Clase Aparte ta swip Navegantes i pasa pa final Liga van Engelen
WILLEMSTAD- Clase Aparte a gana Navegantes dos wega sigí den semi-final i pasa pa final di Liga van Engelen. E weganan ku a tuma djadumingu último na Van Engelen Ballpark a terminá ku skornan 21-16 i 18-0. Weganan final entre Swift i Clase Aparte lo tuma lugá awe djadumingu 18 di yüni 2023.
RESULTADONAN
Clase Aparte 21, Navegantes 16
Clase Aparte a konektá 20 hit i kometé 4 eror. Richene Martina a gana. Robert Ramazan ku Shurby Sambo, ámbos a bai di 2-1. Leroy Antonia ku Richene Martina, ámbos di 2-1. Ramiro Balentina, Ulrich Snijders, Regino Winklaar i Ryan Emers, tur a bai di 4-3. Carlos Pineda di 4-2. Leroy Antonia, Richene Martina, Ramiro Balentina, Regino Winklaar i Ryan Emers, tur a konektá 1 homerun i Ulrich Snijders a konektá 2. Navegantes tabatin 12 hit ku 2 eror. Andley Simmons a pèrdè i e mes a bai di 2-1. Anselmi De Jesus Cabrera Acevedo a bai di 2-2. Shuremi Fornerino a bai di 3-2, Adoni Suarez Ospina a bai di 4-2 i Jurnick Floranus di 4-2. Andley Simmons a konektá 1 homerun i Jurnick Floranus a konektá 2.
Clase Aparte 18, Navegantes 0
Clase Aparte tabatin 16 hit i nan a hunga sin eror. Stanley Girigorie tabata picher ganadó. Ramiro Balentina a bai di 1-1. Ryan Emers ku Quincey Martha, ámbos di 2-1. Regino Winklaar, Carlos Pineda ku Robert Ramazan, tur a bai di 3-2. Ulrich Snijders di 3-3 i Geriyon Jakob a bai di 4-2 inkluyendo 1 homerun. Navegantes a dal 2 hit i nan a hasi 4 eror. Ryan Van Heydoorn a resultá pèrdèdó. Anselmi De Jesus Acevedo ku Ryan Vn Heydoorn, ámbos di 1-1.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia. Nos tei manera ku informashon di Sòftbòl i Beisbòl. Den play-off di Liga van Engelen ekipo Clase Aparte a gana Navegantes dos wega i pasa pa final. Weganan a terminá ku skornan 21-16 i 18-0. Promé wega tabata manera un tiki pèrtá, pero den di dos wega ekipo Clase Aparte a bin serio i laga un mensahe stret atras tantu pa Navegantes komo pa Swift. Swift ta den final un siman kaba despues di a gana Clase Aparte den e seri di number 1 vs 2.
* * * * *
E weganan di Clase Aparte vs Swift a termina 8-5 i 18 pa 2 na fabor di Swift. Ekipo Clase Aparte tin hungadónan manera Ramiro Balentina, Urlich Snijders, Carlos Pineda, Gavanee Virginie, Geriyon Jakob, Leroy Antonia, Minald Seferina, Regino Winklaar, Richene Martina, Robert Ramazan, Ryan Emers i Stanley Girigorie. Picheo ta den man di Stanley Girigorie ku Richene Martina. Dos picher ku por basha kualke tim fuerte abou, espeshalmente Richene Martina ku a bira MVP di Kopa ABC. Swift a reforsá ku Richene Martina di Clase Aparte den Kopa ABC&S i awor nan mester bai enfrentá mesun Richene Martina. Weganan ta djadumingu awor 10’or i 12’or na Van Engelen Ballpark.
* * * * *
Swift super kampion Kopa ABC&S di 2023 i ku e último 5 torneonan riba e nivel ei, ta karga ku superstar ku hungadónan manera Anjohnny Medina, Darwin Blanquicett, Dave Kirindongo, Dicson Acosta, Dimitri Leon, Jegveny Hendrick, Jonathan Martijn, Julio del Rosario, Michelangelo Trinidad, Nurrison Leonora, Randy Kirindongo, Rydell Isabella, Reyhan Fecunda i Rodney Michel. Picheo ta den man di e super Emilio Velarde, Anjonny Medina, Dicson Acosta i algun picher mas. Swift tin un ventaha leve ku e picheo di Emilio Velarde, pero mester tene kuenta ku e picheo di Richene Martina. Kandela den final Van Engelen 2022. Tene kuenta ku ta kampionato 2022 ku ta kabando awor den 2023.
* * * * *
Beisbòl Veterano ta sigi wikènt awor ku wega entre Jandoret Raiders i Quality Stars. Dos ekipo invikto den 2023 huntu ku Santa Rosa Memories ku ta e úniko 3 ekiponan invikto. Standing den Beisbòl Veterano ta Jandoret Raiders 3-0, Quality Stars 3-0, Santa Rosa Memories 3-0, Isla Crackers 2-1, Santa Maria Pirates 2-1, Azucar 1-2, The Brothers 1-2, Vosama 1-2, Yesterday 1-2, Marchena 0-3, Marlins 0-2, Otrabanda 0-2. Pa loke ta trata lidernan den bateo, ta Bertrand Peters (Santa Maria ) ku tin .857. Bertrand tabata di 5-5 den e promé weganan, pero a faya un turno ku un ponche kontra di Quality Stars. Deron Clara (Jandoret) tin .778, Chervin Maduro (Jandoret) .750. Bertrand Peters ta lider den RBI ku 9 i Bertrand tin 2 homerun i ta kimanda liga den Beisbòl Veterano.
* * * * *
Dayron Puriel (Quality Stars), Raymy Cicilia (Santa Rosa), Rosendo Clemencia (Isla) i Rainier Martis (Isla) ta lider den ERA ku 0.00. Raylan Capella di Jandoret ta lider den ponche tirá ku 12, sigí pa Raymy Cicilia ku tin 11. Weganan di wikènt awor ta djasabra 17 di yüni, 10.30 Jandoret Raiders – Quality Stars, 13.00 Veterano Otrabanda – Marchena Stars, 15.30 Marlins – Santa Maria Pirates. Djadumingu 18 di yüni Azucar – The Brothers, 13.00 Isla Crackers – Yesterday, 15.30 Santa Rosa Memories kontra Otrabanda.
* * * * *
Liga 60 a start djadumingu último na Frank Curiel Ballpark ku 3 wega. Pa loke ta trata e resultadonan Los Amigos a gana Nos Power 8-1, Jaws a superá Nos Tambe Por 3-2, Pitufos a dal Sluggers 8 pa 6. E kampionato ta dediká na Johannes Curie, Oswald Elisa, Hermenegildo Bernadina, Melvin Alexander i Luis Figueira de Chaves. Segun nos 4 di nan ta 70+ kaba i tin hopi aña moviendo den Liga 60 di Sòftbòl. Nos no a mira e numeritonan ainda riba Game Changer. Te otro okashon ku Poder di Dios.
