Sòftbòl Slowpitch - Ban Serio ta swip Baranka i bira kampion di Liga 50

Ban Serio ta swip Baranka i bira kampion di Liga 50

WILLEMSTAD – Ban Serio a gana Baranka dos wega sigí den final, pa bira kampion Liga 50 di aña 2023. Ban Serio tabata fuerte na bate riba djasabra i djadumingu pa bira kampion despues ku nan tabata kampion for di 2019 di Liga 50.

‍

Ban Serio a gana Baranka 25-13 djasabra i 24-12 djadumingu pa bira kampion. Luigi Yanez ku tabata bárbaro na bate den final, a bira MVP di e seri final. Un bon públiko tabata presente tantu riba djasabra komo djadumingu pa mira e gran final. Despues di wega tabatin entrega di premio.

RESULTADONAN

Djasabra 21 di òktober

Marlins 7, Jaws 6

Marlins a dal 12 hit i hasi 4 eror. Anthony Pieters a gana. Roderick Postina ku Anthony Pieters a bai di 2-1. Jeffrey Martina ku Edphrim Cicilia a bai di 3-2 i Mairon Martinus a bai di 4-3. Roderick Postina i Mairon Martinus a konektá 1 homerun. Jaws tabatin 11 hit ku 1 eror. Edison Sambo a pèrdè i Xaviero Avastia a bai di 2-1. Manuel Rekondie ku Fernando Rosario a bai di 3-2 i Albert Hartogh di 3-3 inkluyendo 1 homerun.

Di tres lugá a sali ekipo Marlins. Chape Elisa ta tuma premio.

Ban Serio 25, Baranka 13

Ban Serio tabatin 23 hit ku 1 eror. Michelangelo Boekhoud a gana i Norman de Roon a bai di 1-1. Luigi Yanez a bai di 2-1, Eldred Estanista 3-1. Geronimo Daflaar ku Michelangelo Boekhoud, ámbos di 2-2. Jair Josepha, Kevin Winklaar ku Winston Kirindongo, tur a bai di 3-2. Albert Pieternella di 4-2. Charlton van Thijs di 3-3 i Sherdon Rombley a bai di 4-3. Luigi Yanez, Eldred Estanista, Geronimo Daflaar i Kelvin Winklaar, tur a konektá 1 homerun. Jair Josepha ku Sherdon Rombley, ámbos a konektá 2 homerun.

Dos hungadó di Baranka ta tuma premio Supkampion.

Baranka a dal 15 hit i hasi 2 eror. Rudney Garmes a pèrdè i Jair Quant a bai di 1-1. Emmeric Agata, Fisel Pereira, Edmar Cornelia i Joseph Everon, tur a bai di 2-1. Shendy Cras a bai di 3-1. Grensly La Croes ku Dennis Dambruck, ámbos di 2-2 i Sedeney Lourens di 3-2. Jair Quant, Edmar Cornelia, Shendy Cras ku Grensly La Croes, tur a konektá 1 homerun i Sedeney Lourens a konektá 2.