Un Kara ta gana Join Me den Liga di Nos Tur i play-off ta start djabièrnè
WILLEMSTAD- Djabièrnè 24 di sèptèmber Liga di Nos Tur a kontinuá nan kampionato ku 2 wega na Frank Curiel Ballpark. Un Kara ku picheo di Carlientje Cleopa ta gana e ekipo Join Me ku un skor pèrtá 3 pa 2. Den e otro wega Sin Stress ta derotá Un Kara 6 pa 3.
Sin Stress 6, Un Kara 3
Sin Stress tabatin 8 hit i nan a kometé 4 eror. Marie Windster a gana i Natasha Marselia a bai di 3-3. Emmely Jonis ku Sonna Valies, ámbos a bai di 3-2. Tanusi Delando a bai di 2-1. Un Kara a dal 4 hit i nan a hasi 5 eror. Milusca Leito a pèrdè. Sholainsk Alberto a bai di 2-1. Jeamine Pieternella, Fayna De Mey, Nathaly Lourens, tur a bai di 3-1.
Un Kara 3, Join Me 2
Un Kara a konektá 6 hit i nan a kometé 1 eror. Carlientje Cleopa tabata picher ganadó. Nathaly Lourens a bai di 3-2 i Vanessa Winklaar di 2-2. Valerie Christina a bai di 2-1 i Shalimayla Martis a bai di 1-1. Join Me tabatin 7 hit i nan a hasi 5 eror. Louisse Ortega-Silvanie a resultá pèrdèdó. Louisse Ortega-Silvanie ku Judesca Kastaneer, ámbos a bai di 2-2. Sulimar Kellie di 2-1. Anagertrudes Rodriguez ku Dianra Pieternella, tur 2 a bati di 3-1.
PLAYOFF
Play-off di Liga di Nos Tur ta start e wikènt aki na Frank Curiel Ballpark. Ekiponan Chilling, Un Kara, Join Me i Sin Stress. Ekiponan Curacao Sweethearts i Shining Stars no a logra klasifiká. Standing final ta Chilling (8-2), Un Kara (7-3), Join Me (5-5), Sin Stress (5-5), Curacao Sweethearts (3-7), Shining Stars (2-8). Play-off ta start djabièrnè awor na Frank Curiel Ballpark ku wega entre Join Me i Sin Stress pa 8’or pm, wega entre number 3 i 4. Djasabra ta Chilling vs Un Kara, number 1 vs number 2.
