Awe djadumingu 27 di yüni 2021 ta instalá 7 baluarte di deporte den Salon di FAMA di FDOK
WILLEMSTAD- Djadumingu 27 di yüni 2021 ta e dia ku lo tin instalashon den Salon di Fama FDOK. E 7 nominadonan baluarte di Deporte ta wòrdu
instalá den salon di Fama FDOK. Federashon Deportivo i Olímpiko Kòrsou ( FDOK) e aña aki un bes mas ta organisá e evento aki. Salon di Fama ta e rekonosementu máksimo den nos mundu di deporte na Kòrsou.
Durante e 34 añanan ya tin 85 siudadano ku a risibí e distinshon meritorio
aki. E aña aki FDOK ta presentá 7 baluarte pa drenta Salon di Fama 2021, ku ta:
Sr. Siechnar Geronimo Djaoen (Natashon), Sra. Jeanne Yvette Lopes (Tiru),
Sra. Sherry Sophia Veronica Howell (Sòftbòl), Sr. Frits Gerhard Meursing (Futbòl)
Sr. Hubert Romualdo Janzen (Futbòl), Sra. Aminta Josefa Sprockel
(Vòlibòl), Sr. Anthony Martinus Casildo Leito (Karate)
E aña aki e evento lo wordu Transmiti via di Nos Pais kanal 4, Tele Curacao
i tambe live riba Facebookpage di FDOK.
E evento lo kuminsá 6or di atardi.
