7 baluarte di Beisbol Veterano pa 2021
WILLEMSTAD - Resientemente tabatin apertura ofishal di kampionato di Beisbol Veterano. A dedika e kampionato aki na 7 hungado 60+ ku ainda ta kompeti den 40+. Ta trata aki di Royston Privania di Azucar, Wendell van het Kruys di The Brothers, Fitzgerald Pieter (Jandoret), Renato Anasagasti di Jandoret, Erwin Curial (Yesterday) Norwin Moesquit di Bulldogs, Danchelo Moesker (Quality Star). Awe nos tin CV (hopi kòrtiku) di 4 di e baluartenan.
RENATO ANASAGASTI (EKIPO JANDORET)
Renato Anasagasti a nase 18 di sèptèmber 1960. Di 8 pa 9 aña Nato a hunga den e ekipo Sheltox na Suffisant. Na aña 1973 Nato a bai biba na Jandoret i a pasa pa Hubenil di Santa Maria, debí ku no tabatin Senior League. Na 1975 a start ku Senior League i ela hunga den Zwitsal di Jandoret i despues Hubenil Nexaf di Jandoret, pa despues subi na 1978 ku Santa Maria. Nato a hunga te ku 1979 den Santa Maria, na 1980 Blue Hawks i despues 1981 Royal Scorpions. Di 1985 Nato a bai Wild Cats te ku 2010. Nato a hunga un aña so den Bulldogs na 2011 pa despues pasa pa Jandoret Raiders. Nato a hunga 4 pa 5 kampionato Mundial i 4 pa 5 Centro Americano/Panamericano. Hopi torneo pa klasifiká pa Mundial, Centro Americano i Panamericano. Nato a bira kampion ku Royal Scorpions 1 biaha i 8 biaha sigi ku Wild Cats i 5 biaha sigi ku Jandoret Raiders den Beisbòl Veterano.
NORWIN MOESQUIT (EKIPO BULLDOGS)
Norwin Lucio Moesquit, 60 aña, nasé 4 di mart 1961. Sor a kuminsá den Sta.Maria serka Frank Curiel ku ta e Beisbòl organisa. Promé ku hunga Beisbòl serka Frank e tabata hunga Beisbòl den kura di Akron bou di grandi De La Paz (R.I.P). Sor a kuminsá hunga den Viajes Albertis LL ku 11 aña, despues Senior Malta Amstel, Hubenil ku Winston. Na 1980 Sor Moesquit a subi AA (18 aña) ku Sta.Maria i a hunga te aña 1999 ku Sta.Maria. Na 2000 Moesquit a bai Wild Cats i hunga ku nan te 2002. 2003 Sor a bai Sta.Maria bèk i retirá.
Sor a bishitá paisnan Venezuela - Aruba - Puerto Rico - Cuba - Hulanda - Merka - Italia – Sint Maarten. Sor ta kòrda ku ta Frensel Elias a tresé den Beisbòl Veterano huntu ku Fichi Flemming i rumannan Piña den ekipo Viejas Glorias. E tempu ei Sor tabata hunga Beisbòl Dòbel A i Beisbòl Veterano pareu. Timnan ku Sor a hunga den Beisbòl Veterano ta Viejas Gloria, The Bears (ku 4 título ku The Bears i Bulldogs. Sor ta e úniko tékniko ku tin 2 kampionato Mundial komo coach. Na 2002 ku selekshon Senior i 2008 ku selekshon Junior.
DANCHELO MOESKER (QUALITY STARS)
Danchelo Moesker, hungadó di ekipo Quality Stars, sèptèmber ta hasi 60 aña.
Danchelo a kuminsá hunga Beisbòl ku 14 aña den Klase A ku Eagle Liverpool. Na 1984 Danchelo a bai Hulanda. Na edat di 25 te ku 32 Danchelo a hunga Hoofdklasse Softball ku TIW Survivors, despues ela bai Thamen Uithoorn.
Na 2003, na edat di 42 aña Danchelo a regresá Kòrsou i a kuminsá Beisbòl ku Veteranos Eagle i despues Vosama i aña pasá ku Quality i bira kampion. Na 2004 te 2006, Danchelo tabata coach Little League Salinja. Ku 50 aña Danchelo a djòin Liga 50 Sòftbòl ku Lions i aña pasá pa Liga 60 ku Lions.
FITZGERALD ‘LALI’ PITER (JANDORET)
Lali Piter lo kumpi 60 aña den luna di ougùstùs. Lali a kuminsá hunga Beisbòl ku14 aña den Cherokezen Stars, tim di Kwartier. Ku 19 aña Fitzgerald Pieter a subi ku Kwartier den Dòbel A. Esey tabata na aña ‘80. Na aña 1981 Lali a bai Royal Scorpions, despues Lali Piter a bai Hulanda. Na Hulanda Lali a hunga den Zeeuwse Honk ku ta un tim di Terneuzen ku tabata hunga den Kampionato di Bèlgika. Esei ta na aña ‘82. Despues ela hunga pa Green Sox ku ta un tim di Middelburg durante kampionato di Hulanda.
Aña 1995 Lali a bin Kòrsou bèk i aki nan ela kuminsá hunga Veterano den Punda na aña ‘96. Despues Lali Piter a bai hunga pa Desu. Einan nan a bira kampion 4 biaha. Di einan ela pasa pa hunga pa Yesterday te ku aña 2019. For di 2020 Lali ta militando den Jandoret Raiders.
