Torneo Kopa ABC organisá pa Marlins di 27 di aprel pa 2 di mei 2022
WILLEMSTAD- Di 27 di aprel pa 2 di mei 2022 tin Kopa ABC 50+ organisá pa ekipo di Sòftbòl Marlins. 9 ekipo di Kòrsou, 2 di Aruba i 1 di Boneiru lo partisipá na e torneo. E torneo lo tuma lugá na Van Engelen Ballpark i lo hunga solamente durante dia. Ta for di 2018 tabatin Kopa ABC 50+ ku a tuma lugá na Aruba i despues no tabatin e torneo mas. Ekiponan Baranka, Pitufos, Ban Serio, Lions, Marlins, Flamboyan, Sluggers, Artemisia i Jaws di Kòrsou ta den e torneo. Astros i Stingers di Aruba i Dragons di Boneiru. Astros lo tin hungadónan manera entre otro Chebele Bernardus, Joslin, Michael Rasmijn, Elvis Maduro, Tony Hassle, Clyde Hassle, Vincent Willems i Eric Irausquin. Di Stingers: Greg Paulina, Greg Alias, Orea, Ansel, Wouters, Colina i Nando Maduro.
Astros ta un ekipo di basta trayektoria den Slowpitch na Aruba, espeshalmente den Kopa ABC di e hóbennan. Den e promé 10 Kopanan ABC di e hóbennan, Astros a bira kampion na 7 okashon entre otro 6 biaha sigí. E hungadónan aki a yega 50+/60+ i lo bai duna un tremendo espektákulo. Na un okashon Astros a bira kampion 50+ na Aruba. Stingers tin un algun aña ta partisipá den Kopa ABC 50+. Ekipo Dragons di Boneiru tin 11 aña di eksistensia i sa partisipá den torneonan 50+ na Boneiru. Boneiru tin 4 ekipo di 50+ i den simannan benidero nos lo tin mas detaye di ekipo Dragons.
Dragons ekipo di Boneiru 50+ kla pa Torneo ABC 50+
WILLEMSTAD- Ekipo Dragons di kategoría 50+ di Boneiru ta bini pa gana den Torneo Kopa ABC 50+ organisá pa Marlins. E ekipo tei for di 2010 i na algun okashon a yega final den Kopa ABC. Na 2010 e ekipo a bira kampion di Torneo ABC organisá pa Rudy Brunken i Flamboyan. Pa 2023 Kopa ABC lo ta na Boneiru. Despues di bon prestashon den torneonan organisá pa Flamboyan, Dragons a keda aserká pa Randy Bernardus (QEPD) i Francisco Gomez (QEPD) di resprektivamente Kòrsou i Aruba pa drenta ofishalmente Kopa ABC.
Asina Dragons a bira e ekipo di Boneiru ku tin derechi di organisá Kopa ABC. Dragons a partisipá na 2013 na Aruba, na 2014 na Boneiru i 2015 na Kòrsou. Dragons a partisipá na tur Kopa ABC ku esepshon di 2020 i 2021 ku no tabatin Kopa ABC debí na Covid-19.
Dragons di Boneiru ku ta bai tur Kopa ABC.. Nan ta biaha hopi.
Ekipo Astros di Aruba ku lo kompetí den Kopa ABC na Kòrsou di 27 di aprel pa 2 di mei.
INFORMASHON DI BEISBÒL I SÒFTBÒL
Felis atardi felis siman. Preparashonnan ta sigi pa e gran Kopa ABC 50 organisá pa Marlins na Van Engelen Ballpark. Tur ekipo di 50+ di Kòrsou ku esepshon di Caterpillar, dos ekipo di Aruba i unu di Boneiru lo partisipá. Manera ya nos a anunsiá e torneo ta di 27 di aprel pa 2 di mei i lo hunga solamente den dia naturalmente. Tin weganan di 60+ tambe pendiente den e torneo, no riba nivel di ABC, pero solamente entre ekiponan di Kòrsou. Promé ku e torneo start lo tin un Konferensia di Prensa kaminda lo duna mas detaye di e torneo. Di Aruba lo partisipá Astros i Stingers, miéntras di Boneiru lo partisipá ekipo Dragons. 12 ekipo lo partisipá repartí den 3 pul.
• * * * * *
Awe nos tin informashon di e ekipo Dragons ku lo partisipá den Kopa ABC 50+. Ekipo funda 26 di òktober 2010. Dragons lo yega dia 28 di aprel pa partisipá na e Torneo ABC organisá pa ekipo Marlins. Na 2011 e ekipo Dragons a bira kampion di Torneo 50+ organisá pa Flamboyan na Little League Ballpark. Ekipo Dragons a keda move tur aña den Torneo ABC 50+. Dragons tabata presente asta na 2019 kaminda tabatin solamente 3 ekipo den ABC 50+ na Sint Maarten. E aña ei ekipo Surprise a bira kampion di Kopa ABC. Tabata e aña ku Insel Air tabata pasando den momentunan difísil ku a pone ku e Kopa ACB a tuma lugá si, pero manera menshoná solamente ku 3 ekipo debí na pasashinan na preis altísimo.
