Lions a gana Pitufos i Jaws a derotá Baranka den Liga 50
WILLEMSTAD — E kampionato di Liga 50 a sigi djadumingu ku 3 wega na Frank Curiel Ballpark. Tabatin algun wega fuerte i bon bringa. Ekipo Lions a kibra invikto di Pitufos ganando ku skor di 4 pa 3. Gregory Martijn tabata e picher ganadó pa ekipo Lions. Den otro wega kayente, Jaws a gana di Baranka ku skor di 5-1. Mon Repos Sluggers mester a lucha den e último inning pa gana di Curaçao Super Stars ku skor di 6-5.
Standing despues di e weganan di djadumingu último ta: Lions 5-1, Pitufos 4-1, Nos Tambe Por 4-2, Jaws 4-2, Los Amigos 3-2, Sluggers 3-3, Baranka 2-3, Nos Power 1-5, Curaçao Super Stars 0-6.
Lions 4, Pitufos 3 Lions a dal 4 hit i hasi 4 eror. Picher ganadó tabata Gregory Martina. Winston Kirindongo a bati di 2-2, Fernando Rosario tambe a bati di 2-2. Pitufos a dal 6 hit i hasi 3 eror. Lesley Martina tabata e picher perdedó. Reginald ‘Naai Hooi a bati di 2-2.
Jaws 5, Baranka Jaws a bati 7 hit i hunga sin eror. Norman de Roon tabata e picher ganadó. Ruben Snoyl i Richard Campagnard a bati di 3-2. Baranka a konektá 5 hit i hasi 1 eror. Anthony Pieter tabata e picher perdedó. Algun batiadó a bati di 2-1.
Mon Repos Sluggers 6, Curaçao Super Stars 5 Mon Repos Sluggers a bati 15 hit i hasi 1 eror. Ushley Kirindongo tabata e picher ganadó den relevo di Ramon Moreta. Raymond Bakboord a bati di 3-3. Curaçao Super Stars a dal 9 hit i hasi 2 eror. Robert ‘Angua’ Isaacs a bati di 2-2, Albert de Las Chiquez i Gilbert Gosepa a bati di 1-1, Ivo Samson tambe di 1-1.
Santa Maria Pirates ta gana dos wega den wikènt den Beisbòl Veterano
WILLEMSTAD- Santa Maria Pirates supkampion di Beisbòl Veterano di 2025 a gana dos wega den wikènt den kontinuashon di Beisbòl Veterano 40+ na Vi Jansen Ballpark. Djasabra Santa Maria a gana di Broncos pèrtá 4 pa 3 i djadumingu Santa Maria a blankiá Azucar 4 -0. Den e otro weganan Volcano a gana Otrabanda 6 pa 1. Den Liga 50, ekipo Wak e Kos a keda invikto ganando di Otrabanda 21 pa.0.
MAS INFORMAHSON DI SÒFTBÒL I BEISBÒL
Fanátikonan di Deporte Korsou Felis wikent Nos ta sigi awe ku informashonnan di Beisbòl i Sòftbòl. Beisbòl Dòbel A ta den rekta final pa loke ta trata kampionato regular. Te ku djadumingu último mayoria ekipo a hunga entre 21 pa 22 wega. Tur ekipo mester hunga 24 wega ku ta 6 buelta i 4 wega kada buelta. Standing te ku djadumingu tabata Santa Maria Pirates 15-6, Royal Scorpions 12-10, Wild Cats 12-10, Santa Rosa Indians 9-12, Groot Kwartier Stars 6-16. Santa Rosa ta práktikamente klasifiká komo number 4 miéntras Groot Kwartier a keda den sótano. Manera nos lesadónan ta mira ei Groot Kwartier falta dos wega i ganando tur dos nan no por yega ekipo Santa Rosa mas ku tin 9 wega ganá. Djamars royal Scorpions a gana Groot Kwartier 3 pa 1 i djarason Wild cats a gana Santa Rosa 6-5. Djaweps Santa maria a gana Grooty Kwartier pa defolt, 21-0.
