Ban Serio kampion ABC&S 50+ Galbao Boekhoudt kampion picher
PHILIPSBURG – Ban Serio a bira kampion di Kopa ABC&S 50+ pa di 3 biaha sigí I Michelangelo Boekhoudt a bira kampion picher. Ban Serio a gana Marlins 14-11 den e gran final djadumingu 1 di yüni den Erwin ‘Baco’ Richardson Stadium na Sint Maarten. Jair Josepha a bira MVP di e wega final. Ta promé biaha ku tin un Kopa ABC&S na Sint Maarten.
Na 2021 tabatin un Kopa ABC&S na Sint Maarten, pero práktikamente un ekipo di Boneiru so a partisipá, miéntras Kòrsou i Aruba no a partisipá. Ban Serio a terminá invikto ku 3 wega ganá den e buelta regular, 1 wega den semi-final i e wega final. Despues di e wega final tabatin entrega di premio.
Kampion: Ban Serio;
Supkampion: Marlins;
MVP final: Jair Josepha (Ban Serio);
Kampion picher: Michelangelo ‘Galbao’ Boekhoudt (Ban Serio);
Kampion bate: G. Daniel (Jakspanian);
Lider di homerun: Eugene Antonia (Marlins).
Treasure a gana Nos Goso 9-5 den prome wega di semi-final
WILLEMSTAD – Treasure a gana Nos Goso 9-5 djabièrnè 6 di yüni den e promé wega di semifinal Diamond Stars League. Wega number 2 lo ta djasabra 7 di yuni pa 8’or na Sam Bunting Ballpark. Un viktoria pa Treasure, ta nifiká ku nan ta pasa pa semi-final. Un viktoria pa Nos Goso ta empatá e seri i e wega desisivo lo ta djabièrnè 13 di yüni na Sam Bunting Ballpark.
Liga Deseo Streanan Dj’ayera selebrando 1 lustro ku Liga nobo
WILLEMSTAD- Liga Deseo Streanan Dj’ayera selebrando su promé lustro ta ranka sali ku Liga Streanan Djawó i Torneo Un Strea pa Futuro. Pues un strea chikitu mas ta briya.
Liga Djawó ta su di 3 aña den e Liga Streanan Dj’ayera, kaminda e ekipo di Among Us tin 2 aña konsekutivo kampion. E aña aki lo partisipá 5 ekipo ku lo bai hunga tur djadumingu na Suvek.
E ekiponan aki lo ta: Among Us; Dominicanos Activos; Quick 60 Titans; Ata nos Aki; TNT.
Esakinan ta ekiponan ku for di 1’or di mèrdia lo tei pa wak ken lo bai surpasá e ekipo di Among Us. Kosnan ta serio.
Tambe lo kuminsá ku e Torneo Un Strea pa Futuro, kaminda ekiponan di T-Ball tantu maskulino i femenino tambe PreMinor lo partisipá. Ta un entusiasmo enorme pa wak e chikitinnan aki partisipá mirando kuantu training i tambe preparashon tin.
E ekiponan pa Strea Djawó pa Futuro ta: Montab; Marchena; Jongbloed; Suffisant; Buena Vista.
E mini torneo di e Strea Futuronan aki lo ta djadumingu aki 8 di yüni te ku 22 di yüni kaminda lo sera ku hopi premio i regalo pa nos muchanan.
Liga Streanan Dj’ayera damas tambe lo kuminsá for di 1’or ku e enkuentro di: Chilling Jaguar kontra Shining Star Plus; 2.30’or Unidos kontra Treasure Plus i 4.’or Eureka kontra Golden Girls.
Siman pasá e ekipo di Tur Goso Gai Lihe a bai ku e promé premio di Fanátiko.
Pues tur hende ta keda invitá pa por tei presente djadumingu aki na Suvek huntu ku tur e ekiponan aki. I Dj Melo tei pa trese mas ambiente.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i felis fin di siman. Liga 50 i Liga 60 ta bai sigi e wikènt aki.
