Chilling ta swip Join Me den Liga di Nos Tur
WILLEMSTAD- Chilling den nan unifòrm nobo nobo a gana Join Me djabièrnè i djasabra último den Frank Curiel Ballpark. Chilling a gana wega number 1 ku skor di 14 pa 6 djabièrnè i 9-4 djasabra. Ekipo Un Kara tambe a swip su kontrinkante. Den e kaso aki nan a dal Shining Stars ku skor di 5 pa 1 i 8-0. Liga di Nos Tur ta sigi tur djabièrnè i djasabra den Frank Curiel Ballpark.
Djabièrnè 17 di yüni
Chilling 14, Join Me 6
Chilling tabatin 14 hit ku 7 eror. Churmelyn Eduarda a gana, Jamira Osepa i Angelique Gouverneur-Fransina, ámbos a bai di 2-2. Sovienny Kleinmoedig, Mellisa Rosalina i Candida Girigorius-Wawoe, tur a bai di 1-1. Pa Join Me 8 hit sin eror. Julia Holder a pèrdè. Judesca Kastaneer a bai di 3-3. Julia Holder a bai di 1-1. Ashantely Giterson i Lluenchela Sophia, ámbos di 3-2.
Un Kara 5, Shining Stars 1
Un Kara a dal 8 hit i nan a hunga sin eror. Carlientje Cleopa tabata picher ganadó. Rachel Koeyers a bai do 2-2. Isonette Polonius ku Rubia Adelina, ámbos di 1-1. Fayna de Mey i Brunaila Felipie, tur 2 a bai di 3-2. Shining Stars tabatin 6 hit ku 2 eror. Suyenne Otto-Apostel a resultá pèrdèdó. Sovienca Calmera a bai di 1-1. Yurriene Gonzalez, Harjanela Jozef, Grace Girigorie i Suyenne Otto-Apostel. Tur a bai di 2-1.
Djasabra 18 di yüni
Chilling 9, Join Me 4
Chilling tabatin 9 hit ku 2 eror. Dulce Petronilia tabata picher ganadó. Henmarigila Bernardus ku Loeshemains Kook, ámbos a bai di 2-2. Maria Bentura a bai di 1-1. Shurella Merkies ku Ismay Thielman, ámbos di 2-1. Join Me a dal 5 hit i nan a hasi 2 eror. Julia Holder a resultá pèrdèdó. Ridienne Offerman, Ashantaly Giterson, Judesca Kastaneer, Mirurgia Bernadina i Dynaira Held, tur a bai di 2-1.
Un Kara 8, Shining Stars 0
Un Kara a bati 8 hit i kometé 1 eror. Mairis Obispo a gana i Curilma Carolina a bai di 2-2. Girela Maria-Isabella a bai di 1-1. Isonette Polonius di 2-1. Shining Stars tabatin 4 hit ku 3 eror. Minerva Maduro a pèrdè. Josanne Rosario ku Sulaika Isabella, ámbos di 1-1. Dianella Joseph a bai di 2-1.
INFORMASHON DI SòFTBÒL I BEISBÒL
Fanátikonan di Deporte Korsou. Beisbòl Dòbel A a sigi ku varios wega den wikènt. Unu riba djasabra i otro wega riba djadumingu. Wild Cats a swip e serie kontra Santa Rosa ganando djaweps 7 pa 5 i djasabra ku skor di 13 pa 2. Ekipo Wild Cats ta mustra sólido i rumbo pa klasifiká number 1 of number 2 despues di 4 buelta. Wild Cats ta sólido riba tur linea, picheo, defensa i bateo. E ekipo tin ménos hungadó riba lista kompará ku otro ekiponan. Kuadro ta formá pa Alexander Rodriguez, Dylan Harms, Shurendell Mujica, Terrence Josephina. Komo reservanan tin Jegvenny Hendrik i Greggson Juliana komo reserva. Den outfield tin Raysheandall Michel, Risandro Pastor i Rojean Cleofa.
* * * * *
Reservanan den outfield ta Raycheron Michel i e hóben Brahian de La Maza. Kècher ta Urlich Snijders i Randolph Kirindongo tambe. Picheo ta sólido enkabesá pa Ruderly Manuel i Kennymar Locadia. E hóben Klevert Martina ku tabata tira den Western Oklahoma State College ta den gran forma ku 10 inning tirá ku un ERA di 2.70. Djadumingu den oranan di mèrdia ekipo Groot Kwartier a laga Marchena Braves den tereno ganando ku skor di 11 pa 9. Den wega ku a tuma lugá den Stadion Johnny Vrutaal, Marlison Brunken a dal homerun riba konteo di 1-2 pa Groot Kwartier laga Marchena Braves den tereno.
* * * * *
Remarkabel ta ku e wega aki a yega bòm di e di 9 inning empatá na 3 kareda. Marchena Braves komo ekipo di kas ta nota 6 kareda pa bai ariba 9 pa 3 den kabes di e di 10 inning, ke mèn den Extra Inning (Tie Break), pero di un manera sensashonal Groot Kartier ta nota 8 kareda pa bòltu e skor. Despues tabatin wega kandela entre Royal Scorpions i Santa Maria Pirates. Hopi hungadó mes a move di Royal Scorpions pa Santa Maria Pirates, entre otro coach Richard ‘Chado’ Obispo. Pichernan habridó tabata Christopher Koeiman pa Royal Scorpions i Faysel Gregorio pa Santa Maria. Promé ku e wega aki e standing tabata lo sigiente. Wild cats 4-1, Groot Kwartier Stars 3-2, Santa Rosa Indians 3-3, Firebirds 2-2, Santa Maria Pirates 2-2, Royal Scorpions 1-3. Marchena Braves 1-4.
* * * * *
Djasabra Liga Amstel mester a start na Van Engelen Ballpark. Gran ousente den e liga aki ta ekipo Bombers, ekipo super eksitoso ku parse a wanta un ratu ku Slowpitch. Bombers no ta di akuerdo ku e picheo habrí i basta gai di Bombers a djoin Beisbòl 40+ i no tin masha hungadó hóben pa kompetí manera mester ta den Liga Amstel. Parse ku e pa loke ta trata Liga 50, ekipo Baranka a pasa relatívamente fásil riba Ban Serio ganando ku skor di 9 pa 3. Gilbert ‘Gibi’ Henrietta a picha fásil durante 5 inning pa bai ku e viktoria. Gibi no a tira niun base por bola den e wega menshoná. Baranka i Jaws ta e ekiponan invikto di Liga 50. Baranka tin rekòrt di 3-0 i Jaws 2-0. E otro ekiponan tin wega pèrdí den Liga 50. Den otro wega Pitufos a gana Sluggers i nos ta pendiente pa e skor. Jaws a gana Artemisia 7 pa 5 i Marlins a dal Catpower 12 pa 5. Marlins tin rekòrt di 2 ganá i 1 pèrdí.
* * * * *
Nos tin resultadonan di Liga di Nos Tur. E liga no a start ku e gran kantidat di fanátiko manera tabata e kaso di añanan anterior. E liga a drei zetá na 2021 i añanan anterior i hasta den pandemia. Nos ta kere ku hopi aktividat ku tin despues ku a habri bèk pa fiesta i otro aktividatnan ta pone ku e fanátikonan no a bai na boshi ainda pa Frank Curiel Ballpark riba djabièrnè i djasabra anochi manera ya a bira un tradishon. Un Kara ta den kabes empatá ku Chilling ku rekòrt di 5-1. Ta sigi Sin Stress 2-2, Curacao Sweetheart 0-2, Shining Stars 0-2, Join Me 0-4.
