Beisbòl Veterano den rekta final di temporada regular
WILLEMSTAD- Beisbòl Veterano ta den rekta final di buelta regular di 2021. Varios ekipo a hunga 10 di e 12 weganan di e kampionato regular. Wikènt último 5 di e 6 weganan a tuma lugá. Tabatin 3 wega entre e 6 grandinan i Bulldogs, Jandoret i Isla a sali viktorioso den e weganan kandela. Nos tin resultado di e weganan di siman pasá. Standing ta Isla 10-0, Jandoret 9-1, Santa Maria 7-2, Quality Stars 7-3, Bulldogs 6-3, Santa Rosa 5-3, Azucar 4-6, Marchena Stars 3-6, The Brothers 3-6, Marlins 2-6, Otrabanda 1-7, Vosama 1-7 i Yesterday 1-7.
LIGA 40
Azucar 13 – Marlins 7
Pa Azucar: Picher ganadó: Nelson Reineta. Mihó bate: Arlyson Sommer di 2-2 i Thierry Goeloe di 4-3 i Thierry Goeloe a konektá un honron. Pa Marlins: Picher pèrdèdó: Ramon Cabrera Dominguez. Mihó bate: Wilkin Martinez di 3-3.
Bulldogs 13 – Sta Rosa Memories 0
Pa Bulldogs: Picher ganadó: Marlon Balentien. Mihó bate: Norwin Moesquit di 3-3 i Dwight Alexander a konektá un honron. Pa Sta Rosa: Picher pèrdèdó: Edmund Martina. Mihó bate: Wilfred Reinita i Shurnold Martina di 1-1.
Marchena Stars 10 – Veteranos Otrobanda 0
Pa Marchena: Picher ganadó: Wendell Elisabeth. Mihó bate: Jurien Martina di 2-2 i Jair Josepha di 1-1.
Pa Otrobanda: Picher pèrdèdó: Edison Clemencia. Mihó bate: Richel Baromeo di 2-2.
E partido entre Yesterday i The Brothers a keda posponé pa motibu di awaseru.
Jandoret Raiders 7 – Quality Stars 1
Pa Jandoret: Picher ganadó: Deron Clara. Mihó bate: Arthur Kops di 2-2 i Arthur Kops a konektá un honron. Pa Quality: Picher pèrdèdó: Hayzem Martina. Mihó bate: Vernon de Lanooi i Jair Quant, ámbos di 1-1.
Isla Crackers 8 – Sta Maria Pirates 7
Pa Isla: Picher ganadó: Roderick Eustatius. Mihó bate: Jermaine Esprit di 4-3. Dennis D'Arnault a konektá hit di oro. Pa Sta Maria: Picher pèrdèdó: Raymond Soerka. Mihó bate: David Kirindongo i Roderick Zimmerman, ámbos di 2-2. David Kirindongo a konektá un honron.
LIGA 50+
E partido entre Vosama i Sigui Hunga a keda posponé pa motibu di awaseru.
