Baranka 50+ ku unifòrm nobo i algun resultado ABC&S

Baranka 50+ ku unifòrm nobo i algun resultado ABC&S

WILLEMSTAD- Baranka 50+ tin unifòrm nobo. Djaluna 15 di mei tabatin entrega di unifòrm na Around The Clock na Rio Canario.  Napa Auto Parts ta bèk komo spònser di Baranka, despues di basta aña. Baranka ta super kampion di Liga 50 i lo tin spònsernan Amstel Bright i Napa Auto Parts.  Stephen Maduro manager di Napa Auto Parts a entregá unifòrm na Gregory Reina, un dje motornan di Baranka den presensia di demas hungadónan.

RESULTADO ABC&S
Djarason den e di dos wega di djarason anochi dilanti un públiko grandi Swift a laga e kombinashon di Thrillers/Dream Team den tereno riba bataso di Anyoni Medina. Swift a gana wega dos wega djaweps.  Na Boneiru Ban Serio a gana di The Brothers di Boneiru ku skor di 9 pa 8.  Na Republica Dominicana  (Punta Cana) Baranka a pèrdè kontra Banbinos djarason i gana Banco Central di Republica Dominicana djaweps.

‍

Baranka ta laga Ban Serio den tereno den Liga 50

WILLEMSTAD-  Baranka riba hit den Edmar ‘Boy Motor’ Cornelia a laga Ban Serio den tereno djasabra 13 di mei den kontinuashon di Liga 50 den Stadion Post 6.  Riba hit di Edmar Cornelia, Myron Wijman a nota kareda number 12 pa Baranka gana. Baranka ku e viktoria a keda komo úniko ekipo invikto den Liga 50.  Ban Serio a pasa pa puesto number 2. Den otro weganan  Sluggers a nòkout Flamboyan/Tigers 16 pa 4.  Jaws a zona Artemisia 24-2 i Pitufos a dal Catpower 18-3. Algun skor grandi djasabra último. Standing di Liga 50 ta lo sigiente: Baranka 4-0, Ban Serio 3-1, Marlins 3-1, Sluggers 3-1, Jaws 3-2, Pitufos 3-2, Lions 2-3, Flamboyan 1-3, Catpower 0-5, Artemisia 0-5. Wikènt benidero no tin wega di 50+ debí na weganan di Kopa ABC na Kòrsou i Boneiru. Dia 27 di mei ta bai bèk na Engelen Ballpark ku entre otro wega kandela entre Baranka i Marlins.

RESULTADONAN
Djasabra 13 di mei
Sluggers 16, Flamboyan 4
Sluggers tabatin 17 hit i nan a hunga sin eror.  Eldert Bakker a gana. Albertico Leito, James Jackson i Conrad Maduro, tur a bai di 1-1. Raymond Lieuw di 2-1. Gerald Zimmerman ku Gilbert Adriana, ámbos di 3-2. Humphrey Antonia i Dudley Felicia a bai di 4-2 i Victor Hernandez di 4-4. Flamboyan a dal 4 hit i nan a hasi 4 eror. Ji Kwing Li a pèrdè. John Zandwijken a bai di 1-1. Gilbert Keller, David Rodriguez ku Rudolph Garmes, tur a bai di 2-1.  

Jaws 24, Artemisia 2
Jaws a dal 25 hit i kometé 1 eror. Edison Sambo tabata picher ganadó. Lesly Fer, Rudolph Schmidt, Shamir Evers i Xaviero Avastia, tur a bai di 1-1. Arnoldo Angila, Carlos Madera i Edison Sambo, tur 3 di 2-1. Tyron de Palm ku Fernando Rosario, ámbos a bai di 3-2. Sigbert Juliana ku Deron Clara di 4-2. Manuel Rekondie ku Cedrix Valies di 4-3 i Fransje Lambertina di 4-4 inkluyendo 1 homerun.  Pa Artemisia 5 hit ku 4 eror.  Wederfoort a resultá pèrdèdó, Frensel Martina ku Charles van Thijs, ámbos di 2-1. Denley Marten di 1-1 i Giovanni Maduro di 2-2.

Pitufos 18, Catpower 3
Pitufos tabatin 15 hit i nan a hunga sin eror.  Luis Coffie a gana. Abigail Vilchez a bai di 1-1. Arthur Davelaar, Terry Rosina, Sharlon Louisa, Elston Constancia, Ruben Snoyl ku Luis Coffie, tur a bai di 2-1. Raymond Constancia di 2-2. Norwin Moesquit ku Jurwin Duggan, ámbos di 3-2.  Pa Catpower 9 hit ku 7 eror. Ramon Moreta. Hendrik Gabriel, Earl Virginia ku Ericson Windster, tur a bai di 1-1. Richard Campagnard ku Heymond Ipatia a bai di 2-1. Wendell v/h Kruys ku Frensel Esclodina, ámbos di 2-2. Hendrik Gabriel a konektá 1 homerun.

Baranka 12, Ban Serio 11
Baranka a dal 13 hit i nan a hunga sin eror.  Kenrick Hellement a bai ku e viktoria i Emmeric Agatha a bai di 1-1. Sedeney Lourens, Edmar Cornelia, Fisel Pereira ku Jair Quant, tur a bai di 2-1. Gregory Reina a bai di 2-2, Dennis Dambruck di 3-2 i Myron Wijman di 3-3. Sedeney Lourens, Fisel Pereira, Gregory Reina ku Myron Wijman, tur a konektá 1 homerun.  Ban Serio tabatin 9 hit ku 1 eror. Michelangelo Boekhoud a karga ku e derota. Kelvin Winklaar, Eldred Estanista i Julien Ignacio, tur a bai di 1-1. Geronimo Daflaar i Winston Kirindongo, ámbos di 2-1. Sherdon Rombley di 2-2, Albert Pieternella di 3-2. Geronimo Daflaar, Albert Pieternella ku Sherdon Rombley, tur a konektá 1 homerun.  

