Apertura ofishal Liga 50 djasabra 12’or na Van Engelen Ballpark
WILLEMSTAD- Djasabra, 10 di mei 2025 tin apertura di kampionato 2025 di Sòftbòl Liga 50 na Van Engelen Ballpark. E apertura ofishal ta 11.45 am ku ta nèt promé ku e di dos wega di djasabra awor. E kampionato ta dediká na tur e èks presidentenan di Liga 50 ku a kumpli 25 aña e temporada aki. Den e programa ofishal lo introdusí e èks presidentenan, lo hiba palabra presidente di Liga 50 sr. Gilbert Keller i tambe e fundadó di Liga 50 ku ta sr. Rudy Brunken. Awe nos tin resultadonan di Liga 50 pa loke ta e promé djasabra.
Jaws 13, Sluggers 9 Jaws a bati 12 hit i hasi 3 eror. Edison Sambo a bai henter e ruta i bira e picher ganadó. Bienvenido Martinez i Manuel Valdez – Recondie a bati di 2-2. Lesley Fer a bati di 1-1. Sluggers a dal 13 hit i hunga sin error. Efraim ‘Junny’ Marselia tabata e picher pèrdèdó. Giovanni Martina a bati di 3-3. Eldert Bakker i Raimy Pastor di 1-1.
Marlins 10, Pitufos 6 Marlins a bati 12 hit i hasi 1 eror. Picher ganadó tabata Luis Alcantara i Richenel Candelaria a bati di 3-3. Richel Angela a bati di 2-2. Alcantara di 2-2. Pitufos a dal 6 hit i kometé 1 eror. Sharlon Hanst tabata e picher pèrdèdó. Robertson ‘Tom’ Josefa a bati di 2-2.
Catpower/Raiders 20, Lions 1 Catpower a bati 19 hit i hunga sin kometé eror. Gilbert Henrietta tabata e picher ganadó. Randolph ‘Johnny’ Balentina a bati di 3-3. Fayselic Nocento tambe a bati di 3-3. Lions a bati 6 hit i hasi 5 eror. Heinrich Wever tabata e picher pèrdèdó. Eran Neuman a bati di 2-2.
Flamboyan 11, Artemisia 10 Flamboyan a konektá 13 hit i a hunga sin kometé eror. Rudney Garmers tabata e ganadó den relevo. Gilbert Juliet i Rudney Garmers a bati di 3-2. Artemisia a bati 13 hit i hasi 1 eror. Fardy Lard a resultá e picher pèrdèdó. Raymond Bakboord a bati di 3-3.
Ekipo Dimi lo selebrá 40 aña di eksistensia na Hulanda den 2026
WILLEMSTAD- Ekipo Dimi, ekipo fundá pa Johnny Isabella ku amigunan, ta selebrá 40 aña di eksistensia den 2026. E selebrashon lo tuma lugá na Hulanda kaminda ekipo Dimi lo djòin ku algun integrante di DIMI ku ta residensiá na Hulanda.
Durante e aña aki lo bai tin vários aktividat pa rekoudá fondo pa kulminá otro aña yüli 2026 ku algun enkuentro di Sòftbòl. Ekipo Dimi a haña un invitashon pa un torneo na Spaña tambe den yüli 2026. Dimi a risibí invitashon di e ekipo Spaño aki. Keda pendiente pa mas informashon den transkurso di lunanan ku ta bini.
Teksto pa pòtrèt:
Algun èks hungadó di Dimi durante reunión pendiente selebrashon di 40 aña di e ekipo na 2026.
Play-off Beisbòl Veterano ta start djasabra 10 di mei
WILLEMSTAD- Play-off semi-final di Beisbòl Veterano ta start djasabra 10 di mei ku dos wega di 40+ entre e promé kuater ekiponan ku a klasifiká den play-off 2024. Ta trata aki di Quality Stars, Santa María Pirates, Isla Crackers i Yesterday. Weganan ta sigi djadumingu i e siguiente wikènt lo tin weganan di semi-final si ta nesesario. Den kaso ku serinan swip lo start play-off final djasabra 17 di mei. Tur wega ta tuma lugá na Vi Jansen Ballpark. Weganan ta lo sigiente: Djasabra 10 di mei, e promé wega entre Santa Maria Pirates (2) i Isla Crackers (3) pa 11’or am i despues pa 2’or pm Quality Stars (1) lo topa ku Yesterday (4). Djadumingu 11 di mei Quality Stars vs Yesterday lo ta e promé wega esta 11’or i den e di dos wega Santa Maria Pirates lo topa ku Isla Crackers.
