4 wega kandela djasabra 13 di sèptèmber riba e último fecha di e buelta regular di Liga 50
WILLEMSTAD- Awe, djasabra 13 di sèptèmber tin e ultimo weganan di e buelta regular di liga 50. Weganan di djasabra ta 10.00 Pitufos – Flamboyan/Gamers, 12.00 Baranka/Sharks – Lions, 14.00 Marlins – Ban Serio, 16.00 Catpower/Raiders – Jaws. Standing promé ku e último fecha di buelta regular ta, Jaws 11-1, Ban Serio 10-2, Catpower Raiders 8-4, Marlins 7-5, Baranka/Sharks 7-5, Pitufos 7-5, Lions 5-7, Flamboyan Gamers 4-8, Sluggers 2-11 i Artemisia 0-13. Weganan di djasabra awor ta 10.00 Pitufos – Flamboyan/Gamers, 12.00 Baranka/Sharks – Lions, 14.00 Marlins – Ban Serio, 16.00 Catpower/Raiders – Jaws. Nos tin resultado di weganan di djasabra siman pasá.
Jaws a gana Lions pèrtá 9 pa 6 i Catpower Raiders ta derotá Sluggers 7-5
WILLEMSTAD – Jaws a keda number 1 den Liga 50 djasabra último ganando ekipo Lions ku skor di 9-6. Jaws tabata ganá fásil 7-1, pero Lions a nota 6 kareda i yega hopi serka. Finalmente Jaws a nota 2 kareda den nan último chèns pa gana 9-6. Den otro wega Catpower Raiders mester a lucha formal pa gana Sluggers 7 pa 5. Sluggers tabata ganá 1-0 te den di 5 inning, pero Catpower/Raiders ta kontestá ku 3 kareda den di 5 inning i despues 4 den di 6 pa sigurá e viktoria. Catpower Raiders a mantené su mes na di 3 lugá. Den e otro weganan Pitufos a nòkout Artemisia 15-5 i Ban Serio a nòkout Flamboyan/Gamers 15-0.
Standing faltando solamente 1 wega mas pa terminá e buelta regular ta Jaws 11-1, Ban Serio 10-2, Catpower Raiders 8-4, Marlins 7-5, Baranka/Sharks 7-5, Pitufos 7-5, Lions 5-7, Flamboyan Gamers 4-8, Sluggers 2-11, Artemisia 0-13. Weganan di djasabra awor ta 10.00 Pitufos – Flamboyan/Gamers, 12.00 Baranka/Sharks – Lions, 14.00 Marlins – Ban Serio, 16.00 Catpower/Raiders - Jaws.
Jaws 9, Lions 6
Jaws a bati di 12 hit i hasi 1 eror. Fernando Rosario tabata e picher ganadó i Manuel Valdez a bati di 3-3. Lions a konektá 8 hit i kometé 2 eror. Geralton Martha tabata e picher pèrdèdó. Eugene de Palm a bati di 2-2. Eddie Thielman di 3-2.
Catpower/Raiders 7, Sluggers 5
Catpower Raiders a dal 10 hit i kometé 2 eror. Gregory Martiijn tabata e picher ganadó i Earl Virginia a bati di 3-2. Marvin Wijman di 2-2, Curtley ‘G-no’ Valeriaan di 1-1. Sluggers a konektá 10 hit i hasi 4 eror. Axel Gomez tabata e picher pèrdèdó. Raymond Lieuw a bati di 2-2. Aegidio Juliana i Hilbert Cicilia a bati di 3-2.
Pitufos 15, Artemisa 5
Pitufos a konektá 13 hit i a hasi 2 eror. Johan Cicilia a gana e wega. Sharlon Louisa a bati di 3-3. Omar Valies i Albertico Rafael a bati di 3-2. Artemisa a bati 7 hit i kometé 1 eror. Winston Wederfoort tabata e picher pèrdèdó. Aldrin Rosinda a bati di 3-2.
Ban Serio 15, Flamboyan 0
Ban Serio a bati 15 hit i hunga sin kometé eror. Michelangelo ‘Galbao’ Boekhoudt tabata e picher ganadó. Luigi Yanez i Reinaldo Casimiri a bati di 2-2. Rudsel Esclodina a bati di 1-1. Luigi Yanez a konektá un homerun. Flamboyan a bati 4 hit i hasi 2 eror. Eithel Brunken tabata e picher pèrdèdó. Vernon de Lanooi a bati di 1-1, Egbert Polonius tambe a bati di 1-1.
Teksto pa pòtrèt:
Jaws a gana e wega i keda number 1 den Liga 50.
Reinaldo Casimiri di 2-2 pa Ban Serio.
Mairon Martinus tabata di fiesta i a selebrá ku Catpower/Raiders despues di wega.
Lions ta na di 7 lugá i den klasifikashon pa wild card.
Flamboyan/Gamers ta den zona di peliger i na rant di keda for di play-off.