INFORMASHON DI SÒFTBÒ SLOWPITCH

Fanátikonan di Deporte Kòrsou, bon tardi. Ayera tabata djarason manera un djabièrnè òf manera un wikènt ku ta bai habri. Ekiponan di Aruba, Boneiru i Sint Maarten a yega Kòrsou. E ekiponan menshoná lo kompeti den e tremendo Kopa ABC&S di e hóbennan manera e World Series di Sòftbòl Slowpitch di Kòrsou.  Ekiponan Ban Serio i Marlins di 50 ta na  Boneiru pa kompetí den e Kopa ABC&S ku ekiponan di Aruba, Boneiru i Sint Maarten riba nivel 50+ di Sòftbòl. Djarason último 3 ekipo lokal lo sali pa Punta Cana, República Dominicana, pa kompetí den e Golden Athlete Caribbean Championship Series. Nan ta yama e kompetensia aki Serie del Caribe di Slowpitch.

* * * * *

Ekipo Jaws a move pa Punta Cana  10’or di mainta. Baranka tambe lo move ku mesun buelo. Pa djaweps mainta e delegashon di Jaws ta move pa Punta Cana, ke mèn nan a pasa un anochi na Capital esta, Santo Domingo.  Jaws lo move ku Air Century. Ekipo di Baranka ta bèk ku nan spònser di hopi aña ku ta Baranka Napa Auto parts. Jaws ta hunga djaweps un wega i djabièrnè dos wega. Mester gana i si no gana pa sigi hunga ta move i basilá na Punta Cana un ratu òf basta ratu. Esei ta e intenshonan di Slowptich. Biaha, gosa i dibertí. Ta bai pa gana si, pero pèrdè ta keda gosa huntu manera nada no a pasa.

‍

* * * * *

Pitufos a move ku ekiponan di 50+ i 60+ pa Punta Cana.  Un tim ku semper a biaha hopi i keda algun aña for di pelota, pero a bini duru bèk den Liga 50 na aña 2014 i bira kampion di 50 na 2015. Pitufos ta pendiente di hungadónan 59+ ku ta djòin e aña aki manera Orcendo Clemencia, Sidney de Windt, Bani Coffie  i otronan. Pa 2024 lo tei Boy Constancia i Chino Louisa. Pitufos lo bira basta kompetitivo den 60+ i lo mester kompetí kontra di entre otro Jaws, Nos Tambe Por i Los Amigos ku ta esnan fuerte den Liga 60. 4 ekipo ku ta faborito pa klasifiká. Ta mesun ekiponan aki a klasifiká den 2022 i Jaws a bira kampion despues ku Nos Tambe Por tabata kampion di 2019, 2020 i 2021.

* * * * *

Biniendo bèk Baranka a batisá unifòrm nobo pa Liga 50  djaluna anochi na Around The Clock na Rio Canario. Tempunan di gloria di Baranka nan tabatin Napa komo spònser prinsipal. For di aña 90 bini 2000 i bini ariba. Nos ta kòrda tempu di Artie Wever, gerente general mes tabata bini e weganan.  Baranka a bira kampion na 1996 i na 2003 di spònser pa Napa Auto Parts.  Despues di 2003 na Boneiru Baranka no a bira kampion mas di Kopa ABC di e hóbennan i despues a stop di partisipá. Baranka ta partisipá na Classico ABC 40+ i mester partisipá debí ku nan tin e organisashon na Kòrsou den nan man.

* * * * *

Bèk den tempu na 2003 un ratu. Nos gusta. Awèl e tempu ei ainda Kopa ABC tabata tuma lugá pareu ku Dia di Rincon. Un kos serio mes riba Isla Boneiru. Na 2006 tambe nos tabata presente i tabatin Kopa ABC pareu ku Dia di Rincon. Un públiko grandi a asistí pa mira e enkuentronan semi-final i final. Baranka a nòkout Carpatula den final ku skor di 22-8.  Carpatula tabata atras ku skor di 22-1 bayendo i den nan último chèns ta logra nota 7 kareda pa trata na bini bèk pero ta keda kòrtiku. Luigi Virginia ku a konektá 2 homerun den final i dal masha homerun den Kopa ABC/Amstel 2003 a bira MVP di e prestigioso torneo.

* * * * *

Baranka ta yega final invikto miéntras Carpatula a sorprendé tur hende yegando final ku un rekòrt di 2 ganá i 3 pèrdí. Carpatula a logra Wild Card den e buelta di seis. Carpatula ta bolbe sorprendé habriendo ku e hóben Angel Brunken ku ta logra wanta Baranka dos inning. Baranka ta bai en blanko den promé inning i nota 1 kareda den di dos inning.  Wim Felicia a tira wega kompletu pa resultá e picher ganadó. Recordar es vivir. Korda for di awe i wikènt benidero tin Kopa ABC&S na Kòrsou, na Boneiru ABC&S 50+ i na Punta Cana Golden Athlete Caribbean Championship Series. Nos ta keda te aki pa awe.

‍

‍