Aroldis Garcia ta dal homerun pa Texas Rangers laga Arizona den tereno den wega number 1 di Word Series
ARLINGTON – Adolis Garcia a dal homerun ku base bashi den di 11 inning pa Texas Rangers laga Arizona Diamondbacks den tereno den promé wega di World Series 2023. Den di 9 inning ku un koredó na base, pèrdí 5-3 Corey Seager ta dal homerun pa empatá e wega. E wega a tuma lugá djabièrnè 27 di òktober 2023.
Pa ocho inning emoshonante, wega number di World Series 2023 na Globe Life Park tabata un introdukshon di World Series entre e dos ekiponan .
Ta solamente e di dos biaha den historia di World Series ku un ekipo a permití un home run den e di nobeno inning pa empatá e wega i despues un otro home run pa pèrdè e wega den inningnan ekstra. Algu ku fanaáikonan di Diamond Backs lo kòrda kaminda den wega 4 di World Series 2001, ora ku Byung-Hyun Kim a permití un home run pa Derek Jeter di Yankees pa gana e wega. Pero ta importante pa rekordá ku e D-backs a soportá e derota ei i un otro derota den di 5 wega stail di walkoff atrobe pa bini bèk i gana e seri ei den siete wega.
Paul Sewald, kende tabata perfekto den e promé seis oportunidatnan di save durante e postemporada, a permití un home run ku a empatá e wega riba homerun di dos kareda na Corey Seager den e último inning. García a terminá e wega ku un solo homerun kontra Miguel Castro den di 11 inning.
"Ta frustante," Lovullo, manager di Arizona a bisa. "Asina e wega ta tin biaha. I nos mester haña un manera di ta resistente, ahustá i sali ku un mente kla i hasi nos best.”
Pero no spera di mira kambio grandi den wega ku lo sigi, ke men e manera ku Diamond Backs a wanta Raners. Finalmente, Arizona durante gran parti di e anochi a parse hopi manera e tim ku a sorprendé e Phillies ganando ku kuater wega di e 7nan pa gana e pennant di Liga Nashonal.
D-backs a roba kuater base. Nan tabatin toke di sakrifisio.
Di parti di Rangers Corey Seager tabata klave, ku su home run di dos kareda kontra D-backs su closer Paul Sewald. Corey Seager a gana e World Series MVP Award di 2020 ku Dodgers kontra Rays durante e temporada di COVID-19 i kaminda Seager a bati 10 home run den e postemporada.
Wega number 2, ta start awenochi 8.03 i lo ta un transmishon bibu di Telecuracao.
NUMERITONAN
Texas Rangers a nota 6 kareda, dal 9 hit i hunga sin eror. Jose Lecrec ku a tira dos ining kompletu den relevo tabata e picher ganadó. Adolis Garcia a bati di 4-3 ku homerun i 2 RBI. Seager tambe a bati homerun.
Arizona Diamond Backs a nota 5 kareda, bati 9 hit i hunga sin eror. Miguel Castro tabata e picher pèrdèdó. Tommy Pham a dal un homerun. Alek Thomas a bati di 5-2.
%20copy.jpg)