Fanátikonan di DeporteKòrsou, bondia. Fanátikonan diReal Madrid a selebrá e derota di Barcelona kontra di Inter Milan den semi-finaldi Champions League. Dia Arsenal a eliminá Real Madrid algun siman pasá tabatameskos, ke mèn tur hende keda trankil i sigi deporte ku ta trese hende huntu.Naturalmente ora ta trata kaso di Real Madrid i Barcelona e fanátikonan tahuntu, pero ku un rivalidat formal. Djadumingu awor ta kandela tin na momentuku e dos grandinan ei topa ku otro atrobe den e klasiko di La Liga. Un viktoriapa Barcelona ta nifiká ku nan ta práktimente kampion di La Liga, miéntras underota pa Barcelona ta nifiká ku kos ta pèrta formal pa loke ta trata e rektafinal di La Liga 2024/2025. Barcelonatin 79 punto den 34 wega i Real Madrid tin 75 punto den mesun kantidat di wega.E otronan manera Atletico Madrid iAtletico Bilbao ku ta respektivamente di 3 i di 4 lugá no ta konta. Nan tin 67 i61 punto.
* * * * *
Ekipo Dimi di JohnnyIsabella lo selebrá 40 aña di eksistensia den 2026. Selebrashon grandi ku lotuma lugá na Hulanda i invitashon a bini for di Spanja pa e ekipo por move baiaya komo parti di e selebrashon. Un ekipo un tempu tremendo ku tabatapartisipá na torneonan di Slowpitch i hunga den kampionato Fastpitch. Segun nosnunka e ekipo menshoná a hunga den Dòbel A. Un ekipo kargá ku super estreya iJohnny Isabella komo fundadó i general manager tabata tira Slowpitch kontraekiponan di Fastpitch durante kampionato di Fastpitch Klase A i tabata gana eweganan tambe.
* * * * *
Liga 50 di Sòftbòl lotin su apertura ofishal djasabra awor 11.45’or ku ta nèt promé ku e di dos wegadi e fecha menshoná. E kampionato ta dediká na tur e èks presidentenan diLiga 50, Liga Veterano ku a kumpli 25 aña e temporada aki. Segun nos ta unkampionato so no a terminá, ku ta e kampionato di 2020. Tabatin algun wega si,pero e kampionato mester a keda suspendé pa motibu di COVID-19. En todo kasodespues Baranka a gana na 2021, 2022 i 2024. Ekipo Ban Serio a gana na 2023.Liga 50 ta un organisashon hopi stabil mes durante añanan. E aña aki Catpower areforsá ku hungadónan di Jandoret despues ku Catpower mes a pidi pa JandoretRaiders tuma over den un joint venture.
* * * * *
Saludo pa nos amigo Dwight Alexander aya na Aruba. Dwight a bai Aruba bèk i drenta ekipo Marlboro (Bulldogs)mesora den 40+ ku ta e Classico di Beisbòl di Aruba. Hopi interes aya pa Dwightku ta un tremendo outfielder ku ta bati e bala bon semper. Den 40+ Sòftbòl i50+ Sòftbòl tin hopi interes pa Dwight. Nos a risibí un app di Dwight kaminda ekipo Criollo Reds ta anunsiá nan torneo Dia di Himno i Bandera di Aruba di 2026. Den e flyer ta manda invitáekiponan di Kòrsou, Boneiru i Sint Maarten. Naturalmente ekiponan di Hulanda ku último tempu a bira ta move bin Kòrsou, Aruba i Boneiru tambe ta bon-biní. E torneo ta di 14 pa 18 di mart 2026.
* * * * *
Un tempu Aruba Juniorstabata organisá Torneo Kopa Himno i Bandera i tur aña ekipo Curacao Super Starsenkabesá pa Rudy Brunken tabata partisipá i ekiponan di Aruba tambe tabata biniKòrsou riba Dia di Bandera ku ta 2 di yüli. E torneo tabata konta ku partisipashondi ekiponan 50+ i 60 di Kòrsou i Aruba i despues Boneiru tambe a djòin. Jawstambe na algun okashon a partisipá na e torneo Kopa Himno i Bandera organisá paAruba Juniors e tempu ei.
* * * * *
Ban pa Little League. Direktivadi Liga Pabou ta yama tur hungadó i coach pa un sakrifisio di misa djasabra 10di mei na misa di Suffisant. E misa ta 6’or i tur hungadó mester tei 5.45’or kuunifòrm di su ekipo ku jeans i keds. Ta pidi pa no bini ku jeans kibrá i nomester bisti pèchi. Selekshonnan ta a la karga preparando pa kampionatonan di Karibe i Latino. Senior i Little lo tuma lugá na Kòrsou. Hungando na Kòrsou nos chèns ta grandi pa yega Williamsport atrobe. Den e tempu moderno aki di Karibe nos a bai Williamsport despues di un kampionato na Kòrsou na 2009 i 2019. Nos ta keda te aki pa awe i te mayan ku Pode rdi Dios.
