Baranka ta gana Jandoret Raiders i bira kampion Liga 50

‍
WILLEMSTAD — Baranka ku tremendo picheo di Kenny Hellement a gana Jandoret Raiders ku skor di 12-1 djasabra atardi na Van Engelen Ballpark i bira kampion Liga 50 di 2026. Bon públiko pa mira e wega number 3 di e gran final, kaminda Kenny Hellement a lusí ku su picheo atrobe pa Baranka bira kampion. Baranka a pèrdè e promé wega ku skor di 15-11 i despues a gana 11-4 i 12-1 pa bira kampion. Despues di wega tabatin entrega di premionan pa ekipo i individual.

Kampion di Sòftbol Liga 50 di 2026, ekipo Baranka;
Jandoret sup kampion.
Ban Serio di 3 luga.
Marlins number 4.

‍

‍

NUMERITONAN
Baranka a anotá 12 kareda, dal 14 hit i no a kometé eror. Kenny Hellement tabata e picher ganadó. Charles Merite a bati di 4-3. Edmar Cornelia i Emeric Agatha a konektá homerun. Jandoret a anotá 1 kareda, dal 5 hit i hasi 4 eror. Gino Valeriaan tabata e picher pèrdèdó. Deron Clara i Sherdon Rombley a bati di 2-1.

Kenny Hellment MVP final.

PREMIONAN:
Kampion: Baranka;
Supkampion: Jandoret Raiders;
Terser lugá: Ban Serio;
Di Kuater lugá: Marlins.
Kampion kampionato regular: Jandoret Raiders;
Kampion picher: Gilbert Henriette (Jandoret Raiders)

Kampion picher, Gilbert Henriette  di Jandoret Raiders
Lider di homerun Ramiro Balentina (Baranka) i Reinaldo Casimiri (Ban Serio)

‍
Kampion bateo: Ramiro Balentina (Baranka)
Lider di homerun Ramiro Balentina (Baranka) i Reinaldo Casimiri (Ban Serio)
Hungadó Más Valioso (MVP): Kenrick Hellement.

Kampion bate, Ramiro Balentina (Baranka)

MAS INFORMASHON DI SÒFTBÒI BEISBÒL

Lesadonan di Deporte Korsou bon dia i felis siman. Baranka a gana Jandoret djasabra, 8 di november  ku skor di 12-1 i bira kampion di Liga 50 dilanti un públiko grandísimo na Van Engelen Ballpark. Despues di wega tabatin entrega di premio na e parke. Premionan bon di plaka kèsh i trofeonan bunita. Timnan number 1 te ku 4 a gana kopa i plaka kèsh i mester bisa ku tur dos líder di homerun ku ta Ramiro Balentina i Reinaldo Casimiri a risibí nan trofeo. Baranka ku a sali pèrdè e promé wega di e seri final a bini bèk tremendo i gana dos wega sigí pa bira kampion. Pabien na ekipo Baranka ku otro título den Liga 50.

‍
* * * * *
Baranka tabata kampion 2021, 2022, 2024 i awor na 2026. E otro títulonan den e dékada aki ta den man di ekipo Ban Serio. Jandoret Raiders den dos aña den Liga 50 Sòftbòl a logra bira supkampion. Den Beisbòl Veterano ekiponan Santa Rosa Memories i Santa Maria Pirates a gana nan di dos wega di e semifinal i lo pasa pa final ku ta start djasabra awor na Vi Jansen Ballpark. Santa Rosa Memories a gana fásil, miéntras Santa Maria Pirates sí mester a lucha pa por superá e superkampion te ku aña pasá Quality Stars. Santa Rosa a gana Broncos ku skor di 12-1 i Santa Maria Pirates a gana Quality Stars 10-8. Djasabra 14 di november playoff final a start ku viktoria di 18 pa 2 pa Santa Maria.

‍

Santa Maria ta rèli pa 4 kareda den di 5 inning pa empatá e wega i anotá dos mas den di 6 inning pa bai ariba 10-8. Asina e wega a bin terminá i Quality ta for di final pa promé biaha ku for di aña 2022 dia nan a gana di Santa Maria Pirates pa bira kampion. Despues Quality Stars a bira kampion 2023, 2024 i 2025 tambe. Kuater aña sigí dominando den Beisbòl Veterano.
* * * * *

‍
Pa promé biaha den historia di Beisbòl Veterano Santa Maria Pirates lo topa ku Santa Rosa Memories den un final. Santa Maria Pirates Veterano fundá na 2010 a bira kampion di Beisbòl Veterano na 2019 ganando di Isla Crackers den final i den 2021 nan a bolbe gana Isla Crackers den final. E final aki lo bira kandela i e dos ekiponan aki a pèrdè solamente 2 wega henter e temporada aki. Santa Maria Pirates tin un rèkòrt overall di 17 ganá i 2 pèrdí. Nan a pèrdè kontra Quality Stars djadumingu 10 di òktober ku skor di 12-2 den e round robin i pèrdè kontra Santa Rosa Memories 7-5 dia 2 di ougùstùs.

‍
* * * * *
Santa Rosa Memories a pèrdè kontra Santa Maria Pirates 2-1 dia 25 di òktober i pèrdè 7-3 kontra mesun Santa Maria Pirates. Ta úniko dos weganan ku Santa Rosa Memories ekipo dirigí pa Shendy Cras a pèrdè. Den e edishonnan benidero nos tin mas detaye di e gran final aki. Den Liga 50 ta konosí ku ekipo Wak E Kos di Moises Zimmerman ta kampion despues ku nan a sweep Santa Rosa Royals den e seri final. Playoff di Liga 60 mester a tuma lugá djadumingu 8 di novèmber na Frank Curiel Ballpark. E wega a keda suspendé pa motibu di awaseru i mal estado di tereno.

‍
* * * * *
Awor den novèmber aki ta konsentrá riba Beisbòl Veterano i Sòftbòl 60 su finalnan. Último añanan ta 60+ ta terminá lat den novèmber òf desèmber. Pa otro aña ekiponan mester bai vota pa hunga mas wega, 16 wega den e buelta regular i ekiponan lo mester hunga 4 wega riba djadumingu pa kaba den òktober òf novèmber. Nos ta keda te aki pa awe. Te mayan ku Dios ké.

‍