Marlins tabatin barwacht i ta pendiente di wega kandela kontra Ban Serio djasabra awor.
MAS INFORMASHON DI SÒFTBÒ I BEISBÒL
Fanátikonan di Deporte Kòrsou bon dia i felis wikent. Awe nos tin detayenan di loke a pasa den fin di siman pasá den Sòftbòl i Beisbòl. Djasabra (awe) tin e último weganan pa loke ta trata buelta regular di Liga 50 na Van Engelen Ballpark. Lions i Flamboyan Gamers lo bai lucha formal pa e di 7 lugá riba e standing. Manera nos a informá na vários okashon 7 di 10 ekipo lo klasifiká. Ekiponan 1, 2 i 3 lo klasifiká dirèkt pa semi-final i ekiponan 4, 5, 6 i 7 lo hunga wild card den e wikènt di 20 i 21 di sèptèmber. Lions a gana Flamboyan Gamers ku skor di 7-6 den promé buelta i Lions mester hunga kontra Baranka Sharks djasabra awor. Flamboyan lo topa ku Pitufos i si Flamboyan gana nan lo empatá ku Lions, pero Lions a gana Flamboyan den promé buelta. Ke mèn tin indikashon ku Lions a klasifiká kaba i e 7 ekiponan ya ta konosí.
* * * * *
Djasabra Santa Rosa Memories a dal Quality Stars ku skor di 7-1 tras di tremendo picheo di Roderick Eustatius. Otro wega ku mester a bira kandela djasabra tabata entre Veterano Otrabanda i Yesterday. Yesterday a dal Otrabanda duru ku skor di 12-2. Djadumingu Azucar a logra nan promé viktoria di kampionato ganando Broncos ku skor di 13-11. E rumannan Archie i Verney Jansen a picha den e wega i Archie Jansen a resultá e picher pèrdèdó. Den e promé wega di Beisbòl Liga 50 djadumingu Wak E Kos a gana di Jandoret Raiders ku skor di 5-4. Jandoret tabata ganá 4-1 te den último inning. Santa Rosa Royals a gana di Otrabanda Veterano 18-0. Standing den Beisbòl Veterano Liga 50 ta: Wak e Kos 4-0, Santa Rosa Royals 4-1, Jandoret 2-3, Volcano 0-2, Otrabanda 0-4. Buelta regular di Beisbòl Veterano 50+ ta terminá djadumingu 12 di òktober pa despues start ku play-off.
* * * * *
Liga di Nos Tur ta sigi djabièrnè i djasabra den Frank Curiel Ballpark. Ekipo Sin Stres ku a pèrdè nan promé wega di kampionato a gana Join Me djabièrnè 13-2 i gana Un Kara 11-5 djasabra. Sin Stres ta e aktual kampion i Un Kara a kue vários título sigí un tempu. Weganan ta sigi tur djabièrnè i djasabra na Frank Curiel Ballpark i tin weganan di Soshal Maskulino. Djabièrnè 12 di sèptèmber Sin Stres a nokout Join Me 15-2. Djasabra 6 di sèptèmber nos tabata den stadion Post 6 pa mira e gran finalnan di Torneo Chonchies di e kategoria Soshal. Nos a wak e gran final entre The New Radiator i The Fire den e kategoria COED. Ekipo The Fire a gana den un wega pèrtá ku skor di 12-9 kaminda e out final a kai na home plate. Tabata un wega kargá ku emoshon i dado momentu emoshonnan a subi hopi haltu ku mester a wanta e wega un ratu pa baha e emoshonnan. Den e final di Maskulino Brandweer a gana SVB skor di 6-2. Carol Servania a tira wega kompletu pa Brandweer bira kampion. Un públiko grandi tabata presente na e gran finalnan. No tabatin kaminda pa pone hende i outo djasabra último den Stadion Post. Chonchis por mira tras riba un eksitoso torneo. Segun nos Omni tabata organisá torneo aki ántes den mesun Stadion Post 6.
* * * * *
Djamars, 9 di sèptèmber nos selekshon di futbòl a gana di Bermuda ku skor di 3-2 den Stadion Ergilio Hato. Pueblo di Kòrsou a bai apoyá nos selekshon i yena e stadion pa nos por a gana Bermuda (pèrtá) i gana e 3 puntonan pa despues sigi pa ekipo Jamaica. Fanátiko. Djabièrnè 5 di sèptèmber nos a empatá ku skor di 0-0 kontra di Trinidad. E wega a tumá lugá den Hasely Crawford Stadium na Port of Spain, Trinidad & Tobago. Dia 10 di òktober ku ta kai riba un djabièrnè, nos lo enfrentá Jamaica na kas den e kueba di Ergilio Hato. Un tiki futbòl tambe na final di e kolumna aki i dimes mester di sostén di pueblo pa logra nos soño. Nos ta keda te aki pa awe i te mayan ku Poder di Dios.
