmerman, Irving Sambo ku Bryan Esclodina, tur a konektá 1 homerun i Mairon Martinus a konektá 2. Lions a dal 16 hit hunga sin eror. Nelson Jacoba a pèrdè. Raichel Leito ku Ronchel Daal a bai di 1-1, Herbert Lucas i Sendy Marceli di 2-1 i Nelson Jacoba di 4-2. Edwin Thielman ku Geralthon Martha a bai di 3-3 i Leticio Rosa di 4-3.
Cicoza a dal Gamers 28 pa 13 den Liga 40
WILLEMSTAD- Cicoza a gana Gamers 28 pa 13 i tin rèkòrt di 3 ganá I 2 pèrdí. Cicoza ta promé aña den Liga 40. Den e otro wega di Liga 40 di siman pasá Swift a dal Jaws 13 pa 5. Weganan di Liga 40 ta tur djaweps na Van Engelen Ballpark.
RESULTADONAN
Djaweps 21 di sèptèmber
Swift 13, Jaws 5
Swift tabatin 12 hit ku 1 eror. Jesus Borges a gana. Joël Angelista i Percey Gosepa a bai di 1-1. Rixon Peña ku Carlos Ramirez di 2-1 i Bertrand Peters di 3-1. Wilkin Lockhart ku Gedion Sambo a bai di 3-2 i David Kirindongo di 4-2. Bertrand Peters a konektá 1 homerun. Pa Jaws 8 hit ku 5 eror. Gurtney Adriana a pèrdè. Roderick Martina ku Gurtney Adriana a bai di 1-1. Jurien Martina, Ramon Cabrera Dominguez , Ingemar Soerka i Edwin Thielman, tur a bai di 2-1. Shanon Kleinmoedig di 3-2.
Cicoza 28, Gamers 13
Cicoza a dal 17 hit i kometé 3 eror. Alexander Guanipa tabata ganadó. Gilbert Henrietta ku Jursiegh Leitoe a bai di 1-1. Jonathan Pascual i Gilionne Pikerie di 2-1. Dayron Puriel ku Mysonn Cathalina di 3-2, Dave Janga ku Julius Veeris di 4-2 i Rhiency Imperator di 4-4 inkluyendo 1 homerun. Gamers tabatin 16 hit ku 3 eror. Jose Obispa a resultá pèrdèdó. Jair Quant ku Ramsey Kirindongo a bai di 1-1. Ryan Imperator, Patrick Wagner, Reugene Martis ku Olav Verbrugge, tur a bai di 2-1. Kevin Boekhoudt ku Annuar Franken di 3-2, Cristian Sint Jago di 3-3 i Ryan Samuel di 4-3. Jair Quant ku Ryan Samuel, ámbos a konektá 1 homerun.
MAS INFORMASHON DI SÒFTBÒI BEISBOL
Fanátikonan di Deporte Kòrsou, bon dia. Awe nos tin resultadonan di Liga 40 i Liga 50. Liga 40 ta sigi tur djaweps na Van Engelen Ballpark entre 6 ekipo. Ekiponan di Liga 40 ta Baranka, Swift, Jaws, Gamers, Cicoza i Twister. Ekiponan Cicoza i Twister a drenta den Liga 40 e aña aki. Un tempu Liga 40 tabata den gran forma ku partisipashon di mas ku 8 ekipo. Liga 40 a start den añanan 80 i tin hopi ekipo ku a bini i bai bèk. Swift i Jaws ta e dos ekiponan ku tin mas tantu tempu den Liga 40. Remarkabel ta ku nunka Swift no a djòin Liga 50 i Liga 60. Jaws ta úniko ekipo ku tin ekipo den liga di hóbennan, di 40, 50 i 60. Jaws ta selebrando 50 aña di eksistensia e aña aki.
* * * * *
MLB ta sigi kayente bayendo último siman di temporada regular di 2023. Liga Nashonal ta kla ku su lider den bateo (Luis Arraez .354) i lider di homerun (Matt Olson, 54 homerun), ganadó di ERA (Blake Snell 2.25 ) i lider di ponche tirá (Spencer Strider 281). Braves, Dodgers i Twins tur a klinch nan respektivo division, miéntras Orioles, Rays i Brewers a klinch pa posttemporada. Tabatin algun seri fèrfelu e siman aki, Houston kontra Seattle, Chicago kontra Atlanta, New York kontra di Toronto ets. E dianan aki tur fanátiko ta klabá na televishon. Wild Card ta start djamars awor i serie di divishon ta kuminsá djasabra awor.
* * * * *
Beisbòl Veterano a sigi wikènt pasá na Vi Jansen Ballpark ku varios partido. Ekipo Quality a bolbe gana ku skor grandi. Quality ta invikto ainda den Beisbòl Veterano i parse ku ekiponan no ta bai pa gana i ta warda nan armanan pa play-off. Quality a dal Jandoret duru djadumingu último. Quality ta rumbo pa su di 3 título despues ku nan a bira kampion na 2020 i 2022. Santa Maria tabata kampion na 2019 i 2021. Promé ku esei Jandoret Raiders tabata kampion 5 aña sigí, di 2014 pa 2018. Bulldogs ku no ta eksistí mas tabata kampion na 2012 i 2013. The Bears ku tampoko no tei mas 2007, 2008, 2010 i 2011. Santa Rosa Memories tabata kampion na 2005, 2006 i 2009. Den Liga 50 di Beisbòl Veterano, Jandoret Raiders tin 5 título sigi.
* * * * *
Winston Kirindongo ta lider apsoluto den homerun den Liga 60 ku 5 homerun pa su ekipo Nos Tambe Por. Ta promé aña den Liga 60 di Winston Kirindongo ku tin 59 aña i lo kumpli 60 aña na komienso den 2024. Tur ekipo por usa solamente 2 hungadó di 59 aña den Liga 60 durante wega. Por tin mas hungadó riba lista si, pero ta solamente dos hungadó por hunga pareu. Kasi tur ekipo tin dos òf mas hungadó di 59 aña den Liga 60. Otro hungadónan konosí ku tin 59 aña i ta moviendo den Liga 60 ta Remick Bernadina, Tyron de Palm, Pitufo Lourens, Jurgen Lichtenberg, Payo Gabriel ets. Bon públiko tur djadumingu pa mira weganan di Liga 60 aya den Frank Curiel Ballpark. Saludo pa e hungadó di mas edat den Liga 60 ku ta Angel Ramirez ku tin 88 aña i ketu bai ta aktivo. Angel Ramirez lo retirá e aña aki.
* * * * *
E siman aki tin un post riba Facebook kaminda a bai bèk ku sifranan di kampionato 1977. Grandinan di e tempu ei, (46 aña pasá) manera entre otro Willie Pietersz, Wenny Jakoba, Fichi Flemming, Ludwig Daalnoot, Juan Piña, Richenel Daal ets. E lidernan tabata Willie Pietersz kampion bate i lider di hit, doblete konektá. Fichi Flemming tabata lider den homerun. Eithel de Caster lider den base robá ku 10. Den picheo tabata Antonio Keller tabata manda i tabatin 10 wega ganá, Eligio Lechito Kelly den ponche tirá lider sigí pa Antonio Keller. Hubert Mercelina tabata lider den inning pichá, Nelson Gutierez lider den Wild Pitch. Ta solamente Bencho Imperator i Antonio Keller di e tempu ei ta aktivo ainda den Liga 60 +. Nos ta keda te aki pa awe.
