Lions ta gana Jaws ku skor di 5-4 klasifiká number 4 den Liga 60 playoff ta start djadumingu 1 di novèmber
WILLEMSTAD — Lions a gana Jaws ku skor di 5-4 i klasifiká númber 4 den Liga 60 djadumingu último na Frank Curiel Ballpark. Ku e viktoria aki, despues di reunion di djarason, ekiponan ku a klasifiká ta Pitufos númber 1, Los Amigos númber 2, Nos Tambe Por númber 3 i Lions númber 4. Playoff ta start djadumingu awor na Frank Curiel Ballpark entre e ekiponan menshoná.
Pitufos 60+ 13, Curacao Super Stars 60+ 1 Pitufos 60+ a bati un total di 15 hit i a kometé 4 eror, miéntras ku Curacao Super Stars 60+ a bati 3 hit i a kometé 2 eror. Pa Pitufos 60+, Amarildo Coffie a bati di 3-3 ku un doblete i un tripel, Orsendo Clemencia a bati di 3-2 ku un doblete i 3 kareda empuhá, i Luis Coffie ku Sidney Lourens a bati di 2-2 kada un. Pa Curacao Super Stars 60+, Jersey Isenia, Ellis Brunken i George Scharbaai a bati 1 hit kada un. E picher ganadó tabata Juan Cecilia di Pitufos 60+ kende a picha 5 inning kompletu permitiendo 3 hit i 1 kareda (0 limpi). E picher pèrdèdó tabata Fridolino Pietersz kende a picha 4 inning permitiendo 12 hit i 9 kareda.
Lions 60+ 5, Jaws 60+ 3 Lions 60+ a bati un total di 8 hit i a kometé 1 eror, miéntras ku Jaws 60+ a bati 9 hit i a kometé 1 eror. Pa Lions 60+, Ludwig Mathilda a bati di 3-2 ku un doblete, i Richenel Mauricia a bati di 3-1 ku 2 kareda empuhá. Pa Jaws 60+, Rudsel Poulina a bati di 2-2, i Fritszgerald Pieter a bati di 3-2. E picher ganadó tabata Gregory Martijn di Lions 60+ kende a picha 7 inning kompletu permitiendo 9 hit i 3 kareda (0 limpi). E picher pèrdèdó tabata Hubert Perozo kende a picha 7 inning permitiendo 8 hit i 4 kareda.
Los Amigos 60+ 6, Baranka 60+ 2 Los Amigos 60+ a bati 8 hit i a kometé 1 eror, miéntras Baranka 60+ a bati un total di 4 hit i a kometé 3 eror. Pa Los Amigos 60+, Rignald Floranus a bati di 3-2 ku un doblete, Roderick Postiena a bati di 3-2, i Renato Anastagasti a bati di 3-2 ku un doblete. E picher ganadó tabata Gilbert Henrietta di Los Amigos 60+ kende a picha 7 inning kompletu permitiendo 4 hit i 2 kareda. Pa Baranka 60+, Gilbert Keller a bati di 3-1 ku un homerun i 1 kareda empuhá. E picher pèrdèdó tabata Ashwin Macaay kende a picha 6 inning permitiendo 8 hit i 6 kareda (1 limpi).
MAS INFORMASHON DI S0FTBÒL I BEISBÒL
Lesadonan diDeporte Kòrsou felis wikent. Den Beisbòl Veterano, djasabra ta sigui ku eenkuentro entre Volcano i Broncos. Liga60 tambe lo start ku nan playoff djadumingu 1 di novèmber. Bèk pa Beisbòl Veterano. E seri entre Santa Maria Pirates i QualityStars lo ta kandela puro. Aya banda, Santa Rosa Memories ku a terminá na promé lugái ta kandidato fuerte pa yega final, rekordando ku nan tabata kampion na 2009den nan promé aña drentando e Beisbòl Veterano. Ekiponan manera Yesterday i TheBears no tei mas den e kategoria aki.
* * * * *
Moveshonnan pisá tatuma lugá den seno di Little League Sòftbòl pa drecha e tereno di Muizenberg,pa asina e weganan por tuma lugá riba e parke bou di un direktiva nobo enkabesápa Rudy Isidora Jr. Manera ta konosí, e temporada di Little League Sòftbòl lostart despues di karnaval 2027, miéntras ku Little League Beisbòl ta start ewikènt benidero pendiente pa un apertura ofishal, miéntras tantu tin hopi moveshonna Heintje Kool Ballpark ku ta den man di Yurendell de Caster i su crew.
* * * * *
E mesun Yurendell deCaster ta moviendo den gran forma den Beisbòl Veterano ku Santa Maria, kompañápa Evenon ‘Nene’ Martis, kende tabataestrea picher den e organisashon di Santa Maria i un picher di klase den DòbelA. Ku Evenon Martis den forma, por spera un duelo hopi pisá entre Santa MariaPirates i Quality Stars, ku un roster fuerte ku ta inkluí nòmbernan maneraRodney Riley, Myron Wijman, Eldred Estanista, Bertrand Peters, Ardley Jansen,Myson Cathalina, Jason Naldijk, Ryan Ogenia, Rodreck Zimmerman, Ryan Samuel, LuigiAlvarez, Ericson Senior, Evenon Martis, Jermain Esprit i Yurendell de Caster.
* * * * *
Quality Stars ta unsuper kampion i maske nan no tabata tin e temporada manera di kustumber, nan takeda e ekipo pa bati (team to beat) rumbo pa nan di 5 título sigui, pendientepa mira si nan ta alkansá e rèkòrt ku Jandoret Raiders a pone di 2014 pa 2018ganando sinku temporada sigui. Fanátikonan mester kuminsá yega Vi JansenBallpark pa hasi e kos mas interesante i práktikamente tur wikènt Sport.cw takla pa transmiti e weganan bibu i direkto.
* * * * *
Pa terminá, ekipo Nosku Nos di Boneiru ta pendiente pa un torneo den 2027 rònt di Dia di Rincon,kaminda e aña aki tabata e ekipo di Jandoret Raiders i e ekipo di Edison Samboa partisipá, kende a bira kampion. Pa 2027 tin kopa ABC&S 50+ ku lo tumalugá di 6 pa 9 di mei, unda ekiponan manera Ban Serio, Marlins i JandoretRaiders lo partisipá, pendiente pa e ekipo Sluggers ku a partisipá na e torneona Kòrsou na 2026. Nos takeda te aki pa awe i te djaluna ku Poder di Dios!
