Torneo SKAK ta terminá awe na Van Engelen Ballpark i resultadonan di Beisbòl Veterano
WILLEMSTAD- Torneo SKAK ku ta Sòftbòl Komersial Aruba i Kòrsou lo terminá awe. E nòmber ta SKAK pero e último aña Boneiru tambe ta partisipando. E torneo a start djaweps 27 di yüli i lo terminá djadumingu 30 di yüli. Nos tin resultado di weganan di djaweps te ku djasabra i weganan riba e fecha final djadumingu 30 di yüli 2023.
RESULTADO BEISBÒL VETERANO
Beisbòl Veterano a sigi wikènt pasá ku 6 wega na Vi Jansen Ballpark. Marlins a sorprendé Vosama 9 pa 3. Quality Stars mester a lucha pa gana Azucar 5 pa 4. Santa Maria dal Jandoret duru ku skor di 16-1 riba djasabra. Djadumingu Santa Rosa a pasa fásil riba Yesterday ku skor di 8-1. Isla Crackers a zona The Brothers 5 pa 2 i den e último wega Veterano Otrabanda a nòkout Marchena 16-4.
Djasabra 22 di yüli
Marlins 9, Vosama 3
Marlins tabatin 13 hit ku 1 eror. Shanon Kleinmoedig a gana i Miguel Velasquez Agramonte a bai di 1-1.
Freddy Castillo Garido i Ramon Cabrera Dominguez, ámbos a bai di 2-1. Orlando Gerard a bai di 4-3. Cedric Gil ku Wilkin Lockhart Martinez, ámbos do 4-2. Pa Vosama 5 hit ku 4 eror. Xaviero Avastia a pèrdè. Alberto Ramirez a bai di 1-1 i Jason Benito di 3-2.
Quality 5, Azucar 4
Quality a dal 9 hit i nan a kometé 3 eror. Eduardo Louvera tabata ganadó i Emile Haswell a bai di 2-2. Georgino Goeloe a bai di 2-1. Dayron Puriel ku Raymond Leonora, ámbos a bai di 3-2. Azucar tabatin 2 hit ku 2 eror. Nelson Reinita a resultá pèrdèdó. Ian Ignacia do 2-1 i Reinaldo Elcock di 3-1.
Santa Maria 16, Jandoret 1
Santa Maria a dal 11 hit i nan a kometé 1 eror. Amador Nita a bai ku e viktoria i Raylan Francisca a bai di 1-1. Eldred Estanista ku Amador Nita, ámbos a bai di 2-1. Bertrand Peters ku Signald Paz, ámbos di 2-2. Rayon Samuel a bai di 3-2. Jandoret tabatin 4 hit ku 4 eror. Rigene Antonia a karga ku e derota. Myron Wijman ku Chervin Maduro, ámbos di 1-1. Deron Clara i Rayshel Francisca di 2-1.
Djadumingu 23 yüli
Santa Rosa 8, Yesterday 1
Santa Rosa tabatin 10 hit ku 2 eror. Raymond Martes a gana. Cedric Antonia i Ian Leito, ámbos a bai di 2-1. Ramses Jamanika a bai di 3-2. Randy Lo-A-Tjong ku Reginald Pietersz, ámbos a bai di 4-2. Pa Yesterday 4 hit ku 1 eror. Pernell Sprott a pèrdè i Alexander Martina a bai di 1-1. Renato Anasagasti a bai di 2-1.
Isla Crackers 5, The Brothers 2
Isla Crackers a dal 8 hit i nan a kometé 1 eror. Rainier Martis tabata ganadó i Enrique Kroon a bai di 2-2. Stanford Landburg ku Rolin Eustatius, ámbos a bai di 2-1. Roderick Eustatius a bai di 3-2. Rolin Eustatius a konektá 1 homerun. The Brothers tabatin 2 hit ku 2 eror. Cidrick Koffy a resultá pèrdèdó. Kelvin Winklaar a bai di 1-1 i Jairo Burnet a bai di 2-1.
Veteranos Otrabanda 16, Marchena 4
Otrabanda tabatin 11 hit ku 1 eror. Gilbert Bernadina a bai ku e viktoria. Kenneth Desbarida i Robertson Julio Josefa, ámbos a bai di 1-1. Norwin Moesquit a bai di 2-1. Alcides Juliana ku Earnie Sterling, ámbos di 2-2. Ramsey Kirindongo ku Giovanni Maduro, tur dos a bai di 3-2. Marchena a dal 7 hit ku 2 eror. Nelson Rodriguez a karga ku e derota i ela bai di 1-1. Pedro Hernandez i Gilbert Belioso, ámbos a bai di 1-1 tambe. Danilo Sanchez ku Raily Cordilia, ámbos a bai di 2-1 i Ifraim Legito, ámbos di 2-2.
