Canada ta gana Kòrsou ku skor di 2-0 den Concacaf Nations League
WILLEMSTAD – Canada a gana Kòrsou ku skor di 2-0 den Stadion Erglio Hato djasabra 25 di mart 2023 den wega bálido pa Concacaf Nations League. Canada a skor na di 23 (Jonathan David) i 43 minüt (Cyle Larin) di e promé mitar. Jurien Gaari a risibí karchi kòra na di 37 minut ku a suak e ekipo di Kòrsou bastante.
Den di dos mitar nos mester a lucha ku 10 hungadó kontra 11 di Canada. E hugada di Jurien Gaari tabata fuerte pero na nos opinion e rèfri no mester a saka karchi kòra einan pa un hugada fuerte mei mei di tereno. Rèfri por a duna un amonestashon pa laga e wega keda mas balansa. Ya… Gaari tabatin un karchi hel kaba na di 12 minüt kaba i e mester a bai mas kouteloso.
.jpg)
E karchi kòra tabata krusial pa nos i hasi e wega mas difísil pa nos den di dos mitar. Mester atmití si ku Canada su futbòl ta un tiki mas di nivel ku nos. Nan tin hungadónan manera Alphonso Davies ku ta hunga pa Bayern Munich, i ku a kaba di partisipá den Mundial na Qatar. Jonathan David ku ta hunga den Ligue 1 na Fransia pa Lille tabata e hungadó ku a nota e promé gol e tambe tabata na Qatar naturalmente.
Tempu ta yegando pa hungadónan di nivel mas haltu ku no tin chèns mas ku selekshon di Hulanda, ku tin 26/27 aña òf mas hóben pa djòin nos selekshon. FFK tambe mester pone mas insentivo pa e hungadónan aki bin hunga i nos tambe komo prensa apoyá FFK un tiki. Si hinka sèn den selekshon anto kritik ta sali for di tur skina ku no ta hasi nada pa Kòrsou su futbòl mes.
Mester sinta yega na un dialogo pa huntu nos sirbi e futbòl lokal i e selekshon tambe. Punto ta si ku Canada su nivel ta un poko mas aya i ta selekshon ku a hunga basta bon den Mundial apesar ku nan a pèrdè tur tres wega pero kontra ekiponan fuerte. 2-1 kontra Maroko, 4-1 kontra Kroasia i 1-0 i 1-0 kontra Belgika. Kroasia i Maroko a yega semi-final i Belgika tabata rankea 2 promé ku e Mundial i na a momemtunan aki ta number 4.