Skema di Liga 50 na Van Engelen Ballpark pa djasabra awor ta 10.00 Catpower/Jandoret Raiders – Artemisia, 12.00 Pitufos – Jaws, 14.00 Flamboyan – Ban Serio, 16.00 Marlins – Lions. Baranka tin barwacht i ekipo Sluggers ta liber. Standing di Liga 50 promé ku e break tabata Catpower/Raiders 4-0, Ban Serio 3-0, Jaws 2-1, Marlins 2-2, Flamboyan Gamers 2-2, Lions 1-1, Baranka Sharks 1-2, Pitufos 1-2, Artemisia 0-3, Sluggers 0-3.Skema di Liga 60 ta 11.00 Lions – Sluggers, 13.00 Pitufos – Los Amigos, 15.00 Nos Tambe Por – Curacao Super Stars. Barwacht ta den man di Jaws i Nos Power ta liber.
* * * * *
2026 ABC&S di e hóbennan lo tuma lugá na Aruba i esun di 50+ na Kòrsou organisá pa Marlins. Ban Serio ku tin 3 título sigí i 6 total lo tei naturalmente huntu ku Marlins den e klásiko di e veteranonan 50+. Na Aruba, Swift, Terremoto i Cicoza lo tei atrobe. No ta fásil pa drenta den e gruponan ku ta organisá e kopanan ABC&S. By the way, e picher di Sint Maarten, ekipo Super Stars aki na Kòrsou ta un kos serio. E picher Manuel Torres a picha 15 inning, gana 2 wega i pèrdè 1. Ela tuma 14 hit ku 10 kareda, pero un total di 27 ponche tirá. Un picher veteranísimo ku tur aña ta hasi estrago den Kopa ABC&S, pero no tin un defensa sólido su tras. Djasabra e mester a habri kontra di ekipo Redskins ku a sali supkampion, pero ela leshoná i no por a picha e wega ei.
* * * * *
Ekipo Cicoza i Swift ta e ekiponan ku práktikamente a usa mas picher. Cicoza usa 7 picher durante e weganan enkabesá pa Frensel Meyers ku ta tira 18 inning. A picha Stanely Girigorie, Julius Veeris, Ryan van Heydoorn, Wendley Serberie, Raylison Gijbertha i Juruengelo Thielman. Swift a usa 6 picher, Emilio Velarde, Alexander Rodriguez, Selvinson Angelista, Gedion Noor, Nurrison Leonora, Aldrick van Thijs. Selvison Angelista a tira 12 ponche den 6 inning i 1 tersio. Swift tabatin vários picher ku un ERA bou di 3.00. Alexander Rodriguez no a tuma kareda limpi i tabatin un ERA di 0.00 den 7 inning tirá. E picheo den Kopa ABC&S ta práktikamente e picheo Fastpitch.
* * * * *
Michelangelo ‘Galbao’ Boekhoudt di Ban Serio a bira kampion picher di e Kopa ABC&S 50+ na Sint Maarten. Te ku ayeranochi tin hungadónan di Kórsou ainda na Sint Maarten. Ticket pa Sint Maarten a bira kasi 1050 florin Karibense pa un buelo. E delegashonnan di Marlins i Ban Serio dimes a haña e ticketnan pa ménos preis debí ku nan a reservá hopi luna promé. Buelonan pa Sint Maarten ta karísimo i ta bira difísil pa delegashonnan di Aruba i Boneiru por sigi partisipá na momentu ku tin kompetensia na Sint Maarten. For di e islanan menshoná no tin buelo dirèkt pa Sint Maarten segun nos.
* * * * *
Beisbòl Veterano 40+ ta planiá pa start djasabra 14 di yüni. 9 ekipo lo partisipá den e kampionato di Beisbòl Veterano. Isla Crackers ta pendiente pa wak ku nan lo partisipá, si Isla Crackers no partisipá ekiponan lo bira 8. Ekiponan ku ta partisipá na kampionato ta Quality Stars, Santa Maria PIrates, Isla Crackers, Yesterday, Santa Rosa, Broncos, Azucar, Marlins i Otrabanda. Skema ta kla, pero si Isla no konfirmá nan partisipashon ekiponan lo bira 8 i mester traha skema di nobo. Jandoret Raiders no ta partisipá den 40+ den 2025. Jandoret Raiders lo partisipá den 50+ den 2025. Ekiponan di 50+ di Beisbòl Veterano ta Jandoret, Energy Volcano, Santa Rosa Royals, Sigi Hunga. Keda pendiente pa mas detaye di Beisbòl Veterano di 2025. Nos ta keda te aki pa awe. Te mayan ku Poder di Dios.
