30 wega den Amstel Bright Premier Cup e wikènt

WILLEMSTAD- Amstel Bright Premier cup ta sigi e wikent aki na Van Engelen Ballpark. Nos tin tur resultado di weganan di djabièrnè i tur resultado di e último weganan.  Djabièrnè 23 di febrüari ekipo The New Radiator a gana di G-Warrios 11 pa 6. Despues Fired Team a gana G Warriors den COED 9-1.  Den e ultimo wega di djabièrnè 23 di februari, Cicoza Legends a dal Jaws duru ku skor di 19-0.

Skema di 4 siman.
Edmar Cornelia ku homerun pa kaba wega pa Jandoret.

OTRO DETAYENAN
-Aqualectra a gana Selikor 4 pa 2 i Nos Tambe a dal Pitufos 12-0 den Amstel Bright Premier Cup

Den un tremendo partido Aqualectra a gana Selikor ku skor di 4-2 den e kategoría Soshal di Amstel Bright Premier Cup. E veteranísimo Sandy Reinita tabata e picher ganadó pa Selikor.  Den otro wega Nos Tambe Por a dal Pitufos durísimo ku skor di 12-0 ku bon picheo Sigfried Lopez i bateo di Purcy Schoop ku a bati di 3-3.  

CITCO COED promé ku wega.

RESULTADONAN
Nos Tambe Por 12, Pitufos 0 (Liga 60);
Jandoret Raiders 10,  Flamboyan 0 (Liga 50);
Jaws 8, Sluggers 7 (Liga 50);
Swift 8, Terremoto 1 (Modified);
Cicoza Legends 19, Bombers 6 (Liga 40);
Aqualectra 4, Selikor 2 (Soshal);
Renaissance 7, Kustwacht 0 (Soshal);
CITCO 10, ORCO Bank/SSC 3 (COED);
Keyfin 27, Coca Cola 12 (Soshal);
Belastingdienst 16, EWT/Centrum 5 (Soshal);
Fire Team 9, The New Radiator 7(COED).

Algun hungadó di Renaissance djadumingu mainta  na Van Engelen Ballpark.
Jandoret Raiders i Flamboyan ta saludá otro despues di wega.
Juraini Martina i Jurina Martina na Van Engelen Ballpark djadumingu atardi.


‍

CITCO ta dal ORCO i Cicoza Legends ta nòkout Bombers den Amstel Bright Premier Cup

Amstel Bright Premier Cup a sigi den wikènt ku mas ku 30 wega na Van Engelen Ballpark.  Den dos wega kandela djadumingu último ekipo CITCO  a dal ORCO/SSC/COED ku skor di 10 pa 3.  Den otro wega ekipo Cicoza Legends a dal Bombers duru den Liga 40 ku skor di 17-6.  Jandoret Raiders a dal Flamboyan/Tigers duru ku skor di 10-0. Nos Tambe Por a zona Pitufos 12-0. Nos tin varios resultado i weganan di Amstel Bright Premier Cup di wikènt pasá.

Ekipo Orco Bank.

SOAB 13, CITCO  4 (COED);
MCB 9, SOAB 6 (COED);

Belastingdienst 9, Corendon/GGZ/HICC 7 (Soshal);
QEX Installation 6, EWT/Centrum MCD 2 (Soshal);
CITCO 16, CPA/Fraal 10 (Soshal);
Flamboyan 10,  Marlins 5 (Liga 50);
Pitufos 22, Artemisia 0 (Liga 50);
Twister 12, Jaws 4 (Liga 40);
Cicoza 25, Estrellas Latinas 4 (Modified);

Corendon 16, Bala Brothers 15, (Soshal Open);
The New Radiator 18, IT/.COM/ARCAS 8 (Soshal Open);
Chonchis 27, Crazy Soldiers 2 (Soshal Open);
Bala Brothers 25, Tog Nos Tei 18 (Soshal Open) .

Cicoza Legends kandela den 40+

Curacao Super Stars lo sigi normal den 60+
WILLEMSTAD- Curacao Super Stars lo no reforsá ku Baranka den Liga 60 pa temporada 2024. Despues di un reunion èkstra ordinario yamá pa hungadónan di Curacao Super Stars, e hungadónan menshoná a partisipá na direktiva di Curacao Super Stars pa bai kampionato di Liga 60 + sin partisipashon di otro ekipo. E rumornan a kuminsá den luna di desèmber 2023 durante final di Liga 60 entre Jaws i Pitufos ku Curacao Super Stars lo djòin Baranka. Tur kos tabata kla pa ekiponan djòin, pero algu a bai robes den komunikashon i hungadónan a bisa bon i kla ku Curacao Super Stars mester bai nan so. No ta konosí ku Baranka lo solisitá pa drenta Liga 60 pa 2024, pero direktiva i hungadónan tin interes pa drenta liga.

Curacao Super Stars lo sigi riba nan mes den Liga 60 i lo no djòin ku Baranka.

