Weganan di Crème de La Crème ta sigi na Suvek Ballpark
WILLEMSTAD - Komishon Crème de La Crème den e siman aki a manda un komunikado pa miembronan di direktivanan, kabesantenan, coachenan, mayornan i fanátikonan di beisbòl Little League,
“Pa medio di e komunikado aki nos kier a informá boso ku djasabra awor 24 di òktober e torneo di Creme de la Creme ta bai sigui na vèlt di Suvek. Lástimamente, e torneo lo tin ku sigui SIN fanatiko na vèlt pa asina por kumpli ku e reglanan stipulá dor di gobièrnu di Kòrsou. Pues mayornan lo tin ku baha e hungadónan i bandoná e tereno di wega.
Nos ta imaginá ku esaki ta trese inkumbiniensia pa mayornan i fanátikonan ku semper ta bini vèlt pa apoyá e hungadórnan, pero pa por brinda e muchanan tòg e oportunidat di hunga beisbòl den e periodo di COVID aki, nos ta supliká tur hende pa tene kuenta ku eksigensia aki i yuda nos pa mantené e reglanan.
Nos kier a kòrda tur hende ku por sigi e weganan via gamechanger.
Un saludo kordial,
Komishon di Creme de la Crème”
