Brasil ta klasifiká pa e oktavo final ku viktoria i djamars Hulanda i demas ekiponan lo kuminsá bai hunga wega number 3
WILLEMSTAD- Brasil a gana di Suisa ku skor 1-0 i sigurá nan klasifikashon pa e oktavo final. E gol a keda anotá den di dos mitar pa medio di Casemiro na di 83 minüt. Despues di e wega di Brasil ekipo Portugal a gana di Uruguay ku skor di 2-0 i nan a sigurá nan klasifikashon. Francia a gana Dinamarka 2-1 djadumingu. Ta solamente 3 ekipo a sigurá nan klasifikashon ku ta Brasil, Portugal i Francia.
DJAMARS
Entrante djamars ekiponan lo start ku wega number 3 di e promé buelta. Lo bai ta weganan pareu den e gruponan pa evitá hisamentu di pia. Ekipo Hulanda lo ta den akshon djamars na momentu ku nan topa ku Qatar ku hopi chèns di klasifiká pa e oktavo final ku ta konta ku partisipashon di 16 ekipo. Nos tin standing, skèdjel i mas estadistika.
