Atack preparando un ‘Dream Team’ pa hunga Torneo di Reino
AMSTERDAM – Ekipo Attack, ekipo di Beisbòl di Yunan di Kòrsou na Hulanda, ta preparando un Dream Team pa hunga e Torneo di Reino na Aruba. Ta di 3 biaha ku e torneo lo tuma lugá na Aruba. Attack lo tin hungadónan manera Quincy Ascencion, Brian Engelhardt, Lejeune Francisca, Raily Legito, Jurgen Kronstadt, Kamala Meriaan, Carlito Thode, Giovanni Isebia, Urny Leito, Pietje Martina, Jurgen Paesch i otronan.
Santa Rosa Memories tabata kampion di e último Torneo di Reino ku a tuma lugá na 2021 den Tio Daou Ballpark na Kòrsou. Santa Rosa a forma un dream team ku hungadónan di Quality Stars i Santa Maria pa gana Legends di Hulanda den final pa bira kampion. Na 2019 Spuiters a gana Bulldogs den final i bira kampion Torneo di Reino 2019. Basta bon públiko pa mira e gran final na Joe Laveist Ballpark na e okashon ei. Den e semi-final e ekipo Bulldogs a gana Old Timers i Spuiters a dal Leftovers. Na 2018 na Kòrsou Jandoret Raiders a bira kampion ganando Legends di Hulanda. 2017 Santa Maria Pirates a bira kampion na Aruba ganando di Jandoret Raiders den final.
SOAB ta gana di Lab de Med 9 pa 8 den Torneo Survivors
WILLEMSTAD – SOAB mester a lucha formal pa gana di ekipo Lab de Med den wega di COED Torneo Survivors. E wega a tuma lugá e promé wikent di Torneo Survivors na Buena Vista Ballpark. Tabatin hopi wega den wikènt tantu na Buena Vista Ballpark komo Stadion Post 6 den e promé wikènt. Mayoría di wega a tuma lugá na Buena Vista Ballpark den e promé wikènt di Torneo Survivors. Den otro weganan Nos Tambe Por a gana di Mon Repos Sluggers 8 pa 2. Jaws a gana di Los Amigos fásil ku skor di 10 pa 1. Bon públiko pa mira e weganan tantu na Buena Vista Ballpak komo Stadion Post 6. Den e wega di 50+ ekipo Baranka a gana di Mon Repos Sluggers ku skor di 13-7. Den kategoría Soshal Maskulino, VKC a gana di Renaissance 12-8. SBAB a laga Brandweer den tereno. APC/IT/Dotcom a derotá Keyfin 13-3. Nos ta pendiente pa resultado di wikènt number 2 kaminda hopi wega a para pa awaseru.
T
RESULTADONAN
SBAB 4, Brandweer 3 (Soshal Maskulino)
SBAB tabatin 6 hit ku 5 eror. Jeremy Lucas tabata picher ganadó i Christipher Daantje a bai di 2-1. Rushenten Tomsjansen a bai di 3-2. Jedion Cras, Randall Rog i Hemsly Janga, tur a bai di 3-1. Jedion Cras a konektá 1 homerun. Brandweer a dal 7 hit i hunga sin eror. Carol Servania a resultá e pèrdèdó. Ludson Robert, Zjudienne Laken, Rilayson Roberto, Edsly Statius i Remickson Bernadina, tur a bai di 3-1. Wensley Gertruida a bai di 4-2.
SBAB 4, VKC 0 (Soshal Maskulino)
SBAB a dal 9 hit i nan a hunga sin eror. Jeremy Lucas a gana. Julius Veeris ku Rhiency Emperator, ámbos a bai di 3-2. Jeremy Lucas a bai di 2-1. Rhiency Emperator a konektá 1 homerun. Pa VKC 3 hit ku 2 eror. Marlisson Candelaria a pèrdè i Daniel Erselina di 2-1. Jordan Anthony ku Kevin Mambre, ámbos di 3-1.
Jaws 10, Los Amigos 1 (60+)
Jaws a dal 11 hit i nan a kometé 2 eror. Riley Toppenberg a gana i Johannes Curie a bai di 1-1. Raimy Pastor i Andrewi Does, ámbos a bai di 2-1. Desmond Brathwaith a bai di 2-2 i Marlon Romer a bai di 3-2.