• * * * * *
Torneo The Brothers ta den fase final wikènt aki na Tata Beaumont Ballpark. Ekiponan ku a klasifiká ta Isla Crackers i Azucar di Pul A i Quality Stars i Santa Maria di Pul B. Djasabra pa 10.30’or lo tin un wega amistoso entre Marlins i Azucar. 1’or pm ta Quality Stars vs Isla Crackers. Tremendo klèsh mayan na Bonnam ruman, dos ekipo ku lo klasifiká sigur den e promé kuaternan pa loke ta trata kampionato BEVEKO 40+ 2022. Despues pa 3’or pm ta Azucar kontra di Santa Maria. Por spera Raymond Soerka kontra su èks ekipo Santa Maria. Kòrda Homerun Derby ku tabata planiá pa djasabra no ta sigi. Djadumingu 10 di aprel tin dos wega amistoso i e gran final pa 3’or òf 3.30’or. Djadumingu 3.30 pm ta gran final entre Santa Maria Pirates i Isla Cracckers. Nan dos a gana djasabra den semi-final.
•
• * * * * *
Torneo Kid Boca Chica a djasabra i djadumingu na Frank Curiel Ballpark i nos tin e skèdjel. Djasabra 9 di aprel tabatin 4 wega 10.00 Jaws – Nos Tambe Power; 12.00 Los Amigos – Pitufos; 14.00 Lions – CSS; 16.00 Nos Power – Sluggers. Djadumingu 10 di aprel 10.00 CSS – Jaws; 12.00 Sluggers – Lions; 14.00 Pitufos – Nos Power; 16.00 Nos tambe Por – Los Amigos. E ekipo ku e mihó skor ta kampion i di dos mihó skor lo ta sup-kampion. Kid Boca Chica ta un dje grandinan di Slowpitch ku a funda e ekipo Jaws. Pitufos a debutá den 60 ayera i gana ekipo Los Amigos ku skor di 6-0.
• * * * * *
Pa loke ta trata Beisbòl di Hulanda, e ekipo Silicon Storks a hera di degradá i 13 hungado di eksperensia a move. 6 hungadó nobo a bini i e ekipo bou di direkshon di nos amigu Eugene Hensen lo mester a bai lucha den e siguiente klase pa klasifiká i subi bèk. Pero tin indikashon ku federashon lo amplia e timnan p’asina Silicon Storks keda ariba. Na momentu ku selekshon a bai afó, 3 hungadó klave i estelarísimo di ekipo Silicon a bai i no a para e weganan di Silicon. Tambe Nelmerson Angela a bini Kòrsou pa picha ku Royal Scorpions den e parti final di kampionato di Beisbòl Dòbel A. HCAW a gana e tradishonal Torneo Charles Urbanus ganando di Curacao Neptunes. Djaweps awor kampionato di Beisbòl di Hulanda ta start ku 4 wega. Curacao Neptunes vs DSS/Kinheim, HCAW – Hoofddprp Pioniers, L&D Amsterdam – RCH Memories Sieraden, Twins Oosterhout – Quick Amersfoort. Den simannan benidero nos lo tin mas informashon i detaye di Beisbòl di Hulanda.
* * * * *
Torneo Hope ta sigi awe djadumingu na Van Engeleb Ballpark ku varios wega. Awe ekipo MEO ku Minister Ruisandro Cijntje na kabes ta debutá. Djadumingu 10 di aprel Van Engelen Ballpark Vèlt A
10.00 Cuaracao Refinery Utilities – C-Post/Leanez(SMA); 11.30 Aqualectra – CPA/Fraal(SMA);
13.00 Onderwijs – SOAB(Coed B); 14.30 Sambil/JGM/Bam Bam – SBAB(Coed B);
16.00 Flow/The New Prosperity – Selikor(CH); 17.30 ACU/HICC/SDKK – Douane Curcao/CAP(SMD);
19.00 Building Depot – Corendon/C.I.D.(Coed C). Van Engelen Ballpark Vèlt B 10.00 Guardian Group Fatum – MEO/Vermaas(SME); 11.30 MCB – SVB/SGR/ACU(SF); 13.00 MCB – Orco Bank/SSC/Garage Baloche(SMC); 15.00 Banco di Caribe/ ENNIA – SVB(SMC); 16.30 DAMEN – OMNI/Travel Agen.H.I.P.S.(SMPB).
