Broncos a gana Otrabanda den 40+ i Santa Rosa Royals a kibra invitko di Wak e Kos den 50+
WILLEMSTAD- Beisbòl Veterano a sigi wikènt pasá ku 6 wega, 4 wega di Liga 40 i 2 wega di Liga 50. Ekipo Broncos a dal Otrabanda 12 pa 4, Santa Rosa Royals a kibra invikto di Wak e Kos den 50+ ganando ku skor di 10 pa 7. Den e otro wega Quality Stars a gana Volcano 5 pa 0, Santa Rosa Memories a derotá Azucar 12 pa 6. Santa Maria PIrates a dal Volcano 11 pa 0. Djasabra 5 di sèptèmber Santa Rosa a blankiá Volcano 7-0 i Santa Maria Pirates a Otrabanda Veterano 7-0. Wega entre Broncos i Quality a keda empatá. A hunga 1 inning extra ku tie break rule i tur dos ekipo a skor 2 kareda.
Quality Stars 5, Volcano 40 0
Quality Stars a konektá 8 hit i a hunga sin eror pa blankia Volcano 40 ku skor di 5 pa 0. Pa Quality Stars, Rodney Michel a bati di 3-2 ku 1 kareda empuhá, Dayron Puriel di 2-2 i Ringemar Raap di 2-2 ku 3 kareda empuhá. Emile Haswell (un doblete) i Farley Ignacio tambe a bati di hit. Dayron Puriel tabata e picher ganadó lansando 5 inning sin permití kareda ku 5 ponche. Pa Volcano 40 ku a bati 4 hit i a kometé 1 eror, Andreis Gonzalez Lovera, Carlos Gill (di 3-2) i Michelangelo Cijntje (un doblete) a konektá di hit. Orlando Gerard tabata e picher pèrdèdó.
Sta Rosa Memories 12, Azucar 6
Sta Rosa Memories a bati 9 hit i a kometé 2 eror pa superá Azucar ku skor di 12 pa 6. Pa Sta Rosa Memories, Stanford Landburg a bati di 3-2 (un tripel), Burton van der Gen di 2-1 ku 2 kareda empuhá, i Shendy Cras di 2-1 ku 2 kareda empuhá. Marvin Ludowika, Roderick Eustatius, David Kirindongo (un doblete), Jair Quant i Andy Leer (un doblete ku 2 kareda empuhá) tambe a konektá di hit. Roderick Eustatius tabata e picher ganadó tirando e 4 inningnan kompletu ku 6 ponche. Pa Azucar ku a bati 8 hit i a kometé 5 eror, Freddy Castillo Garrido a bati di 3-2, Ruben Snoyl di 3-2 ku 2 kareda empuhá, i Jair Doran di 2-1 ku 2 kareda empuhá. Gino Costina (un doblete), Jenever Mook i Kevin Weert tambe a bati di hit. Elroy Phillips tabata e picher pèrdèdó.
Sta Maria Pirates 11, Volcano 40 0
Sta Maria Pirates a bati 9 hit i a hunga sin eror pa blankia Volcano 40 ku skor di 11 pa 0. Pa Sta Maria Pirates, Jason Naaldijk a bati di 2-2 ku un doblete i 1 kareda empuhá, Jermaine Esprit di 2-1 ku un trípel i 3 kareda empuhá, Ryan Ogenia di 2-1 ku 2 kareda empuhá, i Rodreck Zimmerman di 2-1 ku un doblete i 2 kareda empuhá. Erickson Senior (un doblete), Evenon Martis, Ryan Samuel i Myson Cathalina tambe a bati di hit. Gerrald Grigorius tabata e picher ganadó tirando 4 inning kompletu sin permití kareda ku 3 ponche. Pa Volcano 40 ku a bati 6 hit i a hunga sin eror, Andreis Gonzalez Lovera i Alexander. Martina a bati di 2-2 kada un. Ronny Sequera Velazquez i Wilkin Lockhart Martinez tambe a konektá di hit. Luis Alcantara Figueroa tabata e picher pèrdèdó.
Broncos 12, Veteranos Otrobanda 40 4
Broncos a tabatin 8 hit i a kometé 3 eror pa derotá Veteranos Otrobanda 40 ku skor di 12 pa 4. Pa Broncos, Arley Landburg a bati di 3-2 ku un doblete, Bryon Kook di 3-1 ku 2 kareda empuhá, i Verney Jansen di 4-1 ku 2 kareda empuhá. Quincy Kook, Minald Seferina, Ian Ignacio i Ramses Elisabeth tambe a bati di hit. Verney Jansen tabata e picher ganadó lansando e 5 inningnan kompletu ku 6 ponche. Pa Veteranos Otrobanda 40 ku a bati 7 hit i a kometé 2 eror, Gilmar Velder, Wilhelm Lindenberg, Jurnick Floranus, Shanon Doran, Norvaniel Aniseto (un trípel), Eugene Martijn i Dimitri Leon a bati di hit kada un. Anthony Cijntje tabata e picher pèrdèdó.
Marchena Stars 13, Veteranos Otrobanda 50 7
Marchena Stars a konektá 12 hit i a kometé 3 eror pa bai ku e viktoria kontra Veteranos Otrobanda 50 ku skor di 13 pa 7. Pa Marchena Stars, Jair Josepha a bati di 3-2 (un trípel) ku 4 kareda empuhá, Eddy Obispo di 3-2 ku 3 kareda empuhá, Raily Cordilia di 3-2 i Giovertino Isebia di 2-2 ku 1 kareda empuhá. Jurien Martina (un doblete), Sherdon Rombley, Omar Valies i Ruthgard Lunkers tambe a bati di hit. Ray Soerka tabata e picher ganadó lansando 2.1 inning den relevo. Pa Veteranos Otrobanda 50 ku a bati 8 hit i a kometé 4 eror, Juan Trinidad a bati di 3-2 ku 1 kareda empuhá, Gregory Mathilda di 2-2 ku 2 kareda empuhá i Eran Neuman di 2-1 ku 2 kareda empuhá. Gilbert Bernadina, Alexander Martina i Cedrix Valies tambe a konektá di hit. Gregory Mathilda tabata e picher pèrdèdó.
Sta Rosa Royals 10, Wak'e Kos 7
Sta Rosa Royals a bati 13 hit i a kometé 3 eror pa gana Wak'e Kos ku skor di 10 pa 7. Pa Sta Rosa Royals C. Brunken a bati di 3-3 ku un doblete, R. Cicilia di 3-2 ku 3 kareda empuhá, C. Antonia di 4-2 ku un doblete i I. Leito di 4-2. J. Quant, S. Martina, E. Martina (2 kareda empuhá) i A. Martha tambe a bati di hit. R. Cicilia tabata e picher ganadó tirando e 5 inningnan kompletu ku 6 ponche. Pa Wak'e Kos ku a bati 7 hit i a kometé 3 eror, Mayron Wijman a bati di 2-1 ku un doblete i 2 kareda empuhá i Elmus Paulo di 1-1 ku 1 kareda empuhá. G. Zimmerman, Rodrek Zimmerman (un doblete), Luigi Yanez (un doblete) Matrona i Amador Nita tambe a konektá di hit. Amador Nita tabata e picher pèrdèdó.
