Cicoza ta nòkout Terremaster 17 pa 5 den Liga Amstel
WILLEMSTAD – Cicoza a skor 11 kareda den di 4 inning, pa bòltu e skor di 6-5 i hasi e wega 17-5 djasabra atardi na Van Engelen Ballpark. Cicoza a debutá den gran forma den Liga Amstel despues ku siman pasá nan wega a keda pará pa motibu di awaseru. Terremaster tin dos wega pèrdí den dos aparishon. Den otro wega Bombers ku ta duru bèk den Liga Amstel a dal X-Treme 13-4. E wega ei tabata 4 -4 den di 4 inning. Thrillers kampion 2019 a dal ekipo Terremoto duru 18-9. Sugar a laga Gamers den tereno ganando 14-13.
Cicoza 17, Terremaster 5
Cicoza a dal 18 hit i hasi 1 eror. Raylison ‘Sontje’ Gijsbertha tabata ganadó di e wega i Sherwenne Antersijn ku Jurnick Floranus, ámbos a bati di 3-3. Ulrich Snijders a dal un homerun.
Terremaster a konektá 9 hit i hunga sin eror. Luis Francisco ‘Baby’ Alcantara a resultá e picher pèrdèdó. Mark ‘Primu’ Martina a bati di 2-2.
Bombers 13, X-Treme 4
Bombers a dal 15 hit i hunga sin eror. Jovan Wal a gana i e mes a bai di 2-2. Luigino Domacasse di 4-3.
X-Treme a bati 8 hit i hunga sin eror. Jose Obispa a resultá e picher pèrdèdó. Ela risibí relevo di Jair Josepha den último inning. Jair Josepha i Ryan Emer, ámbos a bai di 3-2.
Sugar 14, Gamers 13
Sugar a dal 14 hit i nan a kometé 3 eror. Wendley ‘Pancho’ Serberie a gana i e mes a bati di 2-2. Dicon Acosta a konektá un grandslam. Gamers a konektá 11 hit i hasi 2 eror. Selvinson Angelista a pèrdè i Wally Kopra a bati di 4-3. Stanley Girigorie a dal un homerun.
Thrillers 18, Terremoto 9
Thrillers a konektá 15 hit i nan a kometé 2 eror. Ruwel Matrona a gana i Argenis Daal a bai di 5-4. Michelangelo Trinidad, Alexander Rodriguez, Argenis Daal i Ruwel Matrona, tur a bati un homerun. E homerun di Michelangelo Trinidad tabata grandslam. Terremoto a dal 17 hit i hasi 1 eror. Fardy Lard tabata a pèrdè. Zaino Everett a bati di 4-4.