MAS INFORMASHON DI SÒFTBÒL I BEISBÒL
Fanátikonan di Deporte Korsou, bondia i felis siman. Djabièrnè Torneo SKAK a start na Van Engelen Ballpark dilanti un bon públiko, apesar ku menasa ku koriente lo no bini bèk. Weganan a sigi djabièrnè, djasabra pa terminá djadumingu na mesun parke. Liga 50 lo tuma lugá na Post 6 djasabra ku dos wega kandela, entre otro Marlins a laga Pitufos den tereno den e wega di 10’or di mainta. Despues Flamboyan a dal Lions 12-4. Jaws a superá Catpower 15-11 i finalmente Baranka a zona Artemisia 19 pa 3. Ekipo Lions a klasifiká den e promé kuaternan na 2021 i ekipo Flamboyan a klasifiká na 2022 pa semi-final.
* * * * *
Pa 5 di ougùstùs ta Ban Serio kontra Marlins. Dia 12 di ougùstùs ta Baranka – Ban Serio i einan nos lo sa kua ekipo lo terminá number 1 di e buelta regular di Liga 50. Djarason nos tabatin e lidernan individual den Liga 50, entre otro Myron Wijman di Baranka komo lider den bateo, Kelvin Winklaar lider den bateo i Sherdon Rombley lider den homerun. Liga 50 interesantísimo i despues di e wikènt aki ta bini bèk Van Engelen Ballpark.
* * * * *
Selekshon Senior di Kòrsou a move djarason pa USA pa despues sigi pa Easley, Michigan. E sigiente selekshonnan ku lo move pa eksterior ta selekshon Little League ku lo biaha for di dia 10 di ougùstùs pa Williamsport i selekshon Junior ku lo move pa Easley, Michigan dia 11 di ougùstùs. E selekshonnan lo move algun dia promé i nos ta pendiente pa skema di e weganan. Atrobe nos lo biba ku nos hóbennan den e kampionatonan Mundial. Tremendo propaganda pa Kòrsou, debí ku ESPN ta pasa tur e weganan di e Mundialnan. Esnan di Little League lo keda transmití live riba e ESPN ku nos ta risibi na Kòrsou aki, e otro nan (Junior i Senior) manera nos a indiká for di djaluna ku bo mester tin abono riba e ESPNnan Merikano, òf bo mester risibí un link pa sigi e weganan.
* * * * *
E dianan aki di fiesta di little League ta bon pa nos bai bèk den tempu. Selekshon Senior 2002 ku a sali kampion na Bangor Maine riba un djasabra 17 di ougùstùs 2002 i Selekshon Little ku a bira kampion di Mundu riba un djadumingu 29 di ougùstùs 2004. Selekshon Senior bou di direkshon di Norval ‘Payo’ Faneyte asistí pa Percey Lebacks (QEPD) i Norwin ‘Sor’ Moesquit a bira kampion na Sint Maarten ganando di Panama den final ku skor di 9-6 djadumingu dia 14 di yüli 2002. Promé ku nos bira kampion di Mundu gana Aruba Noord na Aruba dia 24 di yüli 2004 pa kampion di Karibe. E gran final di Beisbòl Little League di Mundu na Williamsport a paralisá Korsou kompletu debí ku na Kòrsou i rònt Mundu por a mira nos muchanan di 11 i 12 aña den akshon via televishon ESPN i ABC. Dushi tempu hòmber. Den dianan benidero nos lo bini bèk riba selekshon Junior ku a bira kampion di Mundu na 2008 i selekshon Senior kampion di Mundu na 2018. Selekshon Senior di 2018 tabata di Liga Pariba i e otronan ta di Liga Pabou.
%20copy.jpg)
* * * * *
Ban pa torneo SKAK ku a start den oranan di anochi despues ku koriente a yega na Van Engelen Ballpark. Ayera mester tabatin wega entre Setar i Corendon sigí pa KPC kontra di CRU den Liga 40 maskulino sigí pa Omni kontra di Sulca. Corendon a gana Setar 1-0, CRU a gana Polis 12 pa 1 den 40+ i Omni a gana Sulca pèrtá 6 pa 3. Djabièrnè tabatin 6 wega, entre otro apertura ofishal di e torneo ku ta tuma lugá 7’or di anochi na Van Engelen Ballpark. Finalnan ta djadumingu 30 di yüli, e torneo lo hunga e aña aki na Boneiru i Aruba.
* * * * *
Beisbòl Veterano ta sigi ku 6 wega na Vi Jansen Ballpark. Santa Rosa a dal Vosamam 8 pa 1 i Isla a nòkout Otrabanda 12-2. Liga di Nos Tur tabatin dos wega djabièrnè i dos wega djasabra na Frank Curiel Ballpark. Un Kara i Sin Stress a gana nan dos weganan, djabièrne i djasabra. Liga 60 tin 3 wega na Frank Curiel Ballpark. Pa 11’or Nos Tambe Por lo topa ku Los Amigos den wega kandela. 1’or ta Curacao Super Stars kontra di Nos Power, 3’or Sluggers kontra Lions. Nos ta keda te aki pa awe i te djaluna ku Poder di Dios.
