Selekshon Little League Liga Pariba a sali pa Williamsport pa Mundial di Little League
WILLEMSTAD- Djaweps, 13 di ougùstùs 2026, den oranan di mèrdia e selekshon Little League di Liga Pariba, kampion di Kòrsou a sali pa Williamsport pa kompetí den e kampionato Mundial di Little League.
E selekshon a sali 3’or for di Kòrsou i e buelo lo dura más o ménos 3 ora direkshon pa Miami. Despues lo biaha di Miami pa Philadelphia ku ta mas e ménos 2 ora i 50 minut. Einan, pues na Philadelphia ta sali den bus rumbo pa Williamsport. E delegashon lo move 4 ora den bus. Naturalmente e muchanan i e delegashon kompletu lo yega bastante kansá na Williamsport. E delegashon ku ta konsistí di 14 hungadó, tres coach i traduktor.
RBC Royal Bank manera ta e kaso ku tur selekshon, tabata presente pa duna e selekshon sostén i deseá e delegashon éksito. RBC Royal Bank, manera ya a bira un tradishon pa 26 aña kaba, ta spònser unifòrm, kubri gran parti di e biahe i naturalmente ‘zakgeld’ pa e muchanan di selekshon. RBC Royal Bank ta spònser number 1 di Little League ya pa 26 aña.
E siguiente hungadónan a biaha ku e selekshon:
Naeem Angel Coeriel, Raymiel Antonia, Jaymiel Antonia, Shardijon De Lanoi, Juriënsly De Windt, Steven Felix, V-Dien Ignacio Lindo, Zha-Djir Janga, Nathanael Jansen, Ruendrickson Leuteria, Jaymiëll Martina, Jordan Richards, Giëndry Ryan, Q'Jeaume Valks,
Manager di e selekshon ta Railison Gijsbertha ku su coachnan Gershwin Meyer, Ramses Jamanika. Norval Faneyte ta traduktor. Miembronan di direktiva di Liga Pariba Richinel Ostiana i Jacqueline Bernabela tambe a biaha ku e delegashon.