Los Amigos tabatin 10 hit ku 6 eror. Norman Provence a pèrdè. Ingemar Jonis, Ulthsel Victoria, Howard Rojer i Arturo Franka, tur a bai di 1-1. Candido Adamus ku Elson Louisa, ámbos di 2-1. Marlon Winklaar ku Cedric Curiel a bai di 3-2 ámbos.
SOAB 9, Lab de Med 8 (COED)
SOAB tabatin 11 hit ku 6 eror. Robert Wanga a bai ku e viktoria. Jersino Fluonia a bai di 3-3. Gabriel Hernandez, Robert Wanga ku Rodney Conception, tur di 3-2. Lab de Med a dal 12 hit i nan a hasi 8 eror. Eldric Duggan a karga ku e derota. Ian van der Roest a bai di 3-3. Urny Floran, Eldric Duggan ku Richard Candelaria, tur a bati di 3-2. Aldair Adamus a bai di 2-1. Urny Floran ku Aldair Adamus, ámbos a konektá 1 homerun.
INFOMRASHON DI SÒFTBÒL I BEISBÒL
Fanátikonan di Deporte Kòrsou, bon dia i felis siman. Nos a risibí informashon ku e aña aki Torneo di Reino di Beisbòl Veterano lo sigi na Aruba mas o ménos den òktober/novèmber. Ekiponan di Kòrsou, Aruba i Hulanda lo kompetí den e torneo ku ta un tremendo enkuentro pa veteranonan topa i mustra kiko nan tin adén. Ekipo Attack di Hulanda a keda di bini ku un dream team pa kompetí den e torneo. Den e artíkulo nos tin nòmbernan heavy manera Quincy Ascencion, Brian Engelhardt, ets. Ekipo Attack lo bini pa bai ku e título ku nunka Hulanda a logra gana den e kompetensia. Ekiponan ku a bira kampion di e torneo menshoná ta Santa Maria, Jandoret, Spuiters i na 2021 ekipo Santa Rosa. Keda pendiente pa mas informashon.
* * * * *
Torneo Survivors a start djasabra dos siman pasá na Buena Vista Ballpark ku varios wega. Ekipo Baranka a sali demonstrá ku nan tei komo kampion di 50 + pa hopi tempu. Nan a bati vários homerun riba Buena Vista Ballpark pa gana di e ekipo Sluggers. Solamente 4 ekipo ta kompetí den Liga 50 e biaha aki. Baranka, Sluggers, Jaws i e streanan di 50+ ku tin un tim formá i bou di direkshon di Sendley Reina/Roy Jakoba. Jaws ta pendiente pa un tremendo ekipo pa 2023 atrobe. Na 2022 nan tabata fuertísimo i a logra bira supkampion di Liga 50. Nan tabatin vários estrea na liña i e ekipo super kampion un tempu Ban Serio a baha pisá den awa di Jaws. Mester bisa tòg ku no ta den awa di Jaws debí ku e hungadónan aki no a hunga ku Jaws ainda.
* * * * *
Bayendo bèk pa Beisbòl Veterano di Hulanda, fásilmente por forma 4 ekipo i hunga un kampionato. Basta hungadó riba 40 aña ta hungando den e klasenan mas abou ku ‘Hoofdklasse’ ku lo tin gana di keda hunga Beisbòl huntu i kontra hungadónan di mes edat ku nan. Dos ekipo tin di Beisbòl 40+ na Hulanda ku ta Attack i ekipo Legends. Pa loke ta trata Sòftbòl, tin masha hopi ekipo mes na Hulanda. No tin kampionatonan òf mihó bias liganan manera Kòrsou. Hopi biaha ta torneo nan ta hunga. E dos ekiponan ta trata di yega mas serka di otro pa wak si mas ekipo por djòin pa lanta un liga òf hunga torneo.
* * * * *
Parse ku ekipo Artemisia no tabata ke partisipá na kampionato 50+ di Sòftbòl pa 2023. Nòmber di un ekipo a keda menshoná pa drenta, pero despues ekipo Artemisia mes a manda bisa direktiva di Liga 50 ku nan lo keda sigur pa un aña mas den Liga 50. Pa 2023 e liga lo bira interesante debí ku e grupo nasé 1973 lo drenta e liga. Ta trata di hungadónan ku a hunga riba nivel haltu simpel, entre otro Jair Josepha, Eldred Estanista i Kelvin Winklaar. Tantu Estanista komo Winklaar ta kla pa drenta promé ku kampionato kuminsá, miéntras Josepha lo start despues ku kampionato tin mas o ménos 3 siman adén. 3 grandi ku Ban Serio ta loko nan tras.
