Kampionato Liga Casca Leonora 2026 a stàrt na Buena Vista Ballpark
WILLEMSTAD - Djabièrnè 11 di sèptèmber e di 25 kampionato di Liga Casca Leonora a stàrt na Buena Vista Ballpark. 8 ekipo di T-Ball di Liga Casca Leonora a desfilá i drenta Buena Vista Ballpark. E ekiponan ku ta partisipá den e kampionato aki ta Buena Vista, Domi, Santa Rosa, Tera Kòrá, Souax, Kanga, Jongbloed i Suffisant.
T-Ball ta un wega di sòftbòl pa mucha muhé entre 5 pa 8 aña ku e meta pa e muchanan serā konosí ku e deporte di sòftbòl.
Despues di e desfile tabatin e Himno Nashonal interpretá pa un grupo di hobenista di Fundashon Broche, palabra di representante di Minister di OWCS, Sr. Sithree van Heydoor, sra. Lisette Sambo Velder, diskurso di e presidente di Fundashon Liga Casca Leonora, sr. Ralph Pereira, skohementu di lòt i lansamentu di e promé bala. Despues e kue lòt, a tuma lugá e promé partido di e kampionato ku tabata entre Tera Kora i Domi.
Entre e presentenan tabatin representante di OWCS, sra. Lisette Sambo-Velder, representante di spònser Vanddis BV, Sra. Cicely van der Dijs; District Administrator, Sr. Urny Floran; miembro di Hall of Fame, Sra. Soraida Juliana; representantenan di famia Leonora enkabesá pa Sr. Johnny Leonora; i e Presidente di Fundashon Sylvio “Casca” Leonora (organisadó di e Liga T-Bòl), Sr. Ralph Pereira.
