Un invitashon pa tur fanátiko, eks hungadó i bario di Buena Vista:
Bin Selebrá 50 Aña Di Bo Tim Pichingolo
WILLEMSTAD/BUENA VISTA- Direktiva di Pichingolo Nissan/Kia ta hasi un yamada na tur su eks hungadónan, eks dirigentenan, fanatikonan, amigunan, i bario di Buena Vista pa djadumingu dia 7 di mei próksimo bin selebrá ku nan 50 aña di eksistensia. Deporte Kòrsou tin algn portrèt di pasado.
.jpg)
E aktividat ta kuminsá 4.30 pm ku un Santu Sakrifisio di Misa na Iglesia di Buena Vista pa gradisí Papa’Dios ku pa durante 50 aña a mustra Pichingolo su dirigentenan i hungadónan “E Kaminda”.
Tròli disponibel pa transportá esnan ku ta desea...
Teniendo kuenta ku e kantidat di hendenan ku lo akudí na misa ta hopi, i e espasio pa stashoná outo na Iglesia di Buena Vista ta limitá, e organisashon a tene kuenta ku esaki tambe.
Pa esnan ku ta deseá, nan por stashoná nan vehíkulo riba e tereno di bala na Buena Vista i nan ta keda transporta pa Misa ku “tròli”.
Despues di misa por opta pa marcha huntu bou di ritmo di un brasbènt bai parke di Pichingolo den kurason di Buena Vista, òf pa esnan ku kisas tin problema pa kana tin e oportunidat di regresá ku “Tròli” tambe.
E “Tròli” lo hiba tur esnan ku ta deseá Misa i despues di Misa por regresá parke di Pichingolo bèk ku e mesun “Tròli”. Pues lo tin opshon pa tur esnan ku ta deseá na akudí na e Santu sakrifisio di misa siguí pa e selebrashon na parke di Buena Vista.
E.R.A. Outéntiko lo tei pa animá...pero kòrda riba e bon komportashon!
Pa mas o ménos 5or lo tin e parti di seremonial. Na final dje seremonia ofisial lo tin animashon dje agrupashon musikal, E.R.A.-Outéntiko i Lo klousura e anochi ku un tremendo “show” di vürwèrk pa mas o ménos 8or di anochi. Ta pidi tur ku ta bini pa perkurá pa un bon komportashon. Riba tereno no ta permití sapatu ku hilchi, ni tampoko bals o sigaria. Pichingolo Nissan/Kia i Organisashon di Softball Little League di Buena Vista ta apresiá boso presensia.
....Un Invitashon Personal...
Tuma esaki komo un invitashon personal, paso lo ta imposibel pa parti invitashon pa tur hende. Danki di antemano pa e presensia.
...Hopi Danki...
Pichingolo kier a gradisí tur ku a yuda i ta yudando ku e selebrashon aki, tur ku a koperá, pero prinsipalmente eks sòftbolistanan di Pichingolo manera: Bernadita Geerman, Nydia Daal, Soraida Juliana, Fatima Muskus, Rosa Muskus, “Mèlo” Martis i tur otro ku a bin traha boluntariamente i ku amor pa pone e parke den un kondishon ku djadumingu pa por risibí esnan ku presentá dignamente. Hopi danki di kurason na tur, tur ku a yuda i ta yudando !! Te djadumingu ku poder di Dios..
.jpg)
