10 baluarte di deporte lo drenta Salon di Fama djamars 29 di desèmber
WILLEMSTAD- Djamars 29 di desèmber 2020, 10 eks baluarte deportivo lo drenta Salon di Fama. E seremonia di instalashon lo tuma luga den Queens Ballroom na Curacao Marriott Beach Resort situá na John F. Kennedy Boulevard.
Lamentablemente pa motibu di COVID-19 i tambe medidanan tuma dor di gobièrnu tur hende no por forma parti na e evento aki manera sa ta kustumber. En konekshon ku e medidanan aki FDOK a sòru pe opshon pa tur hende por sigui e seremonia via live streaming riba FDOK su Facebook page Federashon Deporte i Olímpiko Körsou —FDOK i tambe via TV Nos Pais kanal 4.
E baluartenan ta sr. Raoul Alias (Dam), sr. Michael Arvelo (Biyar), sr. Marcel Brigitha (Beisbòl), sr. Wilfrido Coffie (Futsal), sr. Philip Elhage (Beisbòl), sra. Magdalena Faneyt (Sòftbòl), sr. Eelco Gonet (Basketbòl), sr. Gustavo de Jongh (Sòftbòl), sr. Erwin Martis (Atletismo), sra. Ivonne Leito- Senff (Karate).
Den kurso di dianan Deporte Kòrsou tin mas detaye i CV kompletu di e baluartenan aki.