* * * * *
E análisis ku nos a hasi aki ta promé ku e wega di djamars. Wikènt pasá e ekiponan grandinan a pèrdè i esnan chikí a gana. Djasabra Santa Rosa a gana di Royal Scorpions 3-1 i djadumingu Groot Kwartier a gana di Wild Cats ku skor di 4-3. Vários hóben den akshon den Beisbòl Dòbel A. Hungadónan manera Beyonce Paulina, Ruchano Petrona, Karim Ayubi, Raychelnon Ogenia (yu di Djaka Ogenia) ku ta kla pa firma Beisbòl Profeshonal. E hungadónan aki ta di Santa Rosa Indians. Pa loke ta hungadónan hóben den Royal Scorpions, Peson Revierre ku ta èks-profeshonal pa motibu di aksidente a keda laga den libertat. Den ekipo Wild Cats nos a mira Farens Wooter, Sendrion Martinus i Jamdrick Cornelia. E veterano Risandro Pastor a bini bèk komo picher pa Wild Cats.
* * * * *
Playoff ta start dia 22 di ougùstùs den Tio Daou Ballpark naturalmente. Sherwenne Antersijn di Santa Maria ta práktikamente sigur di bira kampion bate ku su average haltísimo di riba .500 partisipando den 20 wega. 33 hit den 65 turno ta algu nunka bisto riba nivel Dòbel A. Algun aña pasá Risandro Pastor tambe tabatin un average haltu asina ei yegando na final di kampionato. Den RBI, Rojean Cleofa ta líder ku 23 RBI. Swindley Lint ta líder den homerun ku 4. Pa loke ta picheo, Cerilio Soleana ta sólido den e kategoria ei ku un ERA di 1.09. Cerilio Soleana mes ta líder den wega ganá ku 6. Pa loke ta trata wega salbá tin un empate entre Hershelon Juliana di Santa Rosa Indians i Alexander Rodriguez di Wild Cats ku 2 wega salbá kada unu. Kevin Kelly di Royal Scorpions tin 42 ponche tirá komo líder. Ziarich Daal i Kevin Kelly tin dos wega kompletu tirá, empatá na promé lugá den e departamento ei.
* * * * *
Den Liga 50 di Sòftbòl nos a risibí sifra di e lídernan pa loke ta hungadó individual. Robertico Ramazan ta líder den bateo ku un average di .682. Den homerun nos tin 7 hungadó empatá ku 1 homerun. Irving ‘Skippy’ Sambo di Marlins ta líder den karerda empuhá ku 14. Den picheo, Gilbert Henrietta di Jandoret Raiders tin 3 ganá i 0 pèrdí. E di dos buelta di Liga 50 ta sigi djasabra awor na Van Engelen Ballpark ku 4 wega. Pa 10'or Artemisia ta topa ku Sluggers, 12'or Baranka vs Pitufos, 2'or Jandoret vs Marlins, 4'or Jaws kontra Flamboyan. Ekipo Chonchies tin barwacht, Ban Serio i Lions ta líder. E buelta aki lo dura pa 5 djasabra i playoff ta poné pa start dia 19 di sèptèmber kaminda ekipo 7 lo topa ku 4, i 6 vs 5. E ganadónan di e dos weganan aki lo topa otro djadumingu pa saka e number 4 ku lo start ku playoff semifinal djasabra 26 di sèptèmber. Lo hunga playoff semifinal i final solamente riba djasabra.
* * * * *
Den MLB ekiponan ta yegando 118 wega i Tampa Bay ta mustra sólido den Ost di Liga Amerikana ku bentaha riba Yankees i Boston. Te ku djaluna anochi Tampa Bay tabata ku 7 wega sigí ganá. Yankees ta na di dos lugá i Boston ta sigi. Den Sentral di Liga Amerikana Chicago White Sox a sorpresá tur siguidó di beisbòl e aña aki, nan ta den kabes riba Minnesota Twins i Detroit Tigers. Den West ta Houston Astros ta den kabes kaminda Yordan Alvarez ta karga e ekipo aki rumbo pa Triple Crown. Atlanta Braves ta mustra ku nan lo bai di punta a punta den divishon Ost di Liga Nashonal e aña aki. Milwaukee Brewers fásil den Central ku e mihó rèkòrt di beisbòl MLB den 2026 ku 74 ganá. Dodgers ta den kabes pero nan a kai un tiki i ta solamente 7 wega i medio ariba Arizona. Nos ta keda te aki pa awe i te mayan ku Poder di Dios.
