WILLEMSTAD- Torneo Sòftbòl Komersial Aruba i Kòrsou (SKAK) a start djaweps último ku dos wega na Van Engelen Ballpark. E torneo yama SKAK+ debí ku Boneiru tambe ta partisipá. Djaweps ekipo Among Us a gana Sulca ku skor di 6 pa 3. Den e di dos partido Selikor a derotá Omni ku skor di 6 pa 4. Ayeranochi tabatin 4 wega, djasabra tin 16 wega i djadumingu tin 6 wega mas pa kulminá den e gran final.
Fanatikonan na Van Engelen Ballpark durante Torneo SKAK ayeranochi.
Stichting Internationale Politie Sportweken (SIPS) ta organisá e torneo. 12 ekipo di Soshal Maskulino ta partisipando den e kompetensia, 10 ekipo di Kòrsou, un ekipo di Aruba i un ekipo di Boneiru. Ekiponan ku ta partisipá ta Sulca, ORV/Polis Veterano, WEB di Boneiru, SDKK, SKV i Among Us den Pul A. Den Pul B tin Selikor, Setar di Aruba, Quick 60, Coca Cola, Renaissance i Omni. Pa fin di òktober lo tin e torneo na Aruba i ta basta ekipo komersial di Kòrsou ta partisipá.
Resultadonan Semi-final Liga 50 di Aruba
WILLEMSTAD- Liga 50 a sigi na Aruba ku varios wega di semi-final wikènt pasá.
Surprise a gana Stingers 6 pa 5. Surprise a dal 10 hit i hasi 5 eror. Oslin Tromp tabata e picher ganadó. Adolfo Gonzales ku Raymond Dirksz di 3-2. Oslin Tromp di 1-1. Stingers a dal 11 hit i hasi 5 eror. Gregory Paulina tabata e picher pèrdèdó. Ancel Alleyne, Joseph Everon, Junior Cham i Giovanni Lane a bati di 3-2 pa Stingers. E weganan a tuma lugá na tereno di Madushi Stars.
Aruba Juniors 9, Astros 6
Aruiba Juniors a dal 13 hit i hasi 2 eror. Clemente Garcia tabata e picher ganadó. Jose Pequero a bati di 4-3. Nasser Said di 3-3. Ramond Garcia di 2-2. Elias Nieves di 1-1 i Lenin Ashby di 5-2. Astros a konektá 10 hit i hasi 3 eror. Picher pèrdèdó tabata Joslin Falcon i Clyde Hassel a bati di 5-2, Randolph Alberto di 3-2. Desiderio Thode di 1-1.
Macuarima 8, Lions Divers 1
Macuarima a dal 8 hit i hasi 2 eror. Picher ganadó tabata Elvis Maduro. Mihó batiadónan Edgar Kock i Elvis Maduro 3-2. Clement Krozendijk di 4-2 i Arcadio Maduro di 1-1.
Line Drivers a dal 10 hit i hasi 7 eror. Ramon Philips tabata e picher pèrdèdó. Jenny Angelo di 3-3. Robertico Boekhoudt di 3-2. Clayin Winfield di 3-2 i Elio Ignacio di 1-1.
Rangers 4, Kibaima 1
Rangers a dal 10 hit i hasi 1 eror. Javier Barragan a gana. Johnny Rasmijn di 3-3 i Raymond Montero di 3-2. Kibaima a dal 4 hit i hasi 3 eror. Picher pèrdèdó tabata Nelson Perez. Emilio Loefstop di 1-1 i Nelson Nicolaas a bai di 2-1.
