Sòftbòl Slowpitch - Baranka honra hungadónan i Unidos a sera aña

Baranka honra hungadónan i Unidos a sera aña

WILLEMSTAD- Djamars 28 di desèmber tabatin seramentu di aña di ekipo Baranka di 50+ na Residensia Valeriaan na Blue Bay Resort. Durante e evento a duna mérito na hungadónan ku a destaká tantu riba sifras komo esnan ehemplar den e ekipo. Miembro di direktiva Aschwin Macay a hiba palabra i gradisí tur ku a koperá pa e kampionato 2021 di Baranka 50+ bira un éksito total birando kampion di e liga menshoná.

‍

Sr. Aschwin Macay di direktiva durante speech.

‍

Wendell Anthony di e kuerpo tékniko tambe tabatin un diskurso. Hungadónan Edmar Cornelia i Sendley Reina tambe a tira speech. Klup Baranka a gradisí Gino Valeriaan pa a pone su kas disponibel pa e sera aña. Hungadónan ku a risibí premio a saka un pòtrèt den grupo despues ku nan premio di Liga 50 den nan man, entre otro Kenny Hellement (MVP Final i kampion picher), Gino Valeriaan (Kampion bate), Spin Lourens (lider di homerun) i manager Richenel ‘Uchi’ Reina ku kopa kampion Liga 50.

‍

‍
Tur hungadó huntu durante e sera aña na kas di Gino Valeriaan

Wendell Anthony, playing coach durante speech.

Hungadónan di Baranka ta sigi speechnan ku atenshon.

Ludsel Reina na palabra. Gran fanátiko di Baranka.

Ekipo kompletu ku bòter di nan spònser, Amstel Bright riba mesa.

Grandinan di Baranka, Dennis Dambruck, Gino Valeriaan i Spin Lourens.

‍

Seramentu di aña ekipo Unidos di Sòftbòl Femenino Veterano

WILLEMSTAD – Ekipo Unidos di Liga Streanan di Ayera 50+ a sera aña na Terasa Mama Cacao na Boca Sami. Durante e anochi tabatin speech di diferente dirigente, entre otro Boy Constancia. E ekipo Unidos pa hopi aña a kompetí den 35+ i último añanan den 50+ tambe di Sòftbòl Femenino Veterano. Pa 2022 e ekipo lo ta fuerte den Liga Streanan di Ayera.