MAS INFORMASHON DI SÒFTBÒL I BEISBÒL


Fanátikonan di Deporte Kòrsou, bondia i felis wikènt.  Weganan di Amstel Bright Premier Cup ta sigi awe djasabra na Van Engelen Ballpark. Djabièrnè tabatin 3 wega kandela. Den e promé partido G-Warriors a topa ku The New Radiator den Soshal Open i kai vensi ku skor di 11-6. Despues a sigi Fire Team kontra G-Warriors den COED Open pa 8.45. Den e último wega ku mester a start 10.15 Cicoza Legends den 40+ ku a zona un kampanaso kontra Bombers djadumingu último, lo topa ku Jaws. Cicoza tabata faborito grandi i fásil pa gana e wega ei. Jaws tin 0 ganá i 2 pèrdí. Ta sigi ku 14 wega djasabra i 13 djadumingu pa yega na e gran total di 30 wega e wikènt aki.

Nos Tambe Por kontra Los Amigos djasabra mainta 9.30.

‍
* * * * *
Miéntras tantu MLB a start ku Spring Training djaweps 22 di febrüari kaminda LA Dodgers a pasa fásil (18-1) riba San Diego Padres. Awe ta sigi ku bastante wega i nos fanátikonan ta ON naturalmente ku Major League Baseball, espeshalmente esnan ku ta gran fanátiko di ekiponan popular manera e New York Yankees, Los Angeles Dodgers, Atlanta Braves, Boston Red Sox, Sint Louis Cardinals, aki aya algun fanátiko di Houston Astros, òf ku a bira Houston den e dékada aki, ku despues kera bira otro ekipo bèk. En todo kaso hopi kos di papia riba MLB den e dianan benidero.

Trabou tin, yu di hungadónan tambe ta yuda. Tremendísimo.

‍
* * * * *
Djasabra tin kandela di hende grandi na Van Engelen Ballpark na momentu ku ekipo Nos Tambe Por, un tempu super kampion di Sòftbòl 60+, topa ku Los Amigos ku un tempu tambe tabata komandá Sòftbòl 60+. Djasabra pa 9.30 am e dos ekiponan aki lo topa otro i dimes super interesante debí ku 6 hungadó di Nos Tambe Por a sali pareu bai ku ekipo Los Amigos. Ke mèn, djasabra Renato Anasagasti, “Song Sofia, Dèndèn Casimiri i Shaki Coffie, Gibi Henrietta i Chol Schoop lo hunga kontra nan èks ekipo. Apesar ku ta tempran lo tin hopi fanátiko na Van Engelen Ballpark pa mira e wega. Mester bisa si ku siman pasá despues di wega tabatin algun di e èks hungadónan aki gewoon den Nos Tambe Por ku ta ekipo di Santa Maria.

Los Amigos ku por lo menos 6 hungadó ku a tabata miembro di  Nos Tambe Por den 2023.

‍
* * * * *
Definitivamente Cedric ‘Secho’ Curiel lo pasa pa Los Amigos bèk den 2024. Secho Curiel den su promé añanan di 60+ a hunga den ekipo Los Amigos. Aña pasá Secho tabata den ekipo Pitufos i awor e ta bèk den Los Amigos. Ekipo Los Amigos fundá pa Boy Evertsz tin komo general manager Maal Jonis ku ta move sin fin. Los Amigos lo ta na òktober 2024 na Boneiru pa partisipá den e Dutch Caribbean Master 60+, ku nan a organisá na Kórsou na 2023. Ekipo The Enemies enkabesá pa  sra. Lenny Abrahamsz lo organisá e kompetensia. Ekiponan Pitufos i Nos Tambe Por tambe lo kompetí den e evento.

Bonaire Stars i Lenny Abrahamsz pendiente ekiponan di Kòrsou den òktober

‍
    * * * * *
Ekipo Azucar a manda un rekordatorio pa ekiponan inskribí pa e torneo warm-up. Te ku djarason último ta solamente 2 ekipo a inskribí. Hopi hungadó di Beisbòl 40+ su kabes ta den Amstel Bright Premier Cup. Pa promé biaha tin kompetensia 40+ tambe den e torneo.  Nos a mira masha hopi estrea di Beisbòl 40+ den e kompetensia i hopi di nan tambe den 50+. By the way, direktiva nobo di 50+ Sòftbòl tin intenshon
di organisá un torneo 50+ den luna di mart/aprel. Debí na Torneo Hope no tin espasio na Van Engelen Ballpark pa Liga 50 start i ta pendiente pa start un torneo i pega e torneo na apertura di kampionato. Aña pasá Liga 50 a hunga kampionato pa promé biaha den Stadion Post 6.

Torneo Azucar ta start den luna di mart.

‍
* * * * *
Liga Streanan di Ayera lo start dia 17 di mart na Frank Curiel Ballpark. Despues di hopi aña e liga ta bèk na Frank Curiel Ballpark. Ultimo añanan e liga ta hunga solamente den 50+. E liga ta fundá pa Marlene Obispo i pa dos aña kaba Melisa Rosalina i su crew a tuma over.  E último dos kampionatonan a hunga solamente den Liga 50. Pa hopi aña e liga a hunga ku 35+ tambe, te esnan di mas edat. En todo kaso wikènt aki ta na Van Engelen Ballpark nos lo ta pa mira weganan di Amstel Bright Premier Cup i gosa di e tremendo ambiente. Te mayan ku Poder di Dios.

Liga Streanan di Ayera ta start 17 di mart na Frank Curiel Ballpark. tur goso ta kampion di e liga aña 2023.

‍