Ban Serio kampion Liga 50 i Selikor kampion Sosial MaskulinoSelikor kampion Sosial MaskulinoSelikor kampion Sosial MaskulinoTorneo Survivors 2026
WILLEMSTAD – E ekipo di Ban Serio a derotá Survivors ku skor di 8 pa 2 pa asina titulá kampion di e Torneo Survivors 2026 den kategoria Liga 50. E gran final akí a tuma lugá djasabra mèrdia na Van Engelen Ballpark, kaminda tabatin un masha bon públiko presente pa mira e duelo entre e titannan di Liga 50: Ban Serio i Survivors (Baranka).
Pa loke ta e wega final di 50+, e veterano Michelangelo ‘Galbao’ Boekhoudt a tira henter e partido pa bira e picher ganadó, dominando e ofensiva fuerte di e ekipo di Survivors di prinsipio te fin.
Asina e eksitoso Torneo Survivors/The Greatest ta yegando su fin ku weganan di haltu nivel.
Selikor kampion Sosial Maskulino Torneo Survivors
WILLEMSTAD – E ekipo di Selikor a sorprendé Brandweer, ganando ku skòr di 6-0 pa bira kampion di e kategoria Sosial Maskulino di Torneo Survivors 2026. Brandweer a kometé algun eror krusial ku a pone ku e wega a habri na fabor di Selikor. E picher Reagyson Henriquez tabata den gran forma pichando un blankeo i tambe ela bati un homerun pa yuda su propio kousa. Ku e viktoria aki, Selikor a kibra e invikto di Brandweer nèt den e wega di mas importante.
Despues di e partido, a sigi ku e entrega di premio aya na Van Engelen Ballpark. E wega aki, hungá djaluna anochi, tabata e klousura di e eksitoso Torneo Survivors 2026.
NUMERITONAN
Selikor a nota 6 kareda, a konektá 7 hit i a hunga sin kometé eror. Picher ganadó tabata Reagyson Henriquez kende tambe a bati di homerun. Mihó batiadónan tabata Roel Matrona ku a bai di 3-2 inkluyendo 1 homerun i Lindsley Rimon ku tambe a bai di di 3-2. Di otro banda, Brandweer a bati 5 hit i a kometé 4 eror ku a kosta nan e partido. Picher perdedó a resultá Carol Servania. Mihó batiadónan tabata Raylan Francisca di 2-1 i Remickson Bernardina di 1-1.
SOAB 15 , SVB/Aventa 7
Selikor 14, Aqualectra 9
Brandweer 5, SOAB 4
Brandweer 9, Coca Cola/Licores 5
SBAB 9, Curoil 5
Selikor 5, SBAB 3
Ban Serio 8, Survivors 2 (Liga 50).
Torneo Boy Constancia di 21 di febrüari pa 15 di mart
WILELMSTAD- Torneo Boy Cosntancia di dos edishon lo start dia 21 di febrüari i lo terminá 15 di mart. E weganan lo tuma lugá na Sam Bunting Ballpark i ta trata di e un torneo di 60, 50+, Femenino Veterano, Komersial 40+ i Komerisal General. E ekipo organisadó ya a saka invitashon pa ekiponan . Den 2025 tabatin 5 kategoria den 60+, tabata ekipo Lions ku a gana di Los Amigos i bira kampion, SDKK/Damen/GGZ a gana di CRU pa bira kampion . Jandoret Raiders a derotá Pitufos. Finalmente Treasure a dal Golden Girls i bira kampion.
MAS INFORMASHON DI SÒFTBÒL I BEISBÒL
Fanátikonan di Extra Inning bon siman. Preparashonnan ta sigi pa Amstel Bright Premier Cup i Torneo Boy Constancia. Pim /fangman i Ryan Isebia ta na kabes di Amstel Bright Premier Cup i Archie Davelaar ta dirigí Torneo Boy Constancia. Archie Davelaar lo kumpi 60 aña den 2026 aki i tin hopi interes di ekiponan di 60+ pa e pelotero aki. Archie Davelaar grandísimo den su karera entre Royal Scorpions i Wild Cats prospekto grandi den Beisbol Little League i Hubenil. No ta sigur ku Archie lo hunga ku Pitufos den Liga 60. Miéntras tantu Baranka 60+ a konfirmá nan partisipashon den Amstel Bright Premier Cup. Den Torneo Boy Constancia tambe ekiponan di 60+ lo mira akshon.
* * * * *
Miéntras tantu lista di hungadónan pa loke ta trata World Baseball Classic a sali. Manera nos a antisipá e hóbennan Ryjeteri Merite i Jamdrick Cornelia ta forma parti di e selekshon komo dos picher slengu den gran forma. PIchernan slengu ta keda forma parti di nos selekshon debí ku estadistika a indiká semper ku e picher slengu ta dominá e batiadó slengu òf mihó bisá e batiadó slengu su average ta muchu mas abou kompará ku ora e batiadó slengu enfrentá un picher derecho. Batiadó derecho ta bati pa averahe mas haltu kontra picher derecho kompará ku slengu kontra slengu. Nos lo sigi amplia riba e selekshon di Hulanda pa loke ta trata World Baseball Classic.
* * * * *
Kampionato/playoff di Intermediate League ta start manera ku temporada di Karnaval terminá. Intermediate lo hunga mihó di 11 manera ya a bira un tradishon miéntras Little League lo hunga mas wega ku normal e aña aki pa loke ta trata e kategoria 11-12 aña. Lo hunga un dòbel eliminashon i despues mihó selekshonnan lo topa otro den un seri mihó di 7. E selekshon ku gana e seri aki lo sigi pa WIlliamsport dirèkt i lo hunga ku Curacao riba unifòrm. Tremendísimo trabou di District Administrator Urny Floran i su crew pa lòbi pa nos por yega Williamsport dirèkt despues di tur e éksitonan ku nos a logra riba nivel regional di Mundial di Little League.
* * * * *
Pa loke ta trata Amstel Bright Premier Cup e aña aki lo tin premionan masha atraktivo atrobe, entre otro premio di plaka kèsh pa e kampionnan di e diferente kategorianan. Ekiponan kampion di aña pasá a risibí unifòrm kompletu di e organisadónan ku ta CIcoza. Segun dianan ta bai nos lo tin mas detaye di e prestigioso Amstel Bright Premier Cup. Nos ta keda te aki pa awe i te mayan ku Poder di Dios